វាជាបញ្ហាមួយដែលធ្វើឱ្យស្ត្រីភាគច្រើនមានកំហឹង ប៉ុន្តែអ្នកវិទ្យាសាស្ត្រមិនបានដាក់កំហុសលើបុរសដែលដេកលក់ភ្លាមក្រោយពីរួមភេទរួចទេ ។ បុរសដែលមិនអាចជួយអ្វីបានក្រៅពីការដេកលក់ភ្លាមបន្ទាប់ពីរួមភេទរួចនោះព្រោះតែ ខួរក្បាលរបស់ពួកគេបញ្ជាឱ្យគេធ្វើដូច្នេះ ។ នេះបើយោងតាមលទ្ធផលនៃការសិក្សាថ្មីមួយ ។
នៅក្នុងការពិសោធ អ្នកវិទ្យាសាស្ត្របានអះអាងថា ខួរក្បាលបុរសត្រូវបានរៀបចំឱ្យមានកម្មវិធីមួយដែលបញ្ជាឱ្យបិទបន្ទាប់ពីសម្រេចកាមតម្រេក ។ ផ្ទុយមកវិញ ស្ត្រីខុសពីបុរស គឺ ទំនងមិនអាចដេកលក់ទេដែលជាហេតុនាំឱ្យពួកនាងបានត្រឹមតែសម្លក់ពិតានដោយកំហឹង ។
នៅពេលថតស្គែនអំឡុងនិងក្រោយការរួមភេទ លទ្ធផលបានបង្ហាញថា Cerebral Cortexទាំងមូលដែលជាផ្នែកគិតនៃខួរក្បាលរបស់បុរសត្រូវបានបិទបន្ទាប់ពីទីបំផុតនៃកាមតម្រេក ។ បន្ទាប់មក ផ្នែក២ផ្សេងទៀតនៃខួរក្បាលរបស់ពួកគេគឺ cingulate cortexនិង amygdalaបានជម្រុញឱ្យបិទចោលនូវចំណង់ផ្លូវភេទទាំងអស់ផងដែរ ។
លោក Serge Stoleru អ្នកវិទ្យាសាស្ត្ររបស់បារាំងបានថ្លែងថា ៖«ការពិសោធនេះបានផ្តល់ឱ្យយើងនូវការណែនាំលើកដំបូងចំពោះអ្វីដែលបានកើតឡើងទៅលើខួរក្បាលបុរសបន្ទាប់ពីអស់កាមតម្រេក ។ សម្រាប់ស្ត្រីវិញ រឿងនេះវាហាក់ដូចជាខុសប្លែកគ្នា»។ លោកបានបន្ថែមថា ស្ត្រីមិនមានដំណាក់កាលបំពេញជាថ្មីបន្ទាប់ពីរាងកាយចុះស្ងប់បែបនេះទេ ។ នេះក៏ជាចំណុចដែលធ្វើឱ្យបណ្តាស្ត្រីឆ្ងល់ថា ហេតុអ្វីបានជាដៃគូខ្លួនបាត់បង់អស់រាល់ចំណាប់អារម្មណ៍ផ្លូវភេទនៅពេលដែលពួកនាងភាគច្រើនមិនទាន់ស្កប់ស្កល់ ហើយនៅចង់បន្តឱ្យដល់កោះត្រើយទៀតនោះ ៕
ចែករំលែកព័តមាននេះ