ខេត្តកោះកុង ៖ កាលពីវេលាម៉ោង៤និង៣០នាទីរសៀលថ្ងៃទី៤ តុលា ២០១១ សមត្ថកិច្ចគយចល័តនៃនាយកដ្ឋានស្រាវជ្រាវ និងបង្ក្រាបបទល្មើសលើផ្ទៃប្រទេសនៃអគ្គនាយកដ្ឋានគយ និងរដ្ឋាករកម្ពុជា បានស្ទាក់ចាប់ទូកដឹកឈើគ្រញូងមួយគ្រឿង នៅក្នុងដែនសមុទ្រនៃខេត្តកោះកុង ត្រង់ចំណុចពយអៅវ៉ៅ ស្ថិតក្នុងភូមិសាស្ត្រឃុំកោះកាពិ ស្រុកកោះកុង ដែលទូកដឹកឈើគ្រញូងនេះ
ខេត្តកោះកុង ៖ កាលពីវេលាម៉ោង៤និង៣០នាទីរសៀលថ្ងៃទី៤ តុលា ២០១១ សមត្ថកិច្ចគយចល័តនៃនាយកដ្ឋានស្រាវជ្រាវ និងបង្ក្រាបបទល្មើសលើផ្ទៃប្រទេសនៃអគ្គនាយកដ្ឋានគយ និងរដ្ឋាករកម្ពុជា បានស្ទាក់ចាប់ទូកដឹកឈើគ្រញូងមួយគ្រឿង នៅក្នុងដែនសមុទ្រនៃខេត្តកោះកុង ត្រង់ចំណុចពយអៅវ៉ៅ ស្ថិតក្នុងភូមិសាស្ត្រឃុំកោះកាពិ ស្រុកកោះកុង ដែលទូកដឹកឈើគ្រញូងនេះ មានផ្ទុកឈើគ្រញូងប្រមាណជាង 16តោន មានតូច មានធំរាប់ពាន់ដុំ ហើយតាមការប៉ាន់ស្មានរបស់សមត្ថកិច្ច ឈើទាំងនេះមានចំនួនជាង១០ម៉ែត្រគូប។
តាមមន្ត្រីគយមួយរូបសុំមិនបញ្ចេញឈ្មោះបានបញ្ជាក់ឱ្យដឹងថា ទូកដឹកឈើខាងលើនេះ ត្រូវបានដឹកឈើចេញពីចំណុចភ្នំកោះកុងក្រៅ ឆ្ពោះទៅកាន់ប្រទេសវៀតណាម ហើយទំនងជាត្រូវរ៉ូវគ្នាជាមួយសមត្ថកិច្ចរដ្ឋបាលព្រៃឈើ ទើបពួកគេហ៊ានដឹកឈើកាត់សមុទ្រទាំងកណ្តាលថ្ងៃ យ៉ាងដូច្នេះ។
ប្រភពពីសមត្ថកិច្ចជាច្រើនបានអះអាងថា កន្លងមក ក្រុមឈ្មួញធ្វើជំនួញឈើគ្រញូងនៅក្នុងខេត្តកោះកុង ក្រៅតែពីក្រុមហ៊ុនស្របច្បាប់ដែលមានសិទ្ធិសំអាតអាងវារីអគ្គិសនីនោះគឺនៅមានក្រុមឈ្មួញបង្កបទល្មើសជាច្រើនទៀត ដែលសុទ្ធសឹងតែជាសមត្ថកិច្ចដូចជា មន្ត្រីប៉ូលិស ទាហានជើងគោក ទាហានជើងទឹក ដោយពួកត្រូវរ៉ូវគ្នាជាមួយសមត្ថកិច្ចរដ្ឋបាលព្រៃឈើខេត្ត និងមេអធិការដ្ឋានរដ្ឋបាលព្រៃឈើឈូងសមុទ្រ។ ជាក់ស្តែង ករណីទូកដឹកឈើប្រណីតខាងលើនេះ ត្រូវបានសមត្ថកិច្ចស្រាវជ្រាវឃើញថា ជារបស់មន្ត្រីប៉ូលិសស័ក្តិ៣ម្នាក់នៃស្នងការនគរបាលខេត្ត និងមន្ត្រីប៉ូលិសស្រុកកោះកុងម្នាក់ទៀតមានឋានៈជាអធិការរង។
បច្ចុប្បន្នវត្ថុតាងមានឈើ និងទូក ត្រូវបាននាំយកទៅរក្សាទុកនៅក្នុងសាខាគយ និងរដ្ឋាករខេត្តកោះកុង ចំណែកកម្មករទូក និងអ្នកបើកទូកបានរត់គេចខ្លួនបាត់ស្រមោល៕
ចែករំលែកព័តមាននេះ