រាជធានីភ្នំពេញ ៖ បុរសម្នាក់សុំមិនបញ្ចេញឈ្មោះបានដាក់ពាក្យបណ្តឹងនៅអធិការដ្ឋាននគរបាលខណ្ឌចំការមន ប្តឹងចោទស្ត្រីអ្នកប្រកបរបរកោសជប់ខ្យល់ នៅផ្ទះលេខ១០៦D ផ្លូវលេខ៤៣២ សង្កាត់ទួលទំពូង២ ខណ្ឌចំការមន ដោយចោទប្រកាន់ថា បានបន្លំលួចលុយរបស់ខ្លួនអស់ ៥លានរៀល ខណៈពេលខ្លួនចូលកោសខ្យល់ កាលពីរសៀលថ្ងៃទី៣ កញ្ញា ។
រាជធានីភ្នំពេញ ៖ បុរសម្នាក់សុំមិនបញ្ចេញឈ្មោះបានដាក់ពាក្យបណ្តឹងនៅអធិការដ្ឋាននគរបាលខណ្ឌចំការមន ប្តឹងចោទស្ត្រីអ្នកប្រកបរបរកោសជប់ខ្យល់ នៅផ្ទះលេខ១០៦D ផ្លូវលេខ៤៣២ សង្កាត់ទួលទំពូង២ ខណ្ឌចំការមន ដោយចោទប្រកាន់ថា បានបន្លំលួចលុយរបស់ខ្លួនអស់ ៥លានរៀល ខណៈពេលខ្លួនចូលកោសខ្យល់ កាលពីរសៀលថ្ងៃទី៣ កញ្ញា ។
តាមប្រភពព័ត៌មាន បានឱ្យដឹងថា មុនពេលមានការប្តឹងនេះ បុរសម្នាក់ដែលមានមុខរបររកស៊ីជាអ្នកលក់មាន់ ត្រូវប្រពន្ធអនុញ្ញាតឱ្យដើរប្រមូលលុយថ្លៃមាន់ពីម៉ូយផ្សេងៗបានចំនួនជាង៥លានរៀល ។ បន្ទាប់ពីដើរប្រមូលលុយរួច បុរសនោះមានអាការៈរកកល់កើតរោគខ្យល់ក៏ឆ្លៀតឆៀងចូលកោសខ្យល់ក្នុងផ្ទះកើតហេតុខាងលើ ។ មុនពេលកោសខ្យល់នោះ បុរសអ្នកលក់មាន់បានស្រាតខោជើងវែងព្យួរនឹងទំពក់ខោអាវ ហើយដេកផ្កាប់មុខឱ្យនារីកោសជប់កោសខ្យល់ឱ្យ ។
តាមការចោទប្រកាន់ថា ដោយសារគាត់«ដើមបណ្តឹង»ភ្លេចខ្លួនក្នុងការពិនិត្យមើលហោប៉ៅខោ ទើបក្រុមស្ត្រីអ្នកកោសជប់បាននាំគ្នាបន្លំចូលបន្ទប់លួចលុយ បណ្តាលឱ្យជ្រុះលុយក្រដាស១ម៉ឺនរៀលទៅក្រោមគ្រែ គាត់ឃើញក៏ងាកសួរទៅនារីដែលកំពុងកោសជប់នោះថាលុយអ្នកណាជ្រុះ? ពេលនោះនារីកោសជប់ឆ្លើយថា មិនមែនលុយនាងទេ ដោយសារនារីអ្នកកោសជប់ឆ្លើយបែបនេះ គាត់មានការសង្ស័យភ្ញាក់ខ្លួននឹកឃើញថា ពួកនាងៗអាចនឹងលួចលុយពីក្នុងហោប៉ៅគាត់ ។ គិតក្នុងចិត្តរួច បុរសលក់មាន់ ក៏ស្ទុះទៅស្ទាបហោប៉ៅខោស្រាប់តែបាត់លុយអស់រលីង ។ តាមចំនួនទឹកប្រាក់៥លានរៀលដាក់ក្នុងហោប៉ៅខោគឺច្រើនណាស់ហើយអាចប៉ោងធំផងដែរ បើក្រដាសប្រាក់នោះជាប្រភេទក្រដាសប្រាក់រាយ ។
បន្ទាប់ពីមានហេតុការណ៍ដូច្នេះកើតឡើង បុរសអ្នកលក់មាន់ក៏ឆោឡោប្តឹងសមត្ថកិច្ច ពេលនោះក្រុមសមត្ថកិច្ចមូលដ្ឋានបានចុះទៅអន្តរាគមន៍សួរនាំនៅផ្ទះកោសជប់ខាងលើ ដោយឃាត់ខ្លួនស្ត្រីម្ចាស់ហាងឈ្មោះកង ចន្ធូ អាយុ២៥ឆ្នាំ និងប្តីឈ្មោះអ៊ូ ប៊ុនហេង នាំខ្លួនមកកាន់អធិការដ្ឋានខណ្ឌចំការមនដើម្បីសួរនាំ ។
ដោយឡែកក្រុមនាងៗដែលជាអ្នកកោសជប់បាននាំគ្នារត់គេចខ្លួនបាត់អស់។
គួររំលឹកដែរថា បញ្ហាខាងលើនេះមិនមែនជាលើកទីមួយទេ ដែលបុរសភាគច្រើនបាត់បង់ទ្រព្យសម្បត្តិនៅក្នុងកន្លែងកោសជប់ ដូច្នេះគួរបុរសៗគ្រប់រូបមានការប្រុងប្រយ័ត្ន ៕
ចែករំលែកព័តមាននេះ