រាជធានីភ្នំពេញ ៖ អាជ្ញាធររាជធានីភ្នំពេញ បានត្រៀមរៀបចំវិធានការក្តៅមួយដោយធ្វើការផាកពិន័យដល់ម្ចាស់ អាជីវកម្មនានាដែលរំលោ.ភ ឬរំខានចំណតបង់ប្រាក់លើចិញ្ចើមមហាវិថីព្រះមុនីវង្សធ្វើឱ្យ បាត់បង់សណ្តាប់ធ្នាប់ ។ កន្លងមក សាលារាជធានីភ្នំពេញបានអនុញ្ញាតឱ្យក្រុមហ៊ុនឯកជនមួយធ្វើការរៀបចំ ចំណតបង់ប្រាក់លើ
រាជធានីភ្នំពេញ ៖ អាជ្ញាធររាជធានីភ្នំពេញ បានត្រៀមរៀបចំវិធានការក្តៅមួយដោយធ្វើការផាកពិន័យដល់ម្ចាស់អាជីវកម្មនានាដែលរំលោភ ឬរំខានចំណតបង់ប្រាក់លើចិញ្ចើមមហាវិថីព្រះមុនីវង្សធ្វើឱ្យបាត់បង់សណ្តាប់ធ្នាប់ ។ កន្លងមក សាលារាជធានីភ្នំពេញបានអនុញ្ញាតឱ្យក្រុមហ៊ុនឯកជនមួយធ្វើការរៀបចំចំណតបង់ប្រាក់លើមហាវិថីសំខាន់ៗដូចជាមហាវិថីព្រះមុនីវង្ស និងមហាវិថីកម្ពុជាក្រោម ព្រមទាំងមហាវិថីសំខាន់ៗមួយចំនួនទៀត ។ ជាក់ស្តែងមហាវិថីព្រះមុនីវង្ស ដែលសាលារាជធានីភ្នំពេញធ្វើជាគំរូមុនគេសម្រាប់រៀបរយដោយមានការចតរថយន្តឱ្យបានត្រឹមត្រូវបញ្ចៀសការកកស្ទះចរាចរណ៍ និងធ្វើឱ្យមានសណ្តាប់ធ្នាប់ល្អ ប៉ុន្តែពេលនេះនៅពេលក្រុមហ៊ុនបានរៀបចំចំណតស្អាតរួចហើយបែរជាមានការលក់ដូរ ឬធ្វើអាជីវកម្មផ្សេងៗរំខានដល់ចំណតនោះទៅ
វិញ ។ ដោយមើលឃើញហេតុការណ៍បែបនេះអាជ្ញាធររាជធានីភ្នំពេញបានមានវិធានការផាកពិន័យ ដើម្បីបង្កភាពងាយស្រួលដល់ការចូលចតរបស់រថយន្តបង់ប្រាក់ ។
ថ្ងៃទី១៥ សីហា ២០១១ សាលារាជធានី ភ្នំពេញបានចេញសេចក្តីជូនដំណឹងមួយដែលមានខ្លឹមសារដូចតទៅ ៖
សាលារាជធានីភ្នំពេញសូមជម្រាបជូនដំណឹងដល់សាធារណជនទាំងអស់ឱ្យបានជ្រាបថា កន្លងមកនេះ សាលារាជធានីភ្នំពេញបានធ្វើការជូនដំណឹងស្តីពីការផ្សព្វផ្សាយតាមប្រព័ន្ធទូរទស្សន៍ និងទំព័រសារព័ត៌មានក៏ដូចជាតាមរយៈក្រុមការងារចុះផ្សព្វផ្សាយណែនាំដោយផ្ទាល់ ជុំវិញការរៀបចំចំណតបង់ប្រាក់នៅរាជធានីភ្នំពេញដោយចាប់ផ្តើមប្រមូលថ្លៃចំណតសាកល្បងជំហានដំបូងនៅមហាវិថីព្រះមុនីវង្ស ។ ជាលទ្ធផលសាលារាជធានីភ្នំពេញនៅតែសង្កេតឃើញថា ការចតយានយន្តរបស់បងប្អូនប្រជាពលរដ្ឋនៅតែពុំទាន់បានត្រឹមត្រូវទៅតាមគំនូសប្លង់នៅឡើយ លើសពីនេះនៅមានការយកទំនិញមកដាក់លក់នៅលើគំនូសប្លង់ចំណតនោះបន្ថែមទៀតដែរ។
សេចក្តីជូនដំណឹងនោះបានបញ្ជាក់ថា ដើម្បីឱ្យគម្រោងការរៀបចំចំណតបង់ប្រាក់ខាងលើទទួលបានជោគជ័យ និងរួមចំណែកក្នុងការធ្វើឱ្យរាជធានីភ្នំពេញកាន់តែមានសណ្តាប់ធ្នាប់ របៀបរៀបរយល្អពីមួយថ្ងៃទៅមួយថ្ងៃ ក៏ដូចជាការពង្រឹងការអនុវត្តន៍ច្បាប់ បទដ្ឋានគតិយុត្តិនោះសាលារាជធានីភ្នំពេញសម្រេចឱ្យធ្វើការផាកពិន័យចំពោះបងប្អូនប្រជាពលរដ្ឋណាដែលដាក់លក់ទំនិញនៅលើប្លង់ចំណត និងម្ចាស់រថយន្តដែលមិនព្រមចូលចតឱ្យបានត្រឹមត្រូវតាមគំនូសចំណតដែលបានកំណត់ ។
សាលារាជធានីភ្នំពេញសង្ឃឹមជឿជាក់លើស្មារតីយោគយល់ និងសហការល្អរបស់បងប្អូនប្រជាពលរដ្ឋ និងអាជ្ញាធរមូលដ្ឋាន៕
ចែករំលែកព័តមាននេះ