រាជធានីភ្នំពេញ ៖ ចោរលួចម៉ូតូម្នាក់ត្រូវបានកម្លាំងប៉ូលិស នៃអធិការដ្ឋានស្រុកអង្គស្នួលចាប់បាននិងកសាងសំណុំរឿងបញ្ជូនទៅ តុលាការចាត់ការតាមផ្លូវច្បាប់បន្ទាប់ពីជននោះធ្វើសកម្មភាព លួចកាច់សោ.កម៉ូតូមួយគ្រឿងរបស់ប្រជាពលរដ្ឋ ហើយព្យាយាមជិះគេចខ្លួនបានចម្ងាយប្រមាណជាពីរគីឡូម៉ែត្រប៉ុណ្ណោះ ក៏ជួបកម្លាំងប៉ូលិស
រាជធានីភ្នំពេញ ៖ ចោរលួចម៉ូតូម្នាក់ត្រូវបានកម្លាំងប៉ូលិស នៃអធិការដ្ឋានស្រុកអង្គស្នួលចាប់បាននិងកសាងសំណុំរឿងបញ្ជូនទៅតុលាការចាត់ការតាមផ្លូវច្បាប់បន្ទាប់ពីជននោះធ្វើសកម្មភាពលួចកាច់សោ.កម៉ូតូមួយគ្រឿងរបស់ប្រជាពលរដ្ឋ ហើយព្យាយាមជិះគេចខ្លួនបានចម្ងាយប្រមាណជាពីរគីឡូម៉ែត្រប៉ុណ្ណោះក៏ជួបកម្លាំងប៉ូលិសកំពុងល្បាតតាមផ្លូវរួចក៏បានដេញតាមចាប់ខ្លួនតែម្តង។ ហេតុការណ៍នោះបានកើតឡើងកាលពីវេលាម៉ោង១និង១៥នាទីរសៀល ថ្ងៃទី២៩ សីហា ឆ្នាំ២០១១ នៅក្នុងភូមិបែកចាន ឃុំបែកចាន ស្រុកអង្គស្នួល។
ជនសង្ស័យឈ្មោះម៉ន សារុន ភេទប្រុស អាយុ១៧ឆ្នាំ ស្នាក់នៅភូមិអូដឹម សង្កាត់ចោមចៅ ខណ្ឌដង្កោ រាជធានីភ្នំពេញ។ ជននេះបានធ្វើសកម្មភាពលួចកាច់សោ.កម៉ូតូមួយគ្រឿងម៉ាក យ៉ាម៉ាហាមីអូខ្មៅអត់ស្លាកលេខ ជាកម្មសិទ្ធិរបស់បុរសឈ្មោះហុង ឡាង អាយុ៣៦ឆ្នាំ មុខរបរលក់បាយ មានទីលំនៅភូមអូរដឹម សង្កាត់ចោមចៅ។
តាមប្រភពព័ត៌មានបានឱ្យដឹងថា នៅមុនពេលកើតហេតុបុរសម្ចាស់ម៉ូតូបានជិះម៉ូតូទៅកន្លែងលក់បាយរបស់ខ្លួននៅចំណុចកើតហេតុ។ពេលទៅដល់បានទុកម៉ូតូនៅជិតតូបលក់នោះព្រមទាំងចាក់សោយ៉ាងត្រឹមត្រូវទៀតផង។ ដោយកន្លែងលក់បាយនោះនៅមុខរោងចក្រកាត់ដេរ លក់ដាច់មានអ្នកទិញច្រើនជនរងគ្រោះរវល់តែលក់ភ្លេចខ្លួន ជនសង្ស័យបានធ្វើសកម្ម ភាពលួចកាច់សោម៉ូតូជិះយកទៅបាត់។
ប្រភពដដែលបានបន្តថា ក្រោយពីស្បើយការងារម្ចាស់ម៉ូតូក្រឡេកមើលម៉ូតូមិនឃើញក៏មានការភ្ញាក់ផ្អើលឆោឡោប្តឹងប៉ូលិសឱ្យជួយអន្តរាគមន៍ភ្លាមៗ។ ពេលនោះប៉ូលិសប៉ុស្តិ៍បែកចានក៏បានប្រកាសភិនភាគម៉ូតូតាមវិទ្យុទាក់ទងទៅគោលដៅនានាឱ្យជួយពិនិត្យមើល។ លុះមួយសន្ទុះក្រោយមកកម្លាំងប៉ូលិសនៃអធិការដ្ឋានស្រុកអង្គស្នួលដែលកំពុងល្បាតតាមផ្លូវបានប្រទះឃើញភិនភាគដូចការប្រកាសខាងលើក៏បានដេញតាមចាប់ខ្លួនបាន។
ប្រភពបានបន្តទៀតថា ក្រោយពេលចាប់ខ្លួន ប៉ូលិសបាននាំ ជនសង្ស័យទៅកាន់អធិការដ្ឋានស្រុកអង្គស្នួលធ្វើការសាកសួរហើយជននោះបានសារភាពថា រូបគេពិតជាបានធ្វើសកម្មភាពលួចម៉ូតូ១គ្រឿងនោះមែន ហើយកន្លងមកក៏ធ្លាប់បានធ្វើសកម្មភាពលួចកង់ និងមាន់របស់ប្រជាពលរដ្ឋជាញឹកញាប់ផងដែរ ពេលនេះ
ប៉ូលិសបានកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី៕
ចែករំលែកព័តមាននេះ