ខេត្តព្រៃវែង ៖ កាលពីថ្ងៃទី៣ កញ្ញា នៅវិទ្យាល័យមេសាងស្ថិតក្នុងឃុំជីផុច ស្រុកមេសាង មានរៀបចំពិធីប្រជុំផ្សព្វផ្សាយស្តីពីសារប្រយោជន៍នៃការបង្កាត់ពូជជ្រូកដោយសិប្បនិម្មិត ដែលធ្វើឡើងដោយការិយាល័យផលិតកម្ម និងបសុព្យាបាលខេត្ត ដោយមានការចូលរួមពីពលរដ្ឋចំនួន៥៥នាក់ មន្រ្តីជំនាញ៣នាក់ និងភ្នាក់ងារបម្រើសុខភាពសត្វភូមិចំនួន១១នាក់។
ខេត្តព្រៃវែង ៖ កាលពីថ្ងៃទី៣ កញ្ញា នៅវិទ្យាល័យមេសាងស្ថិតក្នុងឃុំជីផុច ស្រុកមេសាង មានរៀបចំពិធីប្រជុំផ្សព្វផ្សាយស្តីពីសារប្រយោជន៍នៃការបង្កាត់ពូជជ្រូកដោយសិប្បនិម្មិត ដែលធ្វើឡើងដោយការិយាល័យផលិតកម្ម និងបសុព្យាបាលខេត្ត ដោយមានការចូលរួមពីពលរដ្ឋចំនួន៥៥នាក់ មន្រ្តីជំនាញ៣នាក់ និងភ្នាក់ងារបម្រើសុខភាពសត្វភូមិចំនួន១១នាក់។
លោកវ៉ា វិសិដ្ឋ អនុប្រធានការិយាល័យផលិតកម្ម និងបសុព្យាបាលខេត្ត បានមានប្រសាសន៍ថា គោលបំណងនៃការជួបប្រជុំគ្នានេះគឺដើម្បីបង្កើនផលិតកម្មជ្រូក និងកាត់បន្ថយការរីករាលដាលជម្ងឺរាតត្បាតព្រមទាំងកាត់បន្ថយការចំណាយទៅលើការចិញ្ចឹមបាជ្រូក បង្កើនភាពងាយស្រួលដល់ដំណើរការបង្កាត់ពូជប្រកបដោយសុវត្ថិភាពផ្នែកសុខភាពសត្វនិយាយរួមគឺកាត់បន្ថយនូវការបង្កាត់ពូជជ្រូកដោយផ្ទាល់រវាង បាជ្រូក និងមេជ្រូក។ ក្រោយពីបានធ្វើការបណ្តុះបណ្តាលភ្នាក់ងារបង្កាត់ជ្រូកដោយសិប្បនិម្មិតកន្លងមកជាលទ្ធផលមកទល់ ពេលនេះ គឺមានមេជ្រូកចំនួន ១៣៣ក្បាលត្រូវ បានបង្កាត់ដោយសិប្បនិម្មិត ។សមិទ្ធផលនេះក៏ បានមកពីកិច្ចខិតខំប្រឹងប្រែងរួមចំណែក និង សហការល្អ ពីគម្រោងMSME កម្ពុជាផងដែរ។
លោកវ៉ា វិសិដ្ឋមានប្រសាសន៍បន្តថាដើម្បីទប់ស្កាត់ស្ថានភាពផលិតកម្មសត្វជ្រូកនាបែប បច្ចុប្បន្ននេះ បងប្អូនគប្បីរួមមតិគ្នា បង្កើតជាសហគមន៍អភិវឌ្ឍន៍កសិកម្មក្នុងមូលដ្ឋានរបស់ខ្លួន ទើបសម្បូរព័ត៌មានដែលទាក់ទងនឹងផលិតកម្មជ្រូកព្រមទាំងសំបូរចំណេះដឹង និងចំណេះធ្វើ ដែលជាយន្តការបម្រើឱ្យផ្នែកចំណូលសេដ្ឋកិច្ចក្នុងគ្រួសាររបស់បងប្អូនយើងទាំងអស់គ្នា។ថ្វីដ្បិតតែយើងមានចំណេះដឹង ចំណេះធ្វើ ដែលជាការប្រសើរក៏ពិតមែន តែបងប្អូនក៏ត្រូវគិតផង ដែរទៅ លើការធ្វើអនាម័យ ការធ្វើជីវសុវត្ថិភាព ព្រមទាំងការគ្រប់គ្រងលើការចិញ្ចឹមសត្វជ្រូករបស់យើង ។
លោកវ៉ា វិសិដ្ឋក៏បានធ្វើការផ្តាំផ្ញើទៅដល់សាធារណជន ជាពិសេសបណ្តាអ្នកចិញ្ចឹមជ្រូក សូមឱ្យចាប់អារម្មណ៏ងាកមករកការបង្កាត់ពូជ ជ្រូកដោយសិប្បនិម្មិតវិញ ព្រោះបងប្អូនអាចបញ្ចៀសបាននូវការខាតបង់ថវិកា ពេលវេលាចិញ្ចឹម និងមិនអាចមានឆ្លងជំងឺរាតត្បាត ៕
ចែករំលែកព័តមាននេះ