រាជធានីភ្នំពេញ ៖ ក្រសួងសុខាភិបាលកម្ពុជា បានធ្វើការអំពាវនាវដល់សមត្ថកិច្ច និងអាជ្ញាធរដែនដីជួយវែកមុខជនទុច្ចរិតដែលប្រើប្រាស់រថយន្ត ពាក់ស្លាកលេខ សញ្ញាគិលានសង្គ្រោះឯកជន ដឹកឈើគ្រញូង ដើម្បីយកមកផ្តន្ទាទោសឱ្យខាងតែបាន។ ការអំពាវនាវរបស់ក្រសួងសុខាភិបាលយ៉ាងដូច្នេះ ធ្វើឡើងបន្ទាប់ពីពេលថ្មីៗ
រាជធានីភ្នំពេញ ៖ ក្រសួងសុខាភិបាលកម្ពុជា បានធ្វើការអំពាវនាវដល់សមត្ថកិច្ច និងអាជ្ញាធរដែនដីជួយវែកមុខជនទុច្ចរិតដែលប្រើប្រាស់រថយន្តពាក់ស្លាកលេខ សញ្ញាគិលានសង្គ្រោះឯកជន ដឹកឈើគ្រញូង ដើម្បីយកមកផ្តន្ទាទោសឱ្យខាងតែបាន។ ការអំពាវនាវរបស់ក្រសួងសុខាភិបាលយ៉ាងដូច្នេះ ធ្វើឡើងបន្ទាប់ពីពេលថ្មីៗនេះ សមត្ថកិច្ចបានរកឃើញឈើគ្រញូងដែលគេបន្លំដាក់ក្នុងរថយន្តគិលានសង្គ្រោះឯកជន ដើម្បីបំភ័ន្តភ្នែកសមត្ថកិច្ចជំនាញបង្កឱ្យមានការប៉ះពាល់កិត្តិយសស្ថាប័នពេទ្យ និងទទួលរងការរិះគន់ពីសំណាក់មជ្ឈដ្ឋានទូូទៅក្នុងសង្គមកម្ពុជា។
យោងតាមសេចក្តីជូនដំណឹងស្តីពីការបដិសេធរបស់ក្រសួងសុខាភិបាលចុះថ្ងៃទី២៩ សីហា ២០១១ ដែលកោះសន្តិភាពទើបទទួលបាននៅថ្ងៃអង្គារនេះ ក៏បានថ្កោលទោសយ៉ាងខ្លាំងក្លាចំពោះជនល្មើសទាំងឡាយណាដែលបានរំលោភបំពាន ក្នុងការប្រើល្បិចកលទុច្ចរិត ដោយយកមធ្យោបាយដឹកជញ្ជូនឧបករណ៍ សម្ភារ ឬក្លែងបន្លំស្លាកសញ្ញារបស់ក្រសួងសុខាភិបាល ក៏ដូចជាអង្គភាពសុខាភិបាលរបស់រដ្ឋ អង្គភាពឯកជន សម្រាប់បម្រើសុខភាពប្រជាជនទៅបម្រើផលប្រយោជន៍ផ្ទាល់ខ្លួន ឬបក្សពួក និងក្រុមរបស់ខ្លួន ដែលជាអំពើប្រាសចាកពីផលប្រយោជន៍ក្នុងវិស័យសុខាភិបាល និងច្បាប់របស់រដ្ឋ ព្រមទាំងជាអំពើខុសច្បាប់ ធ្វើឱ្យប៉ះពាល់យ៉ាងខ្លាំងដល់កិត្តិយសក្រសួងសុខាភិបាលដែលជាស្ថាប័នរដ្ឋាភិបាល ទទួលខុសត្រូវលើសុខុមាលភាពប្រជាជនគ្រប់ស្រទាប់វណ្ណៈមិនរើសមុខនោះ ៕
ចែករំលែកព័តមាននេះ