ខេត្តកំពង់ឆ្នាំង ៖ យុវជនម្នាក់បានជិះម៉ូតូទៅបុកចូលក្រោមរថយន្ត បណ្តាលឱ្យអូសចម្ងាយជាង១០ម៉ែត្រ ហើយស្លា.ប់នៅក្រោមកង់រថយន្តតែម្តង ខណៈដែលមេឃកំពុងធ្លាក់ភ្លៀងជាខ្លាំង កាលពីវេលាម៉ោង៧និង១៥នាទីព្រឹកថ្ងៃទី៦ កញ្ញា ២០១២ នៅចំណុចផ្លូវបំបែកជា៤កែងសាលារៀនគំរូក្រុង និងសួនច្បារនាងកង្រី ស្ថិតក្នុងភូមិធម្មយុត្តិ សង្កាត់ប្អេរ ក្រុងកំពង់ឆ្នាំង ។
ខេត្តកំពង់ឆ្នាំង ៖ យុវជនម្នាក់បានជិះម៉ូតូទៅបុកចូលក្រោមរថយន្ត បណ្តាលឱ្យអូសចម្ងាយជាង១០ម៉ែត្រ ហើយស្លាប់នៅក្រោមកង់រថយន្តតែម្តង ខណៈដែលមេឃកំពុងធ្លាក់ភ្លៀងជាខ្លាំង កាលពីវេលាម៉ោង៧និង១៥នាទីព្រឹកថ្ងៃទី៦ កញ្ញា ២០១២ នៅចំណុចផ្លូវបំបែកជា៤កែងសាលារៀនគំរូក្រុង និងសួនច្បារនាងកង្រី ស្ថិតក្នុងភូមិធម្មយុត្តិ សង្កាត់ប្អេរ ក្រុងកំពង់ឆ្នាំង ។
មន្ត្រីប៉ូលិសចរាចរក្រុងកំពង់ឆ្នាំង បាននិយាយថា ជនរងគ្រោះមានឈ្មោះសុខ ចំរើន អាយុ២២ឆ្នាំ មានទីលំនៅភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង ជិះម៉ូតូម៉ាកស្គូពី ។ ប្រភពដដែលបានបន្តថា មុនពេលកើតហេតុជនរងគ្រោះបានជិះម៉ូតូម៉ាកស្គូពីជើងទៅត្បូងក្នុងល្បឿនលឿន លុះមកដល់ចំណុចកើតហេតុ ស្រាប់តែមានរថយន្តមួយគ្រឿងទៀតម៉ាកគា ផលិតនៅប្រទេសកូរ៉េ ចំណុះមួយតោនកន្លះ ដឹកស្រូវពេញបើកពីលិចទៅកើត ក្នុងល្បឿនលឿនដែរ ក្នុងទិសដៅខ្វែងគ្នា ភ្លាមនោះជនរងគ្រោះបានប្រថុចញ៉ុចចាប់ហ្វ្រាំងបង្ខំបោកដួលចំធុងសាំងនៃរថយន្តហើយទាំងម៉ូតូ និងមនុស្សបានខ្ទាតចូលទៅក្រោមរថយន្ត អូសជាង១៦ម៉ែត្រ ដែលក្នុងនោះជនរងគ្រោះបានស្លាប់យ៉ាងអាណោចអាធ័មនៅក្រោមកង់រថយន្ត ចំណែកម៉ូតូបានខ្ទាតចេញពីរថយន្តចម្ងាយជាង១០ម៉ែត្រ ពេលនោះអ្នកបើកបររថយន្តដឹកស្រូវបានបើកទ្វាររថយន្តរត់គេចខ្លួនបាត់តែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ