រាជធានីភ្នំពេញ ៖ នៅវេលាម៉ោងប្រមាណ២រសៀលថ្ងៃទី១៨ សីហា ២០១១ ប្រជាពលរដ្ឋប្រមាណ៣០នាក់បាននាំគ្នាតវ៉ាដោយយករថយន្ត ដឹកខ្សាច់១គ្រឿងបិទផ្លូវលេខ២០០៤ ស្ថិតនៅក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ ។ ការយករថយន្តដឹកខ្សាច់បិទផ្លូវនេះធ្វើឡើងបន្ទាប់ពីប្រជា ពលរដ្ឋបាន
រាជធានីភ្នំពេញ ៖ នៅវេលាម៉ោងប្រមាណ២រសៀលថ្ងៃទី១៨ សីហា ២០១១ ប្រជាពលរដ្ឋប្រមាណ៣០នាក់បាននាំគ្នាតវ៉ាដោយយករថយន្តដឹកខ្សាច់១គ្រឿងបិទផ្លូវលេខ២០០៤ ស្ថិតនៅក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ ។ ការយករថយន្តដឹកខ្សាច់បិទផ្លូវនេះធ្វើឡើងបន្ទាប់ពីប្រជាពលរដ្ឋបានចោទក្រុមហ៊ុនរ៉ូតជេវីថា បានយកដុំថ្មបិទផ្លូវដែលប្រជាពលរដ្ឋធ្លាប់ចេញ-ចូលរៀងរាល់ថ្ងៃ ប្រយោជន៍ដើម្បីឱ្យប្រជាពលរដ្ឋបង់លុយចេញ-ចូលក្នុងរថយន្ត១គ្រឿងតម្លៃ១.១០០រៀល ។
ទោះជាយ៉ាងណា ការតវ៉ារបស់ប្រជាពលរដ្ឋនេះមានរយៈពេលប្រមាណ១ម៉ោងប៉ុណ្ណោះ ក៏ត្រូវបានអាជ្ញាធរមូលដ្ឋានដឹកនាំដោយលោកចេង មុន្នីរ៉ា អភិបាលរងខណ្ឌសែនសុខ ចុះមកជួយអន្តរាគមន៍ដោះស្រាយ។ ប៉ុន្តែបើតាមប្រជាពលរដ្ឋបានអះអាងថា បន្ទាប់ពីអាជ្ញាធរចេញផុត ក្រុមហ៊ុនបានយកដុំថ្មតែ១ដុំប៉ុណ្ណោះចេញ ធ្វើឱ្យប្រជាពលរដ្ឋពិបាកចេញ-ចូលដដែល។
គួរបញ្ជាក់ថា កាលពីថ្ងៃទី១៧ សីហា ប្រជាពលរដ្ឋក៏បានតវ៉ាចំពោះក្រុមហ៊ុនរ៉ូត ជេវី ដែលវិនិយោគផ្លូវបង់លុយបន្តពីក្រុមហ៊ុនស.ឡា នោះផងដែរ។ ប្រជាពលរដ្ឋដែលរស់នៅតាមបណ្តោយផ្លូវ២០០៤នេះ បានអំពាវនាវសូមឱ្យសម្តេចតេជោនាយករដ្ឋមន្ត្រីហ៊ុន សែន ជួយអន្តរាគមន៍ដោះស្រាយឱ្យក្រុមហ៊ុនខាងលើយកដុំថ្មពីផ្លូវចេញទាំងអស់ ដើម្បីឱ្យពួកគាត់ងាយស្រួលក្នុងការចេញ-ចូលផងដែរ ៕
ចែករំលែកព័តមាននេះ