ស្បូនរបស់អ្នកជាកន្លែងដែលទារកលូត​លាស់ គឺធម្មតាស្ថិតនៅក្នុងអាងត្រគាករបស់អ្នក ជាមួយនឹងសាច់ដុំ ជាលិកា និងសរសៃពួរ​ជា​ច្រើន។ ពេលខ្លះដោយសារតែការផ្តល់កំណើត​កូន​ ឬក៏ការពិបាកក្នុងពេលសម្រាល​ ធ្វើឱ្យសាច់​ដុំ​​មានការខ្សោយចុះ ។ នៅពេលដែលស្ត្រីមាន​អាយុ​ចាស់ ជាមួយនឹងការបាត់បង់អ័រម៉ូនធម្ម​ជាតិ Estrogen នោះស្បូនរបស់គាត់អាចនឹង​ស្រុតចូលទៅក្នុងទ្វារមាស ដែលបង្កឱ្យមានការ​ស្រុត​ស្បូន ។

សាច់ដុំដែលខ្សោយឬក៏ធូរ អាចអនុញ្ញាតឱ្យ​ស្បូន​ធ្លាក់ចុះ ឬក៏ចេញមកទាំងមូលក្រៅរាង​កាយនៅក្នុងដំណាក់កាលជាច្រើនដូចជា៖
-ដំណាក់កាលទីមួយ៖ មាត់ស្បូនធ្លាក់ចុះ​មកដល់ទ្វារមាស
-ដំណាក់កាលទីពីរ៖ មាត់ស្បូនធ្លាក់មកជាប់​នៅ​ផ្លូវចូលរបស់ទ្វារមាស
-ដំណាក់កាលទីបី៖ មាត់ស្បូនគឺនៅក្រៅ​ទ្វារមាស
-ដំណាក់កាលទីបួន៖ តួស្បូនទាំងស្រុងគឺនៅ​ក្រៅ​ទ្វារមាស ស្ថានភាពនេះហៅថា ការស្រុត​ចេញ​មកក្រៅនៃសរីរាង្គក្នុងពោះ ។ ទាំង​នេះ​គឺ​បង្ក​ឡើងដោយការខ្សោយនៃសាច់ដុំដែលជាអ្នក​ទ្រទ្រង់ ។
ស្ថានភាពផ្សេងទៀតដែលជាប់ទាក់ទងនឹង​ស្បូន​ស្រុត រួមមាន ការខ្សោយរបស់សាច់ដុំ​ដែល​នៅទ្រស្បូនឱ្យនៅនឹងកន្លែង ៖
-Cystocele គឺជាការលៀនចេញនូវផ្នែក មុខខាងលើនៃជញ្ជាំងរបស់ទ្វារមាសដែលជា កន្លែងដែលផ្នែករបស់ប្លោកនោមចូលទៅក្នុង ទ្វារមាសជាហេតុធ្វើឱ្យមានការលេចនោម​ញឹក​ញាប់ភា្លមៗ ការស្ទះនោម និងនោមមិន​ដឹងខ្លួន។
-Enteroceleគឺជាការលៀនចេញនៃផ្នែក ក្រោយខាងលើនៃជញ្ជាំងរបស់ទ្វារមាសដែល ជាកន្លែងដែលចំណែកនៃពោះវៀនតូចប៉ោងចូល ទៅក្នុងទ្វារមាស ។
-Rectoceleគឺជាការលៀនចេញនៃផ្នែកខាង ក្រោមនៃជញ្ជាំងរបស់ទ្វារមាសនៅកន្លែង ដែលថង់លាមកប៉ោងចូលទៅក្នុងទ្វារមាស ។
តើអ្វីជាមូលហេតុធ្វើឱ្យស្បូនស្រុត ?
នេះគឺជាតារាងស្ថានភាពដែលអាចធ្វើឱ្យ​ស្បូនស្រុត ៖
-ការពពោះ ការមានសម្រាលកូនភ្លោះជា​មួយ​​នឹងការសម្រាល​តាមទ្វារមាស
-សាច់ដុំតំបន់អាងត្រគាកចុះខ្សោយជា​មួយ​គាត់មានអាយុច្រើន
-ការចុះខ្សោយ និងការបាត់បង់នូវការ​កន្ត្រាក់នៃជាលិកាបន្ទាប់ពីអស់រដូវរបស់ស្ត្រី និង ការបាត់បង់នូវអ័រម៉ូនធម្មជាតិ Estrogen
-ស្ថានភាពដែលធ្វើឱ្យកើនឡើងនូវកម្លាំង​សម្ពាធនៅក្នុងពោះមានដូចជា ការក្អកជា​លក្ខណៈ​រុំារ៉ៃ ការប្រឹងបត់ជើង មានដុំនៅអាង​ត្រគាក ឬក៏មានការប្រមួលផ្តុំនៃសារធាតុរាវ​នៅ​ក្នុងពោះ។
-ការលើសទម្ងន់​ឬក៏ភាពធាត់ពេក និងការ​ប្រឹងទៅលើសាច់ដុំអាងត្រគាក
-ការបាញ់កាំរស្មីនៅក្នុងតំបន់អាងត្រគោក ធ្វើឱ្យបាត់បង់ការទ្រទ្រង់ខាងក្រៅ ។ កត្តា​ប្រឈម​មុខនឹងគ្រោះថ្នាក់ផ្សេងៗទៀត ៖
-ការលើកវត្ថុធ្ងន់ពេក
-ស្ត្រីស្បែកស គឺច្រើនមានផលប៉ះពាល់ច្រើន​ជាងស្ត្រីជនជាតិអាមេរិកស្បែកខ្មៅ និងជនជាតិ​អាស៊ីដែលប៉ះពាល់តិចតួច ។
រោគសញ្ញានៃស្បូន​ស្រុត ៖
-មានអារម្មណ៍ថាតឹងណែនឬក៏មាន​សម្ពាធ​នៅក្នុងអាងត្រគាក
-ឈឺនៅចង្កេះ
-មានអារម្មណ៍ថាមានអ្វីចេញមកក្រៅ​តាម​ទ្វារមាស
-ឈឺចាប់នៅពេលរួមភេទ
-ពិបាកបត់ជើងតូច ឬក៏បត់ជើងធំ
-ពិបាកក្នុងការដើរ
តើនៅពេលណាដែលអ្នកគួរតែទៅពិគ្រោះ នឹងគ្រូពេទ្យ ?
រាយការណ៍ទៅអ្នកផ្តល់សេវាសុខភាពបើសិនអ្នកមានបញ្ហាអ្វី ឬក៏មានរោគសញ្ញាដូចខាង​ក្រោម ៖
-អ្នកមានអារម្មណ៍ថាស្បូនរបស់អ្នក​មក​នៅជិតមាត់នៃទ្វារមាស ឬក៏មានការឈឺមិន​ស្រណុកចាប់ពីការបង្ហូរទឹកនោម ឬក៏ភ្លាមៗចង់​បត់ជើងធំ ។
-អ្នកមិនមានអារម្មណ៍ថាជាស្បូនរបស់​អ្នក​ទេ ប៉ុន្តែវាគ្រាន់តែជាសម្ពាធផ្លូវរបស់ទ្វារមាស​អ្នក ឬក៏មានអារម្មណ៍ថាមានអ្វីចេញមកក្រៅ​តាមទ្វារមាសរបស់អ្នក ។
-អ្នកនៅតែបន្តការឈឺនៅផ្នែកចង្កេះជា​មួយ​នឹងការពិបាកដើរ ការបត់ជើងតូច និងការបត់​ជើងធំ។
ទៅពិនិត្យជាមួយនឹងអ្នកថែរក្សាផ្នែកវេជ្ជ​សាស្ត្រ បើសិនអ្នកមានបញ្ហាដូចខាងក្រោម៖
-មានការស្ទះ ឬក៏ពិបាកក្នុងការបត់ជើងតូច និងបត់ជើងធំ
-ការស្រុតស្បូនជាលក្ខណៈទាំងស្រុង​ ។​
អ្នក​គួរ​រស់នៅរបៀបណាដើម្បីគេចផុតពី​បញ្ហាស្បូន​ស្រុត ?
-កាត់បន្ថយទម្ងន់​
-ចៀសវាងការទល់លាមកដោយការ​បរិភោគអាហារសរសៃច្រើន
-ធ្វើលំហាត់ប្រាណដើម្បីពង្រឹងសាច់ដុំ​អាង​ត្រគាក
-ចៀសវាងការលើកវត្ថុធ្ងន់ឬក៏ការប្រឹង​ពេក ៕