វាជាការពិតណាស់ដែលថា ស្បែកស្រស់ស្អាតវាចាប់ផ្តើមពីខាងក្នុងទៅ ។ ចំណីអាហារល្អគឺជាផ្នែកដ៏សំខាន់មួយក្នុងការថែរក្សាស្បែករបស់អ្នកឱ្យមើលទៅស្រស់ស្អាតនិងមានសុខភាពល្អ ហើយស្បែកដែលគ្មានភាពជ្រីវជ្រួញគឺបង្កប់នៅក្នុងប្រភេទអាហារដែលយើងទទួលទាន ។ ខាងក្រោមនេះគឺជាអាហារ១១មុខដែលអ្នកវិទ្យាសាស្ត្ររកឃើញថាមានផលប្រយោជន៍ដល់ស្បែករបស់
វាជាការពិតណាស់ដែលថា ស្បែកស្រស់ស្អាតវាចាប់ផ្តើមពីខាងក្នុងទៅ ។ ចំណីអាហារល្អគឺជាផ្នែកដ៏សំខាន់មួយក្នុងការថែរក្សាស្បែករបស់អ្នកឱ្យមើលទៅស្រស់ស្អាតនិងមានសុខភាពល្អ ហើយស្បែកដែលគ្មានភាពជ្រីវជ្រួញគឺបង្កប់នៅក្នុងប្រភេទអាហារដែលយើងទទួលទាន ។ ខាងក្រោមនេះគឺជាអាហារ១១មុខដែលអ្នកវិទ្យាសាស្ត្ររកឃើញថាមានផលប្រយោជន៍ដល់ស្បែករបស់លោកអ្នក ៖
១- ដំឡូងជ្វា ៖ សាច់ពណ៌ទឹកក្រូចរបស់ដំឡូងជ្វាសំបូរទៅដោយសារធាតុបេតាការ៉ូតែននិងវីតាមីន A ដែលជាសមាសធាតុប្រឆាំងអុកស៊ីដកម្មដ៏សំខាន់មួយ ។ បេតាការ៉ូតែនជួយការពារស្បែករបស់អ្នកពីការបំផ្លាញដោយព្រះអាទិត្យ ។ ក្រុមអ្នកស្រាវជ្រាវអាល្លឺម៉ង់បានរកឃើញថា ប្រើប្រាស់បេតាការ៉ូតែន ៣០ក្រាមក្នុង១ថ្ងៃអាចជួយទប់ស្កាត់ ឬកាត់បន្ថយភាពក្រហមនិងការរលាកស្បែកដោយកំដៅថ្ងៃបាន ។
២- ផ្លែប៊័រ ៖ វីតាមីន Eដ៏សំបូរបែបនៅក្នុងផ្លែឈើនេះគឺជាសារធាតុប្រឆាំងអុកស៊ីដកម្មយ៉ាងសំខាន់ដែលអាចជួយកាត់បន្ថយភាពចាស់នៃកោសិកាស្បែក ធ្វើឱ្យយើងមើលទៅហាក់ក្មេងជាងវ័យ ។ ក្រៅពីនេះទៀត វាដើរតួនាទីយ៉ាងសកម្មធ្វើឱ្យបេះដូងមានសុខភាពល្អ ព្រមទាំងអាចបំបាត់សម្លាកលើស្បែកផងដែរ ។
៣- សាច់មាន់តួកគី ៖ សាច់មាន់ប្រភេទនេះសំបូរទៅដោយរ៉ែស័ង្កសីនិង Selenium។ ស័ង្កសីជាសារធាតុប្រឆាំងអុកស៊ីដកម្មមួយនិងមានសារសំខាន់ក្នុងការធានាប្រព័ន្ធស៊ាំរាងកាយឱ្យមានសុខភាពល្អ។ ចំណែករ៉ែ Seleniumវិញអាចជួយឱ្យស្បែករក្សាបាននូវភាពទន់រលោងរបស់វា។ អ្នកជំនាញបាននិយាយថា Selenium មានតួនាទីសំខាន់ធ្វើឱ្យកោសិកាស្បែកមានសុខភាពល្អ ។ ការសិក្សាមួយចំនួនបានបង្ហាញថា ប្រសិនជាអ្នកមានរ៉ែ Seleniumកម្រិតខ្ពស់ ការបំផ្លាញរបស់ស្បែកដោយពន្លឺថ្ងៃគឺមានតិចតួច ។
៤- តែបៃតង ៖ វាត្រូវបានគេដឹងយ៉ាងសុសសាយថា ជាសំបុកនៃសមាសធាតុប្រឆាំងអុកស៊ីដកម្ម ដែលសមាសធាតុនេះអាចជួយកាត់បន្ថយការរលាកនិងការពារភ្នាសកោសិកា ។វាមានអត្ថប្រយោជន៍ធ្វើឱ្យស្បែកមានសុខភាពល្អ។
៥- ប៉េងបោះ/ទឹកប៉េងប៉ោះ ៖ផ្លែប៉េងប៉ោះផ្ទុកសារធាតិពណ៌មួយហៅថា លីកូប៉ែន។ លីកូប៉ែននេះហើយដែលមានសមត្ថភាពធ្វើឱ្យស្បែករបស់អ្នកមើលទៅស្រស់ក្មេងនិងមានសុខភាព។ ស្បែកនឹងទទួលបានអត្ថប្រយោជន៍ពីកម្រិតសមាសធាតុប្រឆាំងអុកស៊ីដកម្មដ៏ខ្ពស់របស់លីកូប៉ែន ។
៦- ត្រីសំបូរខ្លាញ់ ៖ បណ្តាត្រីសំបូរខ្លាញ់មានដូចជា ធូណា សូម៉ុង សាឌីន ស្បៃកាជាដើមសុទ្ធតែអាចជួយឱ្យស្បែកអ្នកមើលទៅក្មេងជាងវ័យ ។ ពពួកត្រីទាំងនេះសំបូរទៅដោយអាស៊ីដខ្លាញ់អូមេហ្គា៣ ដែលផ្តល់អត្ថប្រយោជន៍យ៉ាងសំខាន់ចំពោះសុខភាពស្បែករបស់អ្នកជាទូទៅ ។
៧- សណ្តែកប្រេស៊ីល ៖ សណ្តែកប្រភេទនេះផ្ទុកទៅដោយរ៉ែ Seleniumយ៉ាងច្រើនលើសលប់ ។ រ៉ែនេះត្រូវគេរកឃើញថា ជួយការពាររាងកាយពីរ៉ាឌីកាល់សេរីដែលធ្វើឱ្យអ្នកឆាប់ចាស់មុនអាយុ ។ ការសិក្សាជាច្រើនក៏បានបង្ហាញផងដែរថា អ្នកដែលទទួលទានអាហារសំបូរដោយរ៉ែនេះប្រឈមនឹងជំងឺមហារីកតិចតួចបំផុត ។
៨-ផ្លែគីវី ៖ ប្រភេទផ្លែឈើដាំក្នុងទ្វីបអឺរ៉ុបមួយនេះសំបូរទៅដោយវីតាមីន C ។ វីតាមីននេះត្រូវគេប្រើយ៉ាងទូលាយក្នុងផលិតផលថែរក្សាស្បែក ។ វាមានសារសំខាន់នៅក្នុងផលិតផល collagenដែលជាប្រូតេអុីនសំខាន់របស់ស្បែក ។ វីតាមីន Cជួយផលិត/រក្សាប្រូតេអុីន collagenនៅក្នុងស្បែករបស់យើង និងថែមទាំងអាចជួយពង្រឹងសរសៃឈាមតូចៗដែលចិញ្ចឹមស្បែក ។
៩- មើមឆៃថាវក្រហម ៖ មើមឆៃថាវដែលដាំនៅអាមេរិកនិងអង់គ្លេស សំបូរទៅដោយសារធាតុដែក សារធាតុសរសៃ កាល់ស្យ៉ូម ម៉ាញ៉េស្យ៉ូម ម៉ង់កាណែស ប៉ូតាស្យូ៉ម អាស៊ីដហ្វូលិចព្រមទាំងវីតាមីន A, Bនិង C ។ ដោយសារវាសំបូរសារធាតុប្រឆាំងអុកស៊ីដកម្មបែបនេះ ទើបវាអាចជួយទប់ស្កាត់ការបំផ្លាញកោសិកានិង DNA ហើយព្រមទាំងជួយលុបបំបាត់រ៉ាឌីកាល់សេរីពីរាងកាយទៀតផង ។
១០-ស្ពៃខៀវ (Spinach) ៖ ស្លឹកពណ៌បៃតងចាស់របស់វាប្រមូលផ្តុំដោយបេតាការ៉ូតែនជាសារធាតុជួយជួសជុលកោសិកាស្បែក ។ បន្ថែមពីលើនេះទៀត វាជួយឱ្យស្បែកភ្លឺដូចស្ថិតក្នុងយុវវ័យ ។
១១- ទឹក ៖ សូមកុំភ្លេចផឹកទឹកឱ្យបានច្រើន។ ការផឹកទឹកច្រើនជួយឱ្យស្បែកមានសំណើម ។សូមផឹកឱ្យបាន៦ទៅ៨កែវក្នុងមួយថ្ងៃដែលក្នុងនោះ មុនពេលចូលដេកក៏ជាពេលសមគួរមួយផងដែរ ។ សូមចាប់ផ្តើមថ្ងៃថ្មីរបស់អ្នកជាមួយទឹកក្តៅអ៊ុនៗដោយបង់ក្រូចឆ្មារមួយចំណិត ៕
ចែករំលែកព័តមាននេះ