SEOUL, ២០ សីហា ២០១២ ៖ ដោយបានទទួលជោគជ័យនៅប្រទេសកូរ៉េ និងជប៉ុន Optimus Vu នឹងចាប់ផ្តើមឈានចូលទីផ្សារអន្តរជាតិដូចជា អឺរ៉ុប អាស៊ី មជ្ឈិមបូព៌ា អាហ្រិក និងអាមេរិកឡាទីននៅខែកញ្ញា ខាងមុខនេះ ។ជាមួយនឹងអេក្រង់ទំហំ៦អីុញ និង 4:3 aspect ratio លើកដំបូងគេលើពិភពលោក Optimus Vu ក្លាយជាទូរស័ព្ទដែលនៅចន្លោះរវាងតាប្លេត និងស្មាត
SEOUL, ២០ សីហា ២០១២ ៖ ដោយបានទទួលជោគជ័យនៅប្រទេសកូរ៉េ និងជប៉ុន Optimus Vu នឹងចាប់ផ្តើមឈានចូលទីផ្សារអន្តរជាតិដូចជា អឺរ៉ុប អាស៊ី មជ្ឈិមបូព៌ា អាហ្រិក និងអាមេរិកឡាទីននៅខែកញ្ញា ខាងមុខនេះ ។ជាមួយនឹងអេក្រង់ទំហំ៦អីុញ និង 4:3 aspect ratio លើកដំបូងគេលើពិភពលោក Optimus Vu ក្លាយជាទូរស័ព្ទដែលនៅចន្លោះរវាងតាប្លេត និងស្មាតហ្វូន និងជាទូរស័ព្ទដែលផ្តល់បទពិសោធន៍ដ៏ឆ្លាតវៃដែលមានលក្ខណៈពិសេសប្លែកពីគេ ។
ចាប់តាំងពីខែមីនាមក Optimus Vu បានលក់អស់៥០០.០០០គ្រឿងនៅប្រទេសកូរ៉េ ។ នេះបញ្ជាក់ថា អតិថិជនបានទទួលស្គាល់ និងពេញចិត្តពីទម្រង់អេក្រង់របស់ Optimus Vu ។ ជាមួយគ្នានេះដែរក្នុងខែសីហា Optimus Vu បានបញ្ចេញមកលក់នៅប្រទេសជប៉ុន ហើយបានទទួលការពេញចិត្តដ៏ខ្លាំងក្លាពីអតិថិជនជប៉ុនផងដែរ ។
ដោយឡែកសម្រាប់ Optimus Vu ដែលនឹងបញ្ចេញមកលើទីផ្សារអន្តរជាតិបំពាក់ដោយ Tegra 3 របស់ក្រុមហ៊ុន nVidia ដែលប្រើប្រាស់បច្ចេកវិទ្យា 4-PLUS-1TM មានអង្គប្រតិបត្តិការចំនួន៤ធ្វើឱ្យមានល្បឿនលឿនមិនគួរឱ្យជឿ និងមានអង្គប្រតិបត្តិការទី៥ ប្រើសម្រាប់សន្សំសំចៃថ្ម ។ អង្គប្រតិបត្តិការចំនួន៤នេះប្រើសម្រាប់ប្រតិបត្តិការណាដែលមានតម្រូវការខ្ពស់ដូចជា ហ្គេម HD ឬបើកកម្មវិធីច្រើនក្នុងពេលតែមួយ ។ ចំណែកឯការហៅទូរស័ព្ទ ផ្ញើសារ ឬអីុមែល ការចាក់ចម្រៀង និងវីដេអូ ត្រូវបានប្រើដោយអង្គប្រតិបត្តិការក្នុងគោលបំណងដើម្បីសន្សំសំចៃការប្រើប្រាស់ថ្ម ។
ដោយផ្សំគ្នារវាង Resolution ខ្ពស់នៃទំហំអេក្រង់៥អីុញ ជាមួយនឹងប្រភេទអេក្រង់ IPS ដែលមាន 4:3 ratio បានធ្វើឱ្យ Optimus Vu ក្លាយជាទូរស័ព្ទដ៏ពិសេសមួយដែលអ្នកនៅតែអាចដាក់ក្នុងហោប៉ៅបានយ៉ាងងាយស្រួល ។ ម្យ៉ាងទៀត Optimus Vu នឹងមកជាមួយ Quick MemoTM version ថ្មី និងកម្មវិធី Notebook ដែលកម្មវិធីទាំងពីរនេះធ្វើឱ្យអ្នកកាន់តែងាយស្រួលប្រើប្រាស់នៅលើអេក្រង់ដ៏ធំនេះ ។
Dr.Jon-seok Park ជាអគ្គនាយកក្រុមហ៊ុនទូរគមនាគមន៍ LG Electronics បានមានប្រសាសន៍ថា ទោះបីជាអេក្រង់ទំហំតែ៥អីុញ តែភាពខុសប្លែកនៃទម្រង់អេក្រង់បានធ្វើឱ្យOptimus Vu ក្លាយជាទូរស័ព្ទមួយដែលមានលក្ខណៈពិសេស និងប្លែកពីអ្វីដែលធ្លាប់មានពីមុនមក ។យោងទៅលើប្រភពព័ត៌មានពីក្រុមហ៊ុន G Gear Co., Ltd ដែលទទួលសិទ្ធិផ្តាច់មុខនាំចូលទូរស័ព្ទ LG បានឱ្យដឹងថា Optimus Vu ក៏នឹងមានលក់នៅប្រទេសកម្ពុជាយើងនាពេលឆាប់ៗនេះផងដែរ ៕
ចែករំលែកព័តមាននេះ