រាជធានីភ្នំពេញ ៖ ប្រភពពីកិច្ចប្រជុំគណៈរដ្ឋមន្ត្រីបានបង្ហើបឱ្យដឹងថា សម្តេចតេជោនាយករដ្ឋមន្ត្រីហ៊ុន សែន បានមានប្រសាសន៍ថា ជំហររបស់រាជរដ្ឋាភិបាលគឺនៅតែគោរពតាមការសម្រេចរបស់តុលាការ ក្រុងឡាអេ ដែលបង្គាប់ឱ្យមានអ្នកសង្កេតការរណ៍ឥណ្ឌូណេស៊ីនៅតំបន់គ្មានយោធា ដដែល ។
រាជធានីភ្នំពេញ ៖ ប្រភពពីកិច្ចប្រជុំគណៈរដ្ឋមន្ត្រីបានបង្ហើបឱ្យដឹងថា សម្តេចតេជោនាយករដ្ឋមន្ត្រីហ៊ុន សែន បានមានប្រសាសន៍ថា ជំហររបស់រាជរដ្ឋាភិបាលគឺនៅតែគោរពតាមការសម្រេចរបស់តុលាការក្រុងឡាអេ ដែលបង្គាប់ឱ្យមានអ្នកសង្កេតការរណ៍ឥណ្ឌូណេស៊ីនៅតំបន់គ្មានយោធាដដែល ។
ទាក់ទងទៅនឹងកិច្ចប្រជុំគណៈកម្មការព្រំដែនទូទៅ (GBC) រវាងរដ្ឋមន្ត្រីការពារជាតិនៃប្រទេសទាំងពីរកម្ពុជា-ថៃ ឬកិច្ចប្រជុំថ្នាក់តំបន់ និងកិច្ចប្រជុំថ្នាក់ខេត្តជាប់ព្រំដែននោះ សម្តេចតេជោហ៊ុន សែន បានផ្តល់អនុសាសន៍ឱ្យបន្តការជួបគ្នាជាលក្ខណៈទ្វេភាគី។ ប៉ុន្តែបើកិច្ចប្រជុំ GBC និយាយដល់តំបន់ដែលមានការចង្អុលបង្ហាញឱ្យវាស់វែងពីតុលាការអន្តរជាតិក្រុងឡាអេ ដាច់ខាតត្រូវមានវត្តមានចូលរួមពីអ្នកសង្កេតការណ៍ឥណ្ឌូណេស៊ី។
គួរបញ្ជាក់ថា ប្រសាសន៍ថ្លែងរបស់សម្តេចអគ្គមហាសេនាបតីតេជោហ៊ុន សែន យ៉ាងដូច្នេះគឺ បានធ្វើឡើងក្នុងឱកាសដែលសម្តេចបានអញ្ជើញជាអធិបតីដ៏ខ្ពង់ខ្ពស់ក្នុងសម័យប្រជុំពេញអង្គគណៈរដ្ឋមន្ត្រីប្រចាំសប្តាហ៍នៅវិមានសន្តិភាពទីស្តីការនាយករដ្ឋមន្ត្រីកាលពីព្រឹកថ្ងៃទី១៩ សីហា នេះ។
គួរបញ្ជាក់ថា កិច្ចប្រជុំគណៈរដ្ឋមន្ត្រីប្រចាំសប្តាហ៍ កាលពីព្រឹកមិញនេះដែរ គណៈរដ្ឋមន្ត្រី បានពិភាក្សាលើរបៀបវារៈដូចខាងក្រោម៖
១-សេចក្តីព្រាងច្បាប់ស្តីពីពន្ធនាគារ។
២-សេចក្តីព្រាងច្បាប់ស្តីពីការគ្រប់គ្រងថ្នាំកសិកម្ម និងជីវកសិកម្ម។
៣-បញ្ហាផ្សេងៗសំណើសុំការយល់ព្រមពីគណៈរដ្ឋមន្ត្រី ដើម្បីផ្ញើទៅស្ថាប័ននីតិប្បញ្ញត្តិ
លើ៖
៣.១-ច្បាប់ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាលនៃព្រះរាជាណាចក្រកម្ពុជាឱ្យក្រុមហ៊ុនខេមបូឌា អ៊ីនធើរណេស្យូណល អ៊ិន វេស្តមែន ឌីវើឡូបមែន គ្រុប សម្រាប់គម្រោងវិនិយោគសាងសង់រោងចក្រអគ្គិសនីដុតធ្យូងថ្ម អនុភាព១៣៥ មេហ្គាវ៉ាត់ នៅខេត្តព្រះសីហនុ។
៣.២-អនុសញ្ញាស្តីពីពាណិជ្ជកម្មអន្តរជាតិលើប្រភេទសត្វ និងរុក្ខជាតិព្រៃដែលកំពុងរងគ្រោះថ្នាក់ (សាយតេស) ៕
ចែករំលែកព័តមាននេះ