ខេត្តកំពង់ឆ្នាំង ៖ សមត្ថកិច្ចចម្រុះបានឃាត់រថយន្តស្ទូចមួយគ្រឿងដែលផ្ទុកប្រេងម្រះ ព្រៅជាច្រើន រួមទាំងបុរសពីរនាក់។ កាលពីវេលាម៉ោង៦និង៣០នាទីព្រឹក ថ្ងៃទី២៥ កញ្ញា នេះ នៅតាមបណ្តោយផ្លូវជាតិលេខ៥ ត្រង់ចន្លោះគីឡូម៉ែត្រលេខ៦៧, ៦៨ ស្ថិតនៅក្នុងភូមិទឹកល្អក់ ឃុំសែប ស្រុកកំពង់ត្រឡាច ។
ខេត្តកំពង់ឆ្នាំង ៖ សមត្ថកិច្ចចម្រុះបានឃាត់រថយន្តស្ទូចមួយគ្រឿងដែលផ្ទុកប្រេងម្រះព្រៅជាច្រើន រួមទាំងបុរសពីរនាក់។ កាលពីវេលាម៉ោង៦និង៣០នាទីព្រឹក ថ្ងៃទី២៥ កញ្ញា នេះ នៅតាមបណ្តោយផ្លូវជាតិលេខ៥ ត្រង់ចន្លោះគីឡូម៉ែត្រលេខ៦៧, ៦៨ ស្ថិតនៅក្នុងភូមិទឹកល្អក់ ឃុំសែប ស្រុកកំពង់ត្រឡាច ។
លោកអៀរ ប៊ុនធឿន នាយការិយាល័យចរាចរណ៍ផ្លូវគោកបានឱ្យដឹងថា សមត្ថកិច្ចចម្រុះមាននគរបាលចរាចរ នគរបាលសេដ្ឋកិច្ច និងកងរាជអាវុធហត្ថបានស្ទាក់ចាប់រថយន្តខាងលើនេះ ព្រមទាំងមនុស្សពីរនាក់ ម្នាក់ឈ្មោះយ៉ាំង ចាំង អាយុ២៨ឆ្នាំ ជាជនជាតិវៀតណាម និងម្នាក់ទៀតឈ្មោះចាន់ ងុយ អាយុ៣២ឆ្នាំ រស់នៅភូមិស្ពានថ្ម សង្កាត់ព្រៃញី ស្រុកសំពៅមាស ខេត្តពោធិ៍សាត់ ។ រថយន្តធុនស្ទូចនោះម៉ាកហ្វុយសូ ពណ៌ស ដែលត្រូវបានគេកែច្នៃ ដោយផ្សារជាស៊ីទេននៅបាតនៃទ្រុងរថយន្តទាំងមូលមានបណ្តោយ៦,១០ម៉ែត្រ ទទឹង២,១៧ម៉ែត្រ និងទំហំជាង២តឹក ដែលផ្ទុកប្រេងម្រះព្រៅពេញដោយបិទយ៉ាងជិត គ្មានក្លិនចេញមកក្រៅឡើយ។ ជនសង្ស័យទាំងពីរនាក់បានសារភាពថា ពួកគេបានស៊ីឈ្នួលដឹកប្រេងម្រះព្រៅពីភ្នំគ្រវ៉ាញខេត្តពោធិ៍សាត់ យកទៅទល់ដែនកម្ពុជា-វៀតណាមក្នុងតម្លៃ៥០០ដុល្លារ ។
គួរកត់សម្គាល់ថា នេះជាលើកទី២ ហើយដែលសមត្ថកិច្ចខេត្តកំពង់ឆ្នាំង បានបង្ក្រាបរថយន្តដឹកប្រេងម្រេះព្រៅ ដែលប្រើរូបភាពផ្សារបាតរថយន្តជាស៊ីទេនសម្រាប់ដាក់បែបនេះ៕
ចែករំលែកព័តមាននេះ