រាជធានីភ្នំពេញ ៖ សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសផ្ញើសារជូនប្រជាពលរដ្ឋទាំងអស់ទូទាំងប្រទេសថា ចាប់ពីថ្ងៃនេះទៅបន្ទាប់ពីការវាស់វែងដីធ្លីជូនប្រជាពលរដ្ឋរួចហើយ គឺត្រូវផ្តល់កម្មសិទ្ធិស្ថាពរជូនប្រជា
រាជធានីភ្នំពេញ ៖ សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសផ្ញើសារជូនប្រជាពលរដ្ឋទាំងអស់ទូទាំងប្រទេសថា ចាប់ពីថ្ងៃនេះទៅបន្ទាប់ពីការវាស់វែងដីធ្លីជូនប្រជាពលរដ្ឋរួចហើយ គឺត្រូវផ្តល់កម្មសិទ្ធិស្ថាពរជូនប្រជាពលរដ្ឋតែម្តង ។ ដូច្នេះប្រជាពលរដ្ឋនៅគ្រប់ទីកន្លែងទាំងអស់ មិនចាំបាច់មានដំណាក់កាលអន្តរកាលទេ គឺលុបចោលដំណើរកាលអន្តរកាល ។
សម្តេចអគ្គមហាសេនាបតីតេជោ ហ៊ុន សែន បានប្រកាសផ្ញើសារជូនប្រជាពលរដ្ឋបែបនេះ នាព្រឹកថ្ងៃទី៤ កញ្ញា ឆ្នាំ២០១២ នៅមជ្ឈមណ្ឌលសន្និបាតនិងពិព័រណ៍កោះពេជ្រ ក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីប្រគល់សញ្ញាបត្រជូននិស្សិតជ័យលាភីកម្រិតបិរញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ចំនួន៦.៤៣៥នាក់ (នារី១.៤៩៨នាក់ )នៃសាកលវិទ្យាល័យឯកទេសនៃកម្ពុជាដែលបានបញ្ចប់ការសិក្សាក្នុងឆ្នាំសិក្សា២០០៩-២០១០ ឆ្នាំសិក្សា២០១០-២០១១និងឆ្នាំសិក្សា២០១១-២០១២។
ពាក់ព័ន្ធនឹងការផ្តល់ជូនកម្មសិទ្ធស្ថាពរជូនប្រជាពលរដ្ឋសម្តេចតេជោនាយករដ្ឋមន្ត្រីបានបញ្ជាក់អំពីមូលហេតុដែលមានតដូចតទៅ ៖
ចំណុចទី១-ក្នុងការអនុវត្តនីតិវិធីវាស់វែងដីធ្លីកន្លងមកក្រុមការងារបច្ចេកទេសវាស់វែងបានអនុវត្តយ៉ាងត្រឹមត្រូវនូវស្មារតីនៃអនុក្រឹត្យលេខ៤៦ស្តីពីការចុះបញ្ចីដីធ្លីមានលក្ខណៈជាប្រព័ន្ធ។ គោលការណ៍សំខាន់នៃនីតិវិធីនេះគឺកិច្ចដំណើរការនៃការអនុវត្តត្រូវមានការចូលរួមរបស់សហគមន៍ ពិសេសមានការចូលរួម ការព្រមព្រៀងគ្នា រវាងអ្នកម្ចាស់ដីដែលមានព្រំដីជាប់គ្នាក្នុងពេលបោះបង្គោលព្រំដី ។
ចំណុចទី២-គណៈកម្មការរដ្ឋបាលដែលបានចាត់តាំងដោយអភិបាលខេត្តមានភារកិច្ចទទួលខុសត្រូវគ្រប់គ្រងការងារវិនិច្ឆ័យនិងលើកកម្ពស់សំណើរសុំផ្តល់សិទ្ធិលើដីជូនអ្នកកាន់កាប់មានសភាពជាអភិបាលខេត្តជាប្រធាន មន្ត្រីគ្រប់គ្រងការងារតំបន់វិនិច្ឆ័យ ជាមន្ត្រីសូរិយោដីជាសមាជិក មន្ត្រីទទួលខុសត្រូវការងាររដ្ឋបាលសូរិយោដីនៃមន្ទីររៀបចំផែនដីនគរូបនីយកម្មសំណង់សូរិយោដីខេត្តជាសមាជិកអភិបាលស្រុក មេឃុំ ចៅសង្កាត់ ចាស់ព្រឹទ្ធាចារ្យក្នុងទីតាំងធ្វើការវិនិច្ឆ័យ ។ ដូច្នេះយើងបានបំពេញនូវនីតិវិធីនេះ ។
ចំណុចទី៣-មុនពេលចុះប្រតិបត្តិការនៅតំបន់វិនិច្ឆ័យ អភិបាលខេត្តត្រូវជូនដំណឹងជាសាធារណចំនួន៧ថ្ងៃមុនអំពីពេលវេលានិងទិកន្លែងនៃការប្រជុំផ្សព្វផ្សាយ មុនការទៅជុះជួបជាមួយប្រជាពលរដ្ឋនៅក្នុងតំបន់ដែលត្រូវការវិនិច្ឆ័យ ។ ដូច្នេះនីតិវីធីនេះក៏យើងបានបំពេញ ។
ចំណុចទី៤-ក្នុងការងារនេះប្រជាពលរដ្ឋបានចូលរួមច្រើនណាស់ ខ្ញុំមានការសប្បាយដោយនៅគ្រប់ទីកន្លែងទាំងអស់ដែលយុវជនស្ម័គ្រចិត្តយើងចុះទៅបំពេញការងារគឺមានប្រជាពលរដ្ឋជាច្រើនបានចូលរួម។ ចំណុចនេះដំណាក់កាលទី១គឺប្រជាពលរដ្ឋគាត់បានចូលរួមក្នុងពេលបំពេញសាលាបត្រក្បាលដី ។ គឺមកទាំងគ្រួសារប្តី-ប្រពន្ធ ។ ដំណាក់កាលទី២ ប្រជាពលរដ្ឋចូលរួមក្នុងពេលចុះទៅបង្ហាញក្បាលដីរបស់ខ្លួនជាក់ស្តែងនិងបោះបង្គោលព្រំដី ។ ដំណាក់ទី៣-ចំនួនគ្រួសារ ម៉្លោះហើយបើសិនមានអ្នកបន្លំ កន្ទេលធំប្រឡំដេកគឺមិនបានទេ ។ ដំណាក់ទី៤ ប្រជាពលរដ្ឋចូលរួមក្នុងការវាស់វែងព្រំដី ដូច្នេះដីរបស់គាត់គឺគាត់បានចូលរួមក្នុងការវាស់វែងព្រំដីរបស់គាត់ដែរ ។ ដំណាក់កាលទី៥ ប្រជាពលរដ្ឋចូលរួមក្នុងការបំពេញបែបបទក្បាលដីនៅពេលអ្វីៗដែលជាតម្រូវការដែលខានមិនបានគឺត្រូវបានប្រជាពលរដ្ឋចូលរួម ហើយនៅពេលចុងក្រោយដែលសំខាន់ជាងគេ គឺប្រជាពលរដ្ឋគាត់បានចូលរួមត្រួតពិនិត្យឯកសារវិនិច្ឆ័យដែលមានប្លង់ដីនិងបញ្ជីឈ្មោះម្ចាស់ដីនៅក្នុងពេលបិទផ្សាយជាសាធារណក្នុងរយៈពេលមយយខែដើម្បីទុកពេលឱ្យដែលមិនគ្រប់គ្រាន់ ឬខុសឈ្មោះ ។
សម្តេចតេចោនាយករដ្ឋមន្ត្រីបញ្ជាក់ថា ឥឡូវចំណុចទំាងនេះ កំពុងតែបិទផ្សាយបានចំនួន១៧៨ឃុំហើយដែលធ្វើតំបន់វិនិច្ឆ័យសម្រាប់ទំហំគម្គាតបង្គោល៥៣.៧៦២បង្គោល ។ វាស់វែងតំបន់ចំនួន៥៣.៤០៥ចំណុចគូរផែនទីតំបន់៥០១ផ្ទាំងគិតជហិកតាគឺបាន១៨៥.២៤៣ហិកតា ។ បំពេញសាលាបត្រក្បាលដី២០៩.៣០១ក្បាលដី កត់សម្គាល់សម្រង់បញ្ជីឈ្មោះគ្រួសារ១៤២.៨៨៣គ្រួសារ ។ ចំនួនគ្រួសារផ្ទៀងផ្ទាត់រួច១១២.៦៨៧គ្រួសារ វាស់ក្បាលដីចំនួន១៣៤.៩៥៩ក្បាលដី គូរក្បាលដីចូលក្នុងផែនទី១០៧.៤១៥ក្បាលដី ។ ឥឡូវបិទផ្សាយសម្រាប់ឱ្យប្រជាពលរដ្ឋបានចំនួន៧.៧២២ក្បាលដីរួចហើយ ។ ដូច្នេះហើយត្រូវទុកឱ្យប្រជាពលរដ្ឋមួយខែ ហយនៅស្រុកអង្គស្នួល សម្តេចតេជោនាយករដ្ឋមន្ត្រីមានប្រសាសន៍ថា សម្តេចនឹងអញ្ជើញទៅនៅថ្ងៃទី២១ កញ្ញា ឆ្នាំ២០១២ខាងមុខនេះ ជាលើកដំបូងដែលផ្តល់កម្មសិទ្ធិស្ថាពរឱ្យប្រជាពលរដ្ឋ មិនមែនកម្មសិទ្ធិបឋមទេ គឺកម្មសិទ្ធិស្ថាពរតែម្តង ។
សម្តេចតេជោនាយករដ្ឋមន្ត្រីមានប្រសាសន៍ថា កិច្ចការដែលយើងបានធ្វើនេះបានជាង១០%តែប៉ុណ្ណោះនៃចំនួនគ្រួសារប្រមាណជា៣៥ម៉ឺនគ្រួសារនិង១លាន២សែនហិកតា ។ ដូច្នេះមូលហេតុទី៤ នេះដែលតម្រូវមិនចាំបាច់ពីអន្តរកាលទេបើសិនជាធ្វើការដើរវាស់ឡើងវិញ ហើយចាប់ចេញកម្មសិទ្ធិស្ថាពរគឺចំណាយយកកម្លាំងចោលទទេ ហើយប្រជាពលរដ្ឋត្រូវរង់ចាំទៀត ។
ចំណុចទី៥-ចំពោះការងារបច្ចេកទេស ការវាស់វែងបានប្រើឧបករណ៍ទំនើបប្រភេទ GPS made 60s ។នៅថ្ងៃក្រោយនៅក្នុងប័ណ្ណកម្មសិទ្ធិសម្តេវមានប្រសាសន៍ថាត្រូវមានរដ្ឋាភិបាលបញ្ជាក់ឱ្យដឹងថា នៅពេលណាដែលមានការវាស់វែងលើកក្រោយគឺត្រូវប្រើឧបករណ៍ដដែលបើមិនដូច្នេះទេគឺ នាំតែមានបញ្ហាលំបាក ។
ប៉ុន្តែអ្វីដែលធំជាងគេគឺដីវាអត់ណាទេ សម្តេចតេជោអំពានាវដល់ប្រជាពលរដ្ឋទាំងអស់-ដើម្បីធានាឱ្យបាននូវការជឿនលឿនហើយកុំឱ្យមានការលំបាក-ប្រជាពលរដ្ឋទាំងអស់ត្រូវតែខំរកបង្គោលសំរាប់បោះព្រំដីឱ្យបានធំៗ បើសិនជាអាចធ្វើជាស៊ីម៉ង់ត៍ក៏ល្អ សំរាប់បោះលើព្រំដី…។
បើសិនជាមានការវាស់លំអៀងបន្តិចបន្តួចក៏ដីនេះវាអត់ទៅណាទេគឺវាស្ថិតនៅក្នុងព្រំដីរបស់យើងដដែល ។ ទាក់ទងបញ្ហានេះគឺជាការបង្កា ក្រែងលោទិន្នន័យពីផ្កាយរណបដែលមានពេលខ្លះមេឃស្រទុំខ្លាំង ទិន្នន័យដែលឱ្យពីផ្កាយរណបមកនោះសំរាប់ការវាស់វែងគឺការលំអៀងបន្តិចបន្តួច ។ ដើម្បីធានានូវការលំអៀងបន្តិចបន្តួចនេះសម្តេចតេជោនាយករដ្ឋមន្រ្តីគូស បញ្ជាក់ថា ដំនើរបច្ចេកទេសដែលផ្តល់ទិន្នន័យ តាមរយៈផ្កាយរណបមកនោះ បង្កាភាពចាំបាច់របស់ប្រជាពលរដ្ឋ គឺបង្គោលព្រំដីត្រូវតែរឹងមាំ។
ដូច្នេះអាជ្ញាធរដែនដី យុវជនស្ម័គ្រចិត្តក៏ត្រូវ ចូលរួមជួួយពន្យល់ដល់ប្រជាពលរដ្ឋផងដែរ ។នៅពេលដែលប្រជាពលរដ្ឋដែលចូលរួមបំពេញសាលាកបត្រក្បាលដី គឺត្រូវជូនប្រជាពលរដ្ឋត្រូវជូនលិខិតណែនាំមួួយដែលបញ្ជាក់អំពីការចាំបាច់ត្រូវបោះបង្គោលព្រំដីរឹងមាំនៅគ្រប់ជ្រុងជាមុន ទើបក្រុមបច្ចេកទេសអាចវាស់វែងបំពេញភារកិច្ចធ្វើការវាស់វែងក្បាលដីជូនបាន ។
សម្តេចតេជោ នាយករដ្ឋមន្រ្តីបានផ្តាំដល់ប្រជាពលរដ្ឋទាំងអស់ថា ការវាស់វែងដីធ្លីគឺនៅតែវាស់ជូនទាំងអស់ ។ ចំណែករឿងដដែលមិនព្រមវាស់ឱ្យមានតែមួយទេគឺទាស់គ្នាឯង ពេលណាទាស់គ្នាឯង ក្រុមយុវជនស្ម័គ្រចិត្តនិង គណកម្មាធិការអត់ធ្វើការវាស់វែងឱ្យបានទេ ទុកឱ្យបើតាមផ្លូវតុលាកា គឺទុកឱ្យតុលាការគេដោះ។ បើពាក់ព័ន្ធនឹងជម្លោះប្រជាពលរដ្ឋជាមួយប្រជាពលរដ្ឋ គឺទុកឱ្យគាត់ដោះស្រាយគ្នាឯង ។ ប៉ុន្តែបើប៉ះជាមួយដីរដ្ឋគឺវាស់វែងជូនហើយ ដោយសារគាត់កាន់កាប់អត់ត្រូវច្បាប់ហើយទើបរាជរដ្ឋាភិបាលទៅសំរបច្បាប់ឱ្យពួកគាត់។ ពាក់ព័ន្ធនឹងដីបរិស្ថានដីក្រុមហ៊ុនដែលមិនទាន់ដាំដុះគឺយើងត្រូវកាត់ជូនទៅប្រជាពលរដ្ឋគឺពុំមានបញ្ហាទេ។
សម្តេចតេជោនាយករដ្ឋមន្រ្តីគូសបញ្ជាក់ថាៈសូមប្រជាពលរដ្ឋកុំមានការបារម្ភបញ្ហាពេលវេលាគឺធ្វើភូមិមួយចប់ត្រូវទៅភូមិមួយទៀត។
បញ្ហាអាទិភាពរបស់យើងគឺផ្តល់ដីឱ្យប្រជាពលរដ្ឋ បើទោះទីដីនោះជាគំរោងព្រៃឈើ ដី នោះជាផ្នែកមួយនៃបរិស្ថាន ក៏ត្រូវកាត់ជូនប្រជា ពលរដ្ឋដែរ។នេះគឺសារជូនប្រជាពលរដ្ឋឱ្យបានជ្រាប៕
ចែករំលែកព័តមាននេះ