ខេត្តកំពង់ចាម ៖ យុវជនម្នាក់ឈ្មោះយាន យុន អាយុ២៤ឆ្នាំ រស់នៅភូមិជាលា ឃុំជាលា ស្រុកបាធាយ ហេតុតែស្រឡាញ់ម៉ូតូខ្លាំងជាងចង់បានប្រពន្ធនោះ តូចចិត្តនឹងម្តាយឪពុកមិនទិញ
ឱ្យក៏ផឹកថ្នាំកណ្តុរលាយជាមួយទឹកធ្វើអត្តឃាត ។ ហេតុការណ៍នេះកើតឡើងនៅព្រលប់ថ្ងៃទី៥ តុលា ហើយរហូតមកដល់ម៉ោង៩ និង៣០នាទីព្រឹកថ្ងៃទី៦ តុលា បានស្លាប់ ព្រោះតែថ្នាំពុលជ្រាបចូលពេញខ្លួន។
ខេត្តកំពង់ចាម ៖ យុវជនម្នាក់ឈ្មោះយាន យុន អាយុ២៤ឆ្នាំ រស់នៅភូមិជាលា ឃុំជាលា ស្រុកបាធាយ ហេតុតែស្រឡាញ់ម៉ូតូខ្លាំងជាងចង់បានប្រពន្ធនោះ តូចចិត្តនឹងម្តាយឪពុកមិនទិញ
ឱ្យក៏ផឹកថ្នាំកណ្តុរលាយជាមួយទឹកធ្វើអត្តឃាត ។ ហេតុការណ៍នេះកើតឡើងនៅព្រលប់ថ្ងៃទី៥ តុលា ហើយរហូតមកដល់ម៉ោង៩ និង៣០នាទីព្រឹកថ្ងៃទី៦ តុលា បានស្លាប់ ព្រោះតែថ្នាំពុលជ្រាបចូលពេញខ្លួន។
លោកអនុសេនីយ៍ទោលុយ តុងឆេ នាយប៉ុស្តិ៍រដ្ឋបាលឃុំជាលាប្រាប់ឱ្យដឹងថា មុនពេលកើតហេតុ២ ទៅ៣ថ្ងៃយុវជនឈ្មោះយន ទាមទារឱ្យឪពុកឈ្មោះយាន យឿង អាយុ៥៧ឆ្នាំ និងម្តាយឈ្មោះហ៊ិន សុផន អាយុ៥៨ឆ្នាំ ទិញម៉ូតូ១គ្រឿងឱ្យរូបគេជិះ តែមិនបានតាមបំណងទេ ព្រោះតែខ្វះខាតលុយ ។
លោកនាយប៉ុសិ៍្តរដ្ឋបាលជាលាប្រាប់បន្តថាស្ត្រីជាម្តាយបានលួងលោមកូនប្រុសថា គាត់នឹងទៅចូលស្តីដណ្តឹងកូនក្រមុំគេឱ្យសិនមុនពេលទិញម៉ូតូ ។ នៅពេលម្តាយនិយាយប្រាប់ដូច្នេះ យានយុន តបថា រូបគេមិនទាន់ចង់បានប្រពន្ធទេ គឺចង់បានម៉ូតូថ្មី១គ្រឿង ។ ដោយសារជីវភាពមានការខ្វះខាត ម្តាយមិនបានទិញ ឱ្យឡើយ ជាហេតុធ្វើឱ្យយុវជនជាកូនខឹង ក៏បានយកថ្នាំកណ្តុរលាយជាមួយទឹកផឹកធ្វើអត្តឃាត។
ក្រោយពីផឹកថ្នាំពុលបាន១សន្ទុះយាន យុន ប្រាប់់បងស្រី ឱ្យដឹង លុះប្រមាណ២ម៉ោង ក្រោយមកទៀតក្អួតចង្អោរ ទើបត្រូវឪពុកម្តាយនាំទៅឱ្យគ្រូ ពេទ្យនៅក្នុងភូមិជួយសង្គ្រោះលាងក្រពះ ។ ដោយ នឹកស្មានថា មិនមានគ្រោះថ្នាក់ដល់អាយុជីវិត ទើបម្នាក់ៗនៅស្ងៀមមិនបញ្ជូនបន្តទៅសង្គ្រោះនៅមន្ទីរពេទ្យទេ ហើយបានដឹកយកមកផ្ទះវិញ ។
លោកអនុសេនីយ៍ទោ លុយ តុងឆេ នាយប៉ុសិ៍្តរដ្ឋបាលឃុំជាលាបន្ថែមថា រហូតដល់វេលាម៉ោង៩ និង៣០នាទីព្រឹកថ្ងៃទី៦ តុលា យុវជនឈ្មោះយុន បានស្លាប់ ។ ពេលរូបលោកទៅពិនិត្យផ្ទាល់ដល់លើផ្ទះមិនបានឃើញបន្សល់ទុកវត្ថុតាងណាមួយទេ ៕
ចែករំលែកព័តមាននេះ