រាជធានីភ្នំពេញ ៖ ព្យុះភ្លៀងមួយមេធំ កាលពីល្ងាចថ្ងៃទី១៤ ឧសភា បណ្តាលឱ្យបាក់រោងកិនរថយន្តខូចខាតអស់ចំនួន១៣គ្រឿងនៅក្នុងប្លុកបុរីកីឡា ស្ថិតក្នុងសង្កាត់វាលវង់ ខណ្ឌ៧មករា ។
ប្រភពព័ត៌មានឱ្យដឹងថា នៅល្ងាចថ្ងៃទី១៤ ឧសភា នោះ ខណៈមានភ្លៀងធ្លាក់ និងខ្យល់បក់បោកយ៉ាងខ្លាំងផង បណ្តាលឱ្យរោងផ្ញើ
រាជធានីភ្នំពេញ ៖ ព្យុះភ្លៀងមួយមេធំ កាលពីល្ងាចថ្ងៃទី១៤ ឧសភា បណ្តាលឱ្យបាក់រោងកិនរថយន្តខូចខាតអស់ចំនួន១៣គ្រឿងនៅក្នុងប្លុកបុរីកីឡា ស្ថិតក្នុងសង្កាត់វាលវង់ ខណ្ឌ៧មករា ។
ប្រភពព័ត៌មានឱ្យដឹងថា នៅល្ងាចថ្ងៃទី១៤ ឧសភា នោះ ខណៈមានភ្លៀងធ្លាក់ និងខ្យល់បក់បោកយ៉ាងខ្លាំងផង បណ្តាលឱ្យរោងផ្ញើរថយន្តមួយកន្លែងដែលគេអះអាងថា ជារបស់ក្រុមហ៊ុនផានអុីមិុច បានបាក់សង្កត់កិនរថយន្តនៅទីនោះអស់ចំនួន១៣គ្រឿង ។ រថយន្តដែលរងការខូចខាតដោយសារព្យុះភ្លៀងមួយមេធំនោះត្រូវបានឱ្យដឹងថា ភាគច្រើន គឺរថយន្តដឹកទំនិញ និងកាមរីឆ្លាម ដែលម្ចាស់នៅផ្ទះក្បែរនោះយកទៅផ្ញើ ។
មន្ត្រីនគរបាលប៉ុស្តិ៍វាលវង់បានឱ្យដឹងថា បន្ទាប់ពីមានភ្លៀងមួយមេធំ និងខ្យល់បក់បោកវាយបំបាក់រោងផ្ញើរថយន្តក្នុងប្លុកបុរីកីឡាភ្លាមគេសង្កេតឃើញលោកជំទាវ ស៊ុុយ សុផាន ប្រធានក្រុមហ៊ុនផានអុីមិុចទៅដល់ដែរ ។ មន្ត្រីនគរបាលប៉ុស្តិ៍អះអាងថា លោកជំទាវទៅមើល និងទៅដោះស្រាយសំណងដល់ម្ចាស់រថយន្តដែលរងការខូចខាត ប៉ុន្តែការដោះស្រាយតាមកម្រិតណានោះសមត្ថកិច្ចមិនបានដឹងទេ ។
គួរបញ្ជាក់ថា រោងសម្រាប់ផ្ញើរថយន្តនៅក្នុងប្លុកបុរីកីឡានោះមានទំហំប្រហែល៣០ម៉ែត្រគុណ៦០ម៉ែត្រ ដំបូលប្រក់ស័ង្កសីសសរដែក មិនមានជញ្ជាំងទេ អាចផ្ញើរថយន្តបានពី២០ទៅ៣០គ្រឿង ។ក្រោយពីមានខ្យល់បក់បោកបាក់រោងផ្ញើរថយន្តនេះ នៅព្រឹកថ្ងៃទី១៥ ឧសភា ម្ចាស់រថយន្តមួយចំនួនបានយករថយន្តរបស់ខ្លួនចេញទៅជួសជុលខ្លះហើយ ប៉ុន្តែរោងដែកនិងដំបូលស័ង្កសីដែលបាក់គ្របដល់ដីមិនទាន់រើជួសជុលឡើងវិញទេ ។ ទោះបីជាយ៉ាងណា ម្ចាស់រថយន្តដែលរងការខូចខាតដោយសាររោងបាក់សង្កត់លើនោះ មិនបានប្តឹងប្តល់ទៅសមត្ថកិច្ចឡើយ ៕
ចែករំលែកព័តមាននេះ