រាជធានីភ្នំពេញ ៖ ទីតាំងថ្មីរបស់គ្លូប៊លអាតកម្ពុជាត្រូវបានសម្ពោធហើយកាលពីថ្ងៃទី១កញ្ញាឆ្នាំ២០១២ដោយមានការចូលរួមពីលោក Mahair Goh ដែលជាស្ថាបនិកនិងអគ្គនាយកគ្រប់គ្រងនៃទីស្នាក់ការកណ្តាលគ្លូប៊លអាតប្រទេសម៉ាឡេស៊ី និងលោក សួស សូដាវីអគ្គ នាយករងនៃអគ្គនាយកដ្ឋានសិល្បៈចម្លាក់នៃក្រសួងវប្បធម៌និងវិចិត្រសិល្បៈ។
រាជធានីភ្នំពេញ ៖ ទីតាំងថ្មីរបស់គ្លូប៊លអាតកម្ពុជាត្រូវបានសម្ពោធហើយកាលពីថ្ងៃទី១កញ្ញាឆ្នាំ២០១២ដោយមានការចូលរួមពីលោក Mahair Goh ដែលជាស្ថាបនិកនិងអគ្គនាយកគ្រប់គ្រងនៃទីស្នាក់ការកណ្តាលគ្លូប៊លអាតប្រទេសម៉ាឡេស៊ី និងលោក សួស សូដាវីអគ្គ នាយករងនៃអគ្គនាយកដ្ឋានសិល្បៈចម្លាក់នៃក្រសួងវប្បធម៌និងវិចិត្រសិល្បៈ។
គ្លូប៊លអាតកម្ពុជាគឺជាមជ្ឈមណ្ឌលពង្រីកចំណេះដឹងអន្តរជាតិដែលមានឯកទេសខាងបង្រៀនសិស្សតាមរយៈគំនូរនិងការផាត់ពណ៌ហើយនឹងជំរុញបង្កើតឱ្យមានគំនិតច្នៃប្រឌិតដល់សិស្ស។ នេះជាកម្មវិធីសិល្បៈច្នៃប្រឌិតតែមួយគត់នៅក្នុងប្រទេសកម្ពុជាដែលមានការទទួលស្គាល់ជាអន្តរជាតិ។ អ្វីដែលធ្វើឱ្យគ្លូប៊លអាតកម្ពុជាខុសប្លែកពីថ្នាក់សិល្បៈគូររូបដទៃទៀតនោះគឺគ្លូប៊លអាតមិនត្រឹមតែបង្រៀនសិស្សឱ្យចេះប្រើប្រាស់ជំនាញម្រាមដៃ(ជំនាញបច្ចេកទេស)ថែមទាំងបង្រៀនពួកគេឱ្យចេះប្រើប្រាស់នូវជំនាញខួរក្បាល(ការប្រើប្រាស់ការគិតប្រកបដោយភាពច្នៃប្រឌិត)។
លោកសួស សូដាវី អគ្គនាយករងនៃអគ្គនាយកដ្ឋានសិល្បៈចម្លាក់នៃក្រសួងវប្បធម៌និងវិចិត្រសិល្បៈបានផ្តល់បទសម្ភាសន៍ជាមួយកោះសន្តិភាពឱ្យដឹងថា គ្លូប៊លអាតកម្ពុជាមានគោលបំណងបង្ហាត់បង្រៀនកុុមារឱ្យមានសមត្ថភាព និងមានគំនិតច្នៃប្រឌិតចំពោះសិល្បៈគំនូរ។លោកបន្តថាគ្លូប៊លអាតកម្ពុជាជាមជ្ឈមណ្ឌលដែលមានលក្ខណៈស្តង់ដាអន្តរជាតិដែលកុមារទាំងអស់ត្រូវបានបង្រៀនជាភាសាអង់គ្លេសដោយសាស្រ្តាចារ្យមានឯកទេសខាងគំនូរ។
ដោយឡែកអ្នកនាង យឹម រ៉ាដែតក៏បានអះអាងដែរថា គ្លូប៊លអាតកម្ពុជាសុទ្ឋតែមានសាស្រ្តាចារ្យមានបទពិសោធន៍ មានសមត្ថភាព និងមានឯកទេសបង្ហាត់បង្រៀនសិស្សមកពីក្រៅប្រទេសនិងក្នុងស្រុក។អ្នកនាងបន្ថែមថា គ្លូប៊លអាតកម្ពុជាផ្តល់នូវកម្មវិធីមានកម្រិតមូលដ្ឋានសម្រាប់កុមារអាយុពី៤ទៅ ៦ឆ្នា ំមូលដ្ឋានគ្រឹះពីអាយុ៧ទៅ៩ឆ្នាំហើយកម្រិតមធ្យមពីអាយុ១០ទៅ ១២ឆ្នាំ។
គួររំលឹកថា គ្លូប៊លអាតជាក្រុមហ៊ុនម៉ាឡេស៊ីដែលមានសិទ្ឋិលក់បន្តដោយបង្កើតឡើងនៅឆ្នាំ១៩៩៩។
ដើម្បីបង្កើតឱកាសសម្រាប់កុមាររៀនសូត្រ គ្លូប៊លអាតបានបោះជំហានចូលក្នុងប្រទេសកម្ពុជាក្នុងឆ្នាំ២០០៩ ដែលមានឈ្មោះថាគ្លូប៊លអាតកម្ពុជា។ ក្រុមហ៊ុនអន្តរជាតិនេះបានធ្វើប្រតិបត្តិការជាង៤៥០មជ្ឈមណ្ឌលនៅ១៦ប្រទេសនៅអាស៊ី។គ្លូប៊លអាតកម្ពុជាមានទីតាំងនៅផ្លូវលេខ៤៧៥ជិតស្ថានទូតចិន សង្កាត់ទំនប់ទឹក ខណ្ឌចំការមន រាជធានីភ្នំពេញ ៕
ចែករំលែកព័តមាននេះ