រាជធានីភ្នំពេញ ៖ រាជរដ្ឋាភិបាលកម្ពុជា និងអង្គការយូណេស្កូ នាព្រឹកថ្ងៃទី៦ កញ្ញា ២០១២ នៅទីស្តីការគណៈរដ្ឋមន្ត្រីបានប្រារព្ធពិធីចុះហត្ថលេខាលើកិច្ចព្រមព្រៀងស្តីពីកិច្ចគាំពារប្រាសាទអង្គរវត្តរវាងលោកឧបនាយករដ្ឋមន្ត្រី សុខ អាន រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា ជាមួយលោកស្រី Anne LEMAISTRE តំណាងអង្គការយូណេស្កូនៅកម្ពុជា ។
រាជធានីភ្នំពេញ ៖ រាជរដ្ឋាភិបាលកម្ពុជា និងអង្គការយូណេស្កូ នាព្រឹកថ្ងៃទី៦ កញ្ញា ២០១២ នៅទីស្តីការគណៈរដ្ឋមន្ត្រីបានប្រារព្ធពិធីចុះហត្ថលេខាលើកិច្ចព្រមព្រៀងស្តីពីកិច្ចគាំពារប្រាសាទអង្គរវត្តរវាងលោកឧបនាយករដ្ឋមន្ត្រី សុខ អាន រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា ជាមួយលោកស្រី Anne LEMAISTRE តំណាងអង្គការយូណេស្កូនៅកម្ពុជា ។
លោកឧបនាយករដ្ឋមន្ត្រី សុខ អាន រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរាមានប្រសាសន៍ថា ការចុះបញ្ជីប្រាសាទអង្គរចូលជាបេតិកភណ្ឌពិភពលោកនៅឆ្នាំ១៩៩២ នៅពេលនោះក្នុងបញ្ជីគេដាក់ថា ជាបេតិកភណ្ឌប្រឈមដោយគ្រោះថ្នាក់ ។ ប៉ុន្តែរយៈពេល១០ឆ្នាំក្រោយមក អង្គប្រជុំពេញអង្គរបស់អង្គការយូណេស្កូ ហើយនិងគណៈកម្មការបេតិកភណ្ឌពិភពលោកគេបានដកប្រសាទអង្គរចេញពីបញ្ជីដែលគេហៅថា បេតិកភណ្ឌប្រឈមដោយគ្រោះថ្នាក់ ។
លោកឧបនាយករដ្ឋមន្ត្រីមានប្រសាសន៍បន្តថា ចាប់តាំងពីឆ្នាំ១៩៩៣ មក គេបានបង្កើត (ICC-Angkor) ហៅថា គណៈកម្មការអន្តរជាតិ ដើម្បីសម្របសម្រួល និងអញ្ជើញប្រទេសផ្សេងៗដែលមានលទ្ធភាពខាងបុរាណវិទ្យា ខាងបេតិកភណ្ឌ ដើម្បីមកចូលរួមចំណែកក្នុងការអភិវឌ្ឍន៍ជួសជុល និងអភិវឌ្ឍន៍អង្គរ ។
រាជរដ្ឋាភិបាលកម្ពុជាក៏បានបង្កើតអាជ្ញាធរជាតិអប្សរា ដើម្បីជាដៃគូជាមួយគណៈកម្មការបេតិកភណ្ឌពិភពលោក (ICC-Angkor) ដែលអង្គការយូណេស្កូបានសំណូមពរឱ្យមានយន្តការជាដៃគូ ដើម្បីប្រមូលផ្តុំកិច្ចសហប្រតិបត្តិការក្នុងការថែរក្សាអង្គរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ