រាជធានីភ្នំពេញ ៖ លោកស័ក្តិ៣យោធាម្នាក់បានរងរបួស២កន្លែង និងត្រូវពេទ្យដេររហូតដល់២០ថ្នេរ ដោយសារប្តីគេខឹង ព្រោះតែហានចូលទៅញ៉ែប្រពន្ធគេដល់ក្នុងផ្ទះជាញយដង ខណៈដែលប្តីគេមិននៅបង្កឱ្យមានការភ្ញាក់ផ្អើលកាលពីវេលាម៉ោង៧និង១០នាទីយប់ថ្ងៃទី៤ កញ្ញា ២០១២ នៅភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ ។ ចំពោះជនដៃដល់ដែលប្រើកាំបិតផ្គាក់កា.ប់ទៅលើជនរងគ្រោះ
រាជធានីភ្នំពេញ ៖ លោកស័ក្តិ៣យោធាម្នាក់បានរងរបួស២កន្លែង និងត្រូវពេទ្យដេររហូតដល់២០ថ្នេរ ដោយសារប្តីគេខឹង ព្រោះតែហានចូលទៅញ៉ែប្រពន្ធគេដល់ក្នុងផ្ទះជាញយដង ខណៈដែលប្តីគេមិននៅបង្កឱ្យមានការភ្ញាក់ផ្អើលកាលពីវេលាម៉ោង៧និង១០នាទីយប់ថ្ងៃទី៤ កញ្ញា ២០១២ នៅភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ ។ ចំពោះជនដៃដល់ដែលប្រើកាំបិតផ្គាក់កាប់ទៅលើជនរងគ្រោះគ្មានប្រណីដៃ ព្រោះរឿងប្រចណ្ឌនោះបានរត់គេចខ្លួនបាត់ ក្រោយសមត្ថកិច្ចទៅដល់ ។
ជនរងគ្រោះខាងលើមានឈ្មោះថែម ចិន្តា ភេទប្រុស អាយុ៣២ឆ្នាំ ជាអនុសេនីយ៍ឯកយោធានៃអង្គភាពទីចាត់ការឃោសនាព័ត៌មានអគ្គបញ្ជាការ និងមានទីលំនៅភូមិដីថ្មី សង្កាត់ភ្នំពេញថ្មី ខណ្ឌសែនសុខ បានរងរបួសចំនួន២កន្លែង ចំក្រោមភ្នែកខាងរយះ ដេរ១៥ថ្នេរ និងត្រូវចំកណ្តាលក្បាលដេរ៥ថ្នេរ ។ រីឯជនដៃដល់មានឈ្មោះរិន សីហា អាយុ៣៣ឆ្នាំ ជាអ្នកដើរទិញប្រេងម៉ាស៊ីនលក់ និងប្រពន្ធឈ្មោះណុន ផានិត អាយុ៣០ឆ្នាំ អ្នកទាំង២ស្នាក់នៅក្នុងភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ ។
តាមការឱ្យដឹងពីស្ត្រីត្រូវជាប្រពន្ធជនដៃដល់បានឱ្យដឹងថា ជាញយដងលោកស័ក្តិ៣យោធាតែងតែចូលមកលេងនៅក្នុងផ្ទះរួចប្រើសម្តីលេបខាយ និងសុំស្រឡាញ់ជានិច្ចពេលដែលប្តីនាងមិននៅផ្ទះដោយរវល់ទៅដើរទិញប្រេងម៉ាស៊ីនខ្មៅយកមកលក់នោះ ។ ស្ត្រីនេះបន្តទៀតថា នាងតែងឆ្លើយតបជាមួយមន្ត្រីយោធាម្នាក់នេះថា ខ្លួនមានប្តី និងមានកូនប្រុសអាយុដល់ទៅ៦ឆ្នាំ មិនអាចស្រឡាញ់បានទេ ។ ទោះបីបែបណាដោយសារតែមន្ត្រីយោធាម្នាក់នេះចេះតែមកលេបខាយសុំស្រឡាញ់ច្រើនដង និងត្រូវប្តីមកទាន់ថែមទៀតនោះ ស្ត្រីរូបនេះក៏បានរៀបរាប់ពីដំណើររឿងពីការលេបខាយ និងសុំស្រឡាញ់ពីមន្ត្រីយោធាប្រាប់ទៅប្តីក៏កើតក្តៅក្រហាយក្នុងចិត្តមានគំនុំក្នុងខ្លួន ហើយទ្រាំមិនបានកាប់មន្ត្រីយោធាដែលញ៉ែមិនចេះជិនណាយនេះតែម្តង។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ