រាជធានីភ្នំពេញ ៖ ក្រុមអ្នកជំនាញខាងខ្សែភាពយន្តក្នុងប្រទេសកម្ពុជាបានឱ្យដឹងថា កង្វះថវិកាជាបញ្ហាចម្បងមួយយ៉ាងសំខាន់ដែលនាំឱ្យខ្សែភាពយន្តខ្មែរនាពេលបច្ចុប្បន្ននៅមានកម្រិត និងការតិះតៀនច្រើន ។
លោកមុត ថារី អ្នកដឹកនាំរឿងដែលពោរពេញដោយបទពិសោធន៍បានអះអាងថា លោកទទួលស្គាល់ថា ខ្មែរភាពយន្តខ្សែបច្ចុប្បន្ន ពិតជា
រាជធានីភ្នំពេញ ៖ ក្រុមអ្នកជំនាញខាងខ្សែភាពយន្តក្នុងប្រទេសកម្ពុជាបានឱ្យដឹងថា កង្វះថវិកាជាបញ្ហាចម្បងមួយយ៉ាងសំខាន់ដែលនាំឱ្យខ្សែភាពយន្តខ្មែរនាពេលបច្ចុប្បន្ននៅមានកម្រិត និងការតិះតៀនច្រើន ។
លោកមុត ថារី អ្នកដឹកនាំរឿងដែលពោរពេញដោយបទពិសោធន៍បានអះអាងថា លោកទទួលស្គាល់ថា ខ្មែរភាពយន្តខ្សែបច្ចុប្បន្ន ពិតជានៅមានកម្រិតមែន បើប្រៀបធៀបទៅនឹងប្រទេសជិតខាង ។ ប៉ុន្តែខ្សែភាពយន្តខ្មែរនៅមានកម្រិតនោះមិនមែនមកពីអ្នកដឹកនាំរឿងឡើយ ពោលបញ្ហាដែលសំខាន់នោះ គឺការកង្វះថវិកាដែលជាបញ្ហាធំបំផុតក្នុងការផលិតខ្សែភាពយន្តមួយដែលមានលក្ខណៈស្តង់ដា ។
ទោះបីជាយ៉ាងណាអ្នកដឹកនាំរូបនេះបានអះអាងថា ការផលិតខ្សែភាពយន្តខ្មែរបច្ចុប្បន្ន បើទោះបីជាមិនទាន់បានល្អមួយរយភាគរយក៏ដោយ តែយើងគួរតែសរសើរដល់អ្នកផលិត ព្រោះបើយោងតាមទឹកលុយដែលយើងមានគឺវាមិនអាចសមទៅតាមការផលិតរឿងមួយឡើយ ។ លោកបញ្ជាក់ថា «ថវិកាដែលមិនគ្រប់គ្រាន់នេះបើនិយាយពីអ្នកផលិតជាជនបរទេសនោះ គឺ គេមិនធ្វើឡើយ តែសម្រាប់យើងគឺនៅតែពុះពារធ្វើយ៉ាងណាត្រូវខិតខំផលិតឱ្យបានចេញជារូបរាង ទោះបីជាវាមើលទៅមិនសូវគ្រប់ជ្រុងជ្រោយក៏ដោយ» ។ លោកបន្តថា ប្រសិនបើយើងមានលុយគ្រប់គ្រាន់នោះអ្នកផលិតភាពយន្តរបស់ខ្មែរយើងគឺមិនចាញ់បរទេសឡើយ ហើយកុំនិយាយថា បរទេសគេអាចផលិតលើសយើងនោះ» ។ លោកបន្តទៀតថា «យើងអាចមានតួសម្តែងល្អ មានម៉ាស៊ីនថតទំនើប ហើយយើងក៏មានគំនិតដូចគេដែរ ប៉ុន្តែអ្វីដែលសំខាន់នោះគឺយើងនៅខ្វះលុយ» ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ