ខេត្តកោះកុង ៖ កាលពីវេលាម៉ោង៥ល្ងាច ថ្ងៃទី៣០ សីហា មានគ្រោះថ្នាក់ចរាចរណ៍មួយរវាងម៉ូតូ និងម៉ូតូបុកគ្នាពេញទំហឹងនៅលើកំណាត់ផ្លូវជាតិលេខ៤៨ ស្ថិតក្នុងភូមិព្រែកស្វាយ សង្កាត់ស្ទឹងវែង ក្រុងខេមរភូមិន្ទ បណ្តាលមនុស្សចំនួន២នាក់ស្លា.ប់ គឺម្នាក់ស្លា.ប់នៅនឹងកន្លែងកើតហេតុ និងម្នាក់ទៀតស្លា.ប់នៅក្នុងមន្ទីរពេទ្យនាវេលា
ខេត្តកោះកុង ៖ កាលពីវេលាម៉ោង៥ល្ងាច ថ្ងៃទី៣០ សីហា មានគ្រោះថ្នាក់ចរាចរណ៍មួយរវាងម៉ូតូ និងម៉ូតូបុកគ្នាពេញទំហឹងនៅលើកំណាត់ផ្លូវជាតិលេខ៤៨ ស្ថិតក្នុងភូមិព្រែកស្វាយ សង្កាត់ស្ទឹងវែង ក្រុងខេមរភូមិន្ទ បណ្តាលមនុស្សចំនួន២នាក់ស្លាប់ គឺម្នាក់ស្លាប់នៅនឹងកន្លែងកើតហេតុ និងម្នាក់ទៀតស្លាប់នៅក្នុងមន្ទីរពេទ្យនាវេលាម៉ោង៧យប់ ចំណែកអ្នករងរបួសធ្ងន់ម្នាក់ត្រូវបានបញ្ជូនតាមរថយន្តសង្គ្រោះរបស់មន្ទីរពេទ្យទៅប្រទេសថៃ ។
លោកវរសេនីយ៍ត្រី អ៊ុក សុខា នាយការិយាល័យចរាចរណ៍ផ្លូវគោកខេត្តបានឱ្យដឹងថា ម៉ូតូទាំង២គ្រឿងនេះ មួយគ្រឿងធុន C125 ស៊េរីឆ្នាំ២០១០ ពណ៌ខ្មៅ គ្មានស្លាកលេខ បើកបរដោយឈ្មោះស៊ឹម អះម៉ាត់ ភេទប្រុស អាយុ២៥ឆ្នាំ (ស្លាប់នៅមន្ទីរពេទ្យ) ជិះឌុបគ្នាជាមួយឈ្មោះស៊ឹម សើ ភេទប្រុស អាយុ២៣ឆ្នាំ រងរបួសធ្ងន់ ធ្វើដំណើរពីកើតទៅលិច ។ ចំណែកម៉ូតូមួយគ្រឿងទៀតជិះម្នាក់ឯងធ្វើដំណើរពីលិចទៅកើត បើកបរដោយឈ្មោះហ្វីត សារី ភេទប្រុស អាយុ២៥ឆ្នាំ ជិះម៉ូតូម៉ាកវីវ៉ា ស៊េរីឆ្នាំ២០១០ ពណ៌ខ្មៅ អត់ស្លាកលេខ បានស្លាប់នៅកន្លែងកើតហេតុ ។ ជនរងគ្រោះទាំង៣នាក់មានទីលំនៅក្នុងភូមិ៤ សង្កាត់ដងទង់ ក្រុងខេមរភូមិន្ទជាមួយគ្នា និងជាជនជាតិខ្មែរអ៊ិស្លាមទាំងអស់។
លោកអ៊ុក សុខា បានបញ្ជាក់ថា គ្រោះថ្នាក់នេះកើតឡើងដោយសារតែអ្នកបើកបរមានជាតិស្រវឹង ហើយបើកបរមានល្បឿនលឿន និងគ្មានពាក់មួកសុវត្ថិភាព។ នៅថ្ងៃទី៣០ សីហា គឺជាថ្ងៃបុណ្យស្រាយបួសរបស់ជនជាតិខ្មែរអ៊ិស្លាមបញ្ចប់ ទើបពួកគេនាំគ្នាផឹកស៊ីសប្បាយនិងនាំគ្នាជិះម៉ូតូដើរកម្សាន្តពាសពេញទីរួមខេត្ត ក៏បណ្តាលឱ្យមានគ្រោះថ្នាក់កើតឡើង ហើយម៉ូតូទាំងពីរគ្រឿងត្រូវបាននាំយកមករក្សាទុកនៅស្នងការដ្ឋាននគរបាលខេត្ត៕
ចែករំលែកព័តមាននេះ