ក្រុងប៉ោយប៉ែត ៖ បារាស់ចេញ-ចូលត្រង់ចំណុចរង្វង់មូលច្រកទ្វារប៉ោយប៉ែត ស្ថិតក្នុងភូមិក្បាលស្ពាន សង្កាត់ប៉ោយប៉ែត ដែលគេឃើញចំណុចបារាស់នោះមានផ្លូវសងខាងសម្រាប់អ្នកធ្វើដំណើរ និងផ្លូវធំកណ្តាលសម្រាប់រថយន្តតូច-ធំនោះ នៅល្ងាចថ្ងៃទី២៩ សីហា ផ្លូវម្ខាងត្រូវបានបិទ ហើយទុកតែម្ខាង និងផ្លូវធំចំកណ្តាលឱ្យ
ក្រុងប៉ោយប៉ែត ៖ បារាស់ចេញ-ចូលត្រង់ចំណុចរង្វង់មូលច្រកទ្វារប៉ោយប៉ែត ស្ថិតក្នុងភូមិក្បាលស្ពាន សង្កាត់ប៉ោយប៉ែត ដែលគេឃើញចំណុចបារាស់នោះមានផ្លូវសងខាងសម្រាប់អ្នកធ្វើដំណើរ និងផ្លូវធំកណ្តាលសម្រាប់រថយន្តតូច-ធំនោះ នៅល្ងាចថ្ងៃទី២៩ សីហា ផ្លូវម្ខាងត្រូវបានបិទ ហើយទុកតែម្ខាង និងផ្លូវធំចំកណ្តាលឱ្យអ្នកធ្វើដំណើរទាំងថ្មើរជើង ទាំងម៉ូតូរថយន្តជួបការលំបាកហើយប្រជាពលរដ្ឋខ្លះបានរអ៊ូរទាំលើការបិទផ្លូវនេះដោយពោលពាក្យផ្សេងៗ។
តាមព័ត៌មានបានឱ្យដឹងថា ពេលផ្លូវម្ខាងត្រូវបានបិទឱ្យធ្វើដំណើរតែម្ខាងនោះអ្នកធ្វើដំណើរហាក់មានការលំបាកយ៉ាងខ្លាំង ព្រោះពេលល្ងាចកម្មករ និងអាជីវករកំពុងសម្រុកចេញពីទឹកដីថៃមកវិញ ។ សព្វដងត្រូវគេបើកផ្លូវទាំងសងខាង លុះវេលាព្រលប់ ពិសេសនៅម៉ោងបិទច្រកព្រំដែន ទើបគេបិទផ្លូវទាំងសងខាងទុកតែផ្លូវធំកណ្តាលឱ្យធ្វើចរាចរណ៍រួម។
ប្រភពបន្តថា ការបិទផ្លូវម្ខាងទុកម្ខាងនេះបង្កឱ្យអ្នកធ្វើដំណើរគ្រប់ប្រភេទមានការពិបាកក្នុងការធ្វើដំណើរ។ មន្ត្រីប៉ូលិសអន្តោប្រវេសន៍ឈរជើងចំណុចបារាស់ចេញ-ចូលនោះប្រាប់ថា ការបិទផ្លូវនេះដោយសារអ្នកជិះម៉ូតូចូលមិនគោរពច្បាប់ពិសេស មិនចុះបណ្តើរ ដើម្បីធ្វើការត្រួតពិនិត្យទេ។
ជុំវិញបញ្ហាខាងលើនេះ លោកលាក់ រម្មនា ប្រធានសេនាធិការប៉ូលិសអន្តោប្រវេសន៍ច្រកទ្វារប៉ោយប៉ែតបានប្រាប់កោះសន្តិភាពតាមទូរស័ព្ទថា គ្មានគោលការណ៍បែបនេះទេ ហើយលោកនឹងសួរនាំបញ្ហានេះ។ គេកត់សម្គាល់ថា កន្លងទៅថ្មីៗនេះ ក្នុងវេទិកាសាធារណៈមួយក្នុងវត្តបាលិលេយ្យប្រជាពលរដ្ឋបានលើកឡើងពីចំណុចបារាស់នេះថា តូចចង្អៀតបែរជាលើកនេះកាន់តែធ្វើឱ្យចង្អៀតថែមទៀត ៕
ចែករំលែកព័តមាននេះ