ខេត្តស្ទឹងត្រែង ៖ កាលពីវេលាម៉ោង៤និង៣០នាទីរសៀលថ្ងៃទី២៣ មករា ២០១២ កម្លាំងនគរបាលប៉ុស្តិ៍ការពារព្រំដែនខាំភោគចំណុះឲ្យវរសេនាលេខតូច៧០១ សហការជាមួយទាហ៊ាន គ១ វរសេនាតូចការពារព្រំដែនលេខ១០១ ចាប់ឃាត់ខ្លួនបុរសជនជាតិឡាវម្នាក់រួមនិងវត្ថុតាងមួយចំនួនទៀត ពីបទឆ្លងដែនខុសច្បាប់ ចូលមកលួចកា.ប់ឈើប្រណីតក្នុងដីកម្ពុជា។
ខេត្តស្ទឹងត្រែង ៖ កាលពីវេលាម៉ោង៤និង៣០នាទីរសៀលថ្ងៃទី២៣ មករា ២០១២ កម្លាំងនគរបាលប៉ុស្តិ៍ការពារព្រំដែនខាំភោគចំណុះឲ្យវរសេនាលេខតូច៧០១ សហការជាមួយទាហ៊ាន គ១ វរសេនាតូចការពារព្រំដែនលេខ១០១ ចាប់ឃាត់ខ្លួនបុរសជនជាតិឡាវម្នាក់រួមនិងវត្ថុតាងមួយចំនួនទៀត ពីបទឆ្លងដែនខុសច្បាប់ ចូលមកលួចកាប់ឈើប្រណីតក្នុងដីកម្ពុជា។
ប្រភពពីមន្ត្រីនគរបាលវរការពាព្រំដែនលេខ៧០១ បានឲ្យកោះសន្តិភាពដឹងនៅព្រឹកទី២៤ មករា នេះថា កម្លាំងនគរបាលបានរួមសហការជាមួយកម្លាំងទាហានវរសេនាតូចការពារព្រំដែនលេខ១០១ ចាប់ឃាត់ខ្លួនបុរសជនជាតិឡាវម្នាក់ ខណៈគេបម្រុងរៀបចំធ្វើសកម្មភាពកាប់ឈើប្រណីតក្នុងដីកម្ពុជាកាលពីវេលាម៉ោង៤និង៣០នាទីរសៀលថ្ងៃទី២៣ មករា ២០១២ នៅចំណុចចុងអូរសង្កែចន្លោះបង្គោលលេខ៥០-៥១ ចម្ងាយពីខ្សែបន្ទាត់ព្រំដែនចូលមកដីកម្ពុជាមួយគីឡូម៉ែត្រ។ ប្រភពដដែលបន្តថា ជនជាតិឡាវដែលត្រូវចាប់ឃាត់ខ្លួននេះឈ្មោះមិត្ត ភូមិ អាយុ២៤ឆ្នាំ រស់នៅភូមិតាពុង ឃុំស្អាត ស្រុកមឿងខូង ខេត្តចម្ប៉ាសាក់ ប្រទេសឡាវ។ ការចាប់ឃាត់ខ្លួននេះសមត្ថកិច្ចការពារព្រំដែនកម្ពុជារឹបអូសបានសម្ភារមួយចំនួនរួមមានគោយន្តកន្ត្រៃមួយគ្រឿង រណារយន្តមួយគ្រឿង និងរណារដៃមួយ។ បច្ចុប្បន្នជនជាតិឡាវម្នាក់នេះកំពុងជាប់ឃុំនៅមូលដ្ឋានទាហ៊ានការពារព្រំដែនវរសេនាតូចលេខ១០១ រង់ចាំដោះស្រាយតាមនីតិវិធី។
ដោយឡែកពលរដ្ឋកម្ពុជាចំនួន៩នាក់ត្រូវបានដោះលែងឲ្យមានសេរីភាពវិញហើយកាលពីថ្ងៃទី១៨មករា២០១២បន្ទាប់ពីមានការសម្រុះសម្រួលពីទាហ៊ានវរៈសេនាតូចការពារព្រំដែនលេខ១០១រួចមក។ ពលរដ្ឋទាំង៩នាក់នេះត្រូវទាហានការពារព្រំដែនឡាវចាប់ខ្លួនកាលពីថ្ងៃទី១០ មករា ២០១២ ស្ថិតក្នុងចន្លោះបង្គោល៦០ និង៦១ ចំណុចព្រៃវាំងមូ៕
ចែករំលែកព័តមាននេះ