ខេត្តកំពង់ស្ពឺ ៖ កាលពីថ្ងៃទី២៧ សីហា ឆ្នាំ២០១១ មានបើកវគ្គបណ្តុះបណ្តាលប្រតិបត្តិការដោះមីនដល់មន្ត្រី និងកងយោធពលខេមរភូមិន្ទដែលរៀបចំឡើងដោយកងទ័ពប្រទេសឥណ្ឌា ក្រោមអធិបតីភាពលោកឧត្តមសេនីយ៍ឯកសឿង ឃុននី (Seoung Khunny) និងលោកវរសេនីយ៍ឯក Mohan ជាអនុព័ន្ធយោធាឥណ្ឌា។
ខេត្តកំពង់ស្ពឺ ៖ កាលពីថ្ងៃទី២៧ សីហា ឆ្នាំ២០១១ មានបើកវគ្គបណ្តុះបណ្តាលប្រតិបត្តិការដោះមីនដល់មន្ត្រី និងកងយោធពលខេមរភូមិន្ទដែលរៀបចំឡើងដោយកងទ័ពប្រទេសឥណ្ឌា ក្រោមអធិបតីភាពលោកឧត្តមសេនីយ៍ឯកសឿង ឃុននី (Seoung Khunny) និងលោកវរសេនីយ៍ឯក Mohan ជាអនុព័ន្ធយោធាឥណ្ឌា។
វគ្គបណ្តុះបណ្តាលនេះមានរយៈពេល៣សប្តាហ៍ ធ្វើឡើងនៅក្នុងមជ្ឈមណ្ឌលជាតិបោសសំអាតគ្រាប់មីន និងកាកសំណល់សង្គ្រាម (NPMEC) ក្នុងស្រុកឧត្តុង្គ ខេត្តកំពង់ស្ពឺ។ អ្នកជំនាញ៧នាក់មកពីកងទ័ពឥណ្ឌា បានបើកវគ្គហ្វឹកហ្វឺនដល់មន្ត្រី និងកងទ័ពកម្ពុជាចំនួន៣០នាក់ដែលត្រូវបានជ្រើសរើសឱ្យចូលរៀនវគ្គនេះ។
នៅក្នុងសុន្ទរកថាថ្លែងទៅកាន់សិក្ខាកាម លោក Mohan បានមានប្រសាសន៍ថា សូមឱ្យគ្រូបង្គោល និងសិក្ខាកាមទាំងអស់មេត្តាយកចិត្តទុកដាក់ ដើម្បីទទួលបានជោគជ័យក្នុងវគ្គសិក្សានេះ និងដើម្បីពង្រឹងកិច្ចសហប្រតិបត្តិការជាមួយគ្នាយូរអង្វែងតទៅមុខទៀត។ គួររំលឹកដែរថា នេះគឺជាការបើកវគ្គបណ្តុះបណ្តាលរបស់កងទ័ពឥណ្ឌាលើកទី៧ដល់មន្ត្រី និងកងយោធពលខេមរភូមិន្ទគិតចាប់តាំងពីឆ្នាំ២០០៧ មក ៕
ចែករំលែកព័តមាននេះ