រាជធានីភ្នំពេញ ៖ តាមរបាយការណ៍របស់ប៉ូលិសចរាចររាជធានីភ្នំពេញ បានឱ្យដឹងថា ករណីគ្រោះថ្នាក់ចរាចរណ៍រយៈពេល៧ខែ ដើមឆ្នាំ២០១២ មានចំនួន២៨៨លើក បើធៀបរយៈពេលដូចគ្នាក្នុងឆ្នាំ២០១១ កើនឡើង១លើក គឺ២៨៧លើក មានមនុស្សរងគ្រោះចំនួន៥៩០នាក់ ក្នុងនោះស្លាប់ចំនួន១៥២នាក់ របួសធ្ងន់ចំនួន២៩១នាក់ និងរបួសស្រាលចំនួន១៤៧នាក់ ។
ចំណែកមធ្យោបាយខូចខាតមានរថយន្តចំនួន១៩៩គ្រឿង រ៉ឺម៉កម៉ូតូកង់បីចំនួន២០គ្រឿង, ម៉ូតូចំនួន៣០៧គ្រឿង និងកង់ខូចខាតចំនួន១១គ្រឿង។ ចំពោះភាគីពាក់ព័ន្ធករណីគ្រោះថ្នាក់ចរាចរណ៍មានរថយន្ត និងអ្នកថ្មើរជើងចំនួន១០លើក, រថយន្ត និងម៉ូតូចំនួន១៥៩លើក, រថយន្ត និងរថយន្តចំនួន៧លើក, រថយន្តបង្កខ្លួនឯងចំនួន៦លើក, រថយន្តនិងកង់ចំនួន៦លើក, រថយន្តនិងបង្កាន់ដៃស្ពានចំនួន១លើក, រថយន្តនិងរ៉ឺម៉ក់ម៉ូតូចំនួន២លើក, រ៉ឺម៉ក់ និងកង់ចំនួន១លើក, ម៉ូតូនិងអ្នកថ្មើរជើងចំនួន៦លើក, ម៉ូតូនិងបង្គោលភ្លើងចំនួន១លើក, ម៉ូតូនិងម៉ូតូចំនួន៥៦លើក, ម៉ូតូនិងរ៉ឺម៉ក់ចំនួន២០លើក, ម៉ូតូដួលខ្លួនឯងចំនួន៧លើក, ម៉ូតូនិងកង់ចំនួន៥លើក, រ៉ឺម៉ក់និងអ្នកថ្មើរជើងចំនួន១លើក ។
ដោយឡែកគ្រោះថ្នាក់តាមបណ្តាខណ្ឌ រួមមានខណ្ឌចំការមន ចំនួន៤៤លើក, ខណ្ឌដង្កោចំនួន៤៤លើក, ខណ្ឌមានជ័យចំនួន៣២លើក, ខណ្ឌដូនពេញចំនួន៣៧លើក, ខណ្ឌ៧មករាចំនួន៦លើក, ខណ្ឌឫស្សីកែវចំនួន៦៣លើក, ខណ្ឌសែនសុខចំនួន២៦លើក, ខណ្ឌទួលគោកចំនួន១២លើក និងខណ្ឌពោធិ៍សែនជ័យចំនួន២៤លើក ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ