រាជធានីភ្នំពេញ ៖ រថយន្តឡិចស៊ីសប្រភេទ RX ៣៣០ ខណៈពេលកំពុងបើកបរតាមបណ្តោយផ្លូវលេខ២៧១ ក្នុងទិសដៅពីលិចទៅកើត មកដល់ផ្លូវកែងលេខ៤៣២ស្រាប់តែបត់អត់ស៊ីញ៉ូ បណ្តាលឱ្យកៀរម៉ូតូសង់កូរ៉េមួយគ្រឿង ដែលបើកក្នុងទិសដៅបញ្ច្រាសទិសគ្នា ធ្វើឱ្យដួលរងរបួស កាលពីវេលាម៉ោង៧និង៥៥នាទីយប់ ថ្ងៃទី
រាជធានីភ្នំពេញ ៖ រថយន្តឡិចស៊ីសប្រភេទ RX ៣៣០ ខណៈពេលកំពុងបើកបរតាមបណ្តោយផ្លូវលេខ២៧១ ក្នុងទិសដៅពីលិចទៅកើត មកដល់ផ្លូវកែងលេខ៤៣២ស្រាប់តែបត់អត់ស៊ីញ៉ូ បណ្តាលឱ្យកៀរម៉ូតូសង់កូរ៉េមួយគ្រឿង ដែលបើកក្នុងទិសដៅបញ្ច្រាសទិសគ្នា ធ្វើឱ្យដួលរងរបួស កាលពីវេលាម៉ោង៧និង៥៥នាទីយប់ ថ្ងៃទី៣០ សីហា ស្ថិតនៅសង្កាត់ទួលទំពូងទី២ ខណ្ឌចំការមន។
ប្រភពព័ត៌មានពីជនរងគ្រោះឈ្មោះថា ធា ភេទប្រុស អាយុ២៥ឆ្នាំ បានឱ្យដឹងថា រូបគេជិះម៉ូតូសង់កូរ៉េ ពណ៌ក្រហម ពាក់ស្លាកលេខ ក-៩៤១២ ភព១ ឌុបគ្នា៣នាក់ ក្នុងនោះមានក្មេងស្រីម្នាក់អាយុ៥ឆ្នាំ និងស្ត្រី២នាក់ទៀត ដោយធ្វើដំណើរតាមបណ្តោយផ្លូវ២៧១ ក្នុងទិសដៅពីកើតទៅលិច។ នៅពេលធ្វើដំណើរមកដល់ផ្លូវកែងលេខ៤៣២ ស្រាប់តែរថយន្តឡិចស៊ីស ប្រភេទ RX ៣៣០ ពណ៌ទឹកប្រាក់ ពាក់ស្លាកលេខភ្នំពេញ 2Q-9099 ដែលបើកបរក្នុងទិសដៅបញ្ច្រាសគ្នាក៏បត់អត់មានឱ្យសញ្ញាស៊ីញ៉ូភ្លើង បណ្តាលឱ្យកៀរម៉ូតូពួកគេដែលកំពុងតែជិះដួលរលាត់ដៃជើង។
ប្រភពព័ត៌មានពីកន្លែងកើតហេតុបានឱ្យដឹងថា បន្ទាប់ពីរថយន្តកៀរម៉ូតូនោះហើយ ម្ចាស់រថយន្តក៏បានឈប់ចុះជួយមើលអ្នករងគ្រោះផងដែរ ដោយបានសន្យាចេញសងថ្លៃព្យាបាល និងខូចខាតម៉ូតូទៅឱ្យជនរងគ្រោះ ដែលបង្ហាញពីភាពថ្លៃថ្នូរ និងចេះទទួលខុសត្រូវជាគំរូដល់អ្នកបើកបរដទៃទៀតកុំឱ្យរត់យកតែរួចខ្លួននោះ ៕
ចែករំលែកព័តមាននេះ