បុគ្គលិកបម្រើលើយន្តហោះនៅកូរ៉េខាងត្បូងបានចោទប្រកាន់ក្រុមហ៊ុនអាកាសចរណ៍ឥណ្ឌូណេស៊ីថា បង្ខំឱ្យពួកនាងដោះសម្លៀកបំពាក់ និងចាប់សុដន់ ខណៈពេលត្រួតពិនិត្យសុខភាពបង្កឱ្យកើតការរិះគន់ដ៏ធ្ងន់ធ្ងរ ។ បេក្ខនារីម្នាក់ក្នុងចំណោម១៨នាក់ ដែលឆ្លងកាត់ការជ្រើសរើសបុគ្គលិកបំពេញតួនាទីជានារីបម្រើលើយន្តហោះ
បុគ្គលិកបម្រើលើយន្តហោះនៅកូរ៉េខាងត្បូងបានចោទប្រកាន់ក្រុមហ៊ុនអាកាសចរណ៍ឥណ្ឌូណេស៊ីថា បង្ខំឱ្យពួកនាងដោះសម្លៀកបំពាក់ និងចាប់សុដន់ ខណៈពេលត្រួតពិនិត្យសុខភាពបង្កឱ្យកើតការរិះគន់ដ៏ធ្ងន់ធ្ងរ ។
បេក្ខនារីម្នាក់ក្នុងចំណោម១៨នាក់ ដែលឆ្លងកាត់ការជ្រើសរើសបុគ្គលិកបំពេញតួនាទីជានារីបម្រើលើយន្តហោះនៅក្រុមហ៊ុនអាកាសចរណ៍រូដា បង្ហើបឱ្យដឹងថា ស្ត្រីទាំងអស់បានទទួលការស្នើសុំឱ្យដោះឈុតក្នុងចេញ ដើម្បីពិនិត្យមើលស្នាមសាក់ និងអ្នកដែលពង្រីកសុដន់ ដោយបច្ចុប្បន្ននាងកំពុងទន្ទឹងរង់ចាំមើលលទ្ធផលក្រោយពីឆ្លងផុតការត្រួតពិនិត្យកាលពីខែមុន ។
តាមទីភ្នាក់ងារព័ត៌មានយ៉នហាប់របស់កូរ៉េខាងត្បូងបានផ្សាយយោងលើសំដីរបស់បុគ្គលិកក្រុមហ៊ុនអាកាសចរណ៍បញ្ជាក់ថា បេក្ខនារីត្រូវឆ្លងកាត់ការស្ទាបសុដន់គ្រប់រូប ព្រោះអ្នកដែលកែសម្ផស្សសុដន់អាចកើតមានបញ្ហាសុខភាព ខណៈពេលយន្តហោះត្រូវប្រឈមមុខនឹងសម្ពាធទាបក្នុងបន្ទប់អ្នកដំណើរ ។ ក្រៅពីនេះបុគ្គលិកបម្រើលើយន្តហោះថែមទាំងមិនបានទទួលការអនុញ្ញាតឱ្យមានស្នាមសាក់ណាមួយនៅលើរាងកាយ ខណៈពេលបុគ្គលិករបស់ក្រុមហ៊ុនមានសាខានៅប្រទេសជប៉ុន ឬអូស្ត្រាលីតែងទទួលការប្រតិបត្តិបែបនេះ ។
ចំណែកអ្នកនាំពាក្យក្រុមហ៊ុនអាកាសចរណ៍របស់កូរ៉េខាងត្បូងថ្លែងថា មិនធ្លាប់ដឹងថា មានការត្រួតពិនិត្យសុខភាពរាងកាយក្នុងលក្ខណៈខាងលើកាលពីមុនឡើយ និងបញ្ជាក់ថា ជាការត្រួតពិនិត្យដ៏ចម្លែក ព្រមទាំងបង្ហាញពីចម្ងល់ថា តើអ្នកដំណើរដែលវះកាត់កែសម្ផស្សដើមទ្រូងអាចធ្វើដំណើរតាមយន្តហោះរបស់ក្រុមហ៊ុនអាកាសចរណ៍ខាងលើបានដែរឬអត់?
ខណៈពេលអ្នកនាំពាក្យរបស់ក្រុមហ៊ុន «រូដា» ប្រចាំនៅក្រុងសេអ៊ូលបង្ហើបឱ្យដឹងថា ការត្រួតពិនិត្យសុខភាពគួរដំណើរការជាលក្ខណៈប្រព័ន្ធ មិនរាប់បញ្ចូលការត្រួតពិនិត្យសុខភាពរាងកាយដោយវិធីសាស្ត្រខាងលើឡើយ ហើយករណីខាងលើកំពុងស្ថិតនៅក្នុងដំណាក់កាលស៊ើបអង្កេត ព្រោះជាអំពើគួរឱ្យអាម៉ាសបំផុត៕
ចែករំលែកព័តមាននេះ