លោកឧត្តមសេនីយ៍យុទ្ធសាក់ ស៊ីប្រាផា រដ្ឋមន្ត្រីក្រសួងការពារជាតិថៃ បានថ្លែងថា ក្រសួងការពារជាតិត្រៀមរៀបចំឯកសារទាក់ទងនឹងកិច្ចប្រជុំ គណៈកម្មាធិការព្រំដែនទូទៅ (GBC) ដែលគ្រោងធ្វើនៅពាក់កណ្តាលខែកញ្ញាប្រគល់ជូនអគ្គលេខាធិការ សន្តិសុខជាតិ ដើម្បីបញ្ជូនបន្តទៅគណៈរដ្ឋមន្ត្រី ។
លោកឧត្តមសេនីយ៍យុទ្ធសាក់ ស៊ីប្រាផា រដ្ឋមន្ត្រីក្រសួងការពារជាតិថៃ បានថ្លែងថា ក្រសួងការពារជាតិត្រៀមរៀបចំឯកសារទាក់ទងនឹងកិច្ចប្រជុំ គណៈកម្មាធិការព្រំដែនទូទៅ (GBC) ដែលគ្រោងធ្វើនៅពាក់កណ្តាលខែកញ្ញាប្រគល់ជូនអគ្គលេខាធិការសន្តិសុខជាតិ ដើម្បីបញ្ជូនបន្តទៅគណៈរដ្ឋមន្ត្រី ។
តាមប្រភពដដែលថា លោកក៏មានផែនការធ្វើដំណើរមកធ្វើទស្សនកិច្ចប្រទេសកម្ពុជាជាលក្ខណៈក្រៅផ្លូវការ ដើម្បីពិភាក្សាលើការកែប្រែសម្រួលកម្លាំងទ័ព និងបញ្ហាអ្នកសង្កេតការណ៍ រួមទាំងមាននិន្នាការក្នុងការសុំការអនុម័តពីគណៈរដ្ឋមន្ត្រី ដើម្បីឱ្យកិច្ចប្រជុំ GBC ទទួលបានលទ្ធផលល្អ ។
រដ្ឋមន្ត្រីការបរទេសថ្មីថៃនឹងធ្វើទស្សនកិច្ចតាមប្រទេសសមាជិកអាស៊ានតាមរយៈសារព័ត៌មាន MCOT ថៃកាលពីថ្ងៃទី២៩ សីហា ថា លោករដ្ឋមន្ត្រីការបរទេសថៃថ្មីSurapong TovichaChaikul នឹងធ្វើទស្សនកិច្ចណែនាំខ្លួនទៅកាន់ប្រទេសសមាជិកអាស៊ានទាំង១០ តាមលំដាប់អក្សរអង់គ្លេស។
នេះបើតាមសេចក្តីប្រកាសរបស់អ្នកនាំពាក្យក្រសួងការបរទេសចេញផ្សាយកាលពីថ្ងៃចន្ទកន្លងមក ។ លោក Thani Thongpakdi អ្នកនាំពាក្យក្រសួងការបរទេសបានចេញផ្សាយព័ត៌មាននេះបន្ទាប់ពីមន្ត្រីជាន់ខ្ពស់របស់ក្រសួងពិភាក្សាលើផែនការការងារ៦ខែ ក្នុងកិច្ចប្រជុំប្រចាំសប្តាហ៍របស់ខ្លួន ។
អាស៊ានទាំង១០ប្រទេសមានប្រ៊ុយណេ កម្ពុជា ឥណ្ឌូណេស៊ី ឡាវ ម៉ាឡេស៊ី មីយ៉ាន់ម៉ា (ភូមា) ហ្វ៊ីលីពីន សិង្ហបុរី ថៃ និងវៀតណាម។
គណបក្សភឿថៃដែលដឹកនាំដោយលោកស្រីយីងឡាក់ ស៊ីណាវ៉ាត្រាបានទទួលជ័យជម្នះក្នុងការបោះឆ្នោតជាតិ ។ រដ្ឋាភិបាលថ្មីបានសន្យាស្តារទំនាក់ទំនងជាមួយប្រទេសជិតខាងជាគោលនយោបាយអាទិភាពមួយក្នុងសេចក្តីប្រកាសពីគោលនយោបាយនៅចំពោះមុខសភាកាលពីសប្តាហ៍មុន។
លោក Surapong TovichaChaikul វ័យ ៥៨ឆ្នាំ មានសញ្ញាបត្របណ្ឌិតផ្នែកវិស្វករពីសាកលវិទ្យាល័យ Akron រដ្ឋអូហៃយ៉ូ សហរដ្ឋ អាមេរិក ។
ជាមួយនឹងការប្រកាសនេះនៅមិនទាន់កំណត់ពេលថា នឹងចាប់ផ្តើមពីថ្ងៃណានោះទេ៕
ចែករំលែកព័តមាននេះ