រាជធានីភ្នំពេញ ៖ យោងតាមសេចក្តីជូនដំណឹងរបស់សាលារាជធានីភ្នំពេញ ថ្ងៃទី១៥ សីហា ២០១១ ផ្សាយតាមគេហទំព័ររបស់សាលារាជធានីភ្នំពេញ ឱ្យដឹងថា សាលារាជធានីភ្នំពេញបានធ្វើការជូនដំណឹងតាមប្រព័ន្ធទូរទស្សន៍ និងទំព័រសារព័ត៌មានក៏ដូចតាមរយៈក្រុមការងារចុះផ្សព្វផ្សាយ ណែនាំដោយផ្ទាល់ជុំវិញការរៀបចំ
រាជធានីភ្នំពេញ ៖ យោងតាមសេចក្តីជូនដំណឹងរបស់សាលារាជធានីភ្នំពេញ ថ្ងៃទី១៥ សីហា ២០១១ ផ្សាយតាមគេហទំព័ររបស់សាលារាជធានីភ្នំពេញ ឱ្យដឹងថា សាលារាជធានីភ្នំពេញបានធ្វើការជូនដំណឹងតាមប្រព័ន្ធទូរទស្សន៍ និងទំព័រសារព័ត៌មានក៏ដូចតាមរយៈក្រុមការងារចុះផ្សព្វផ្សាយណែនាំដោយផ្ទាល់ជុំវិញការរៀបចំចំណតបង់ប្រាក់នៅរាជធានីភ្នំពេញដោយចាប់ផ្តើមប្រមូលថ្លៃចំណតបង់ថ្លៃសាកល្បងដំបូងនៅមហាវិថីព្រះមុនីវង្ស។
ជាលទ្ធផលសាលារាជធានីភ្នំពេញនៅតែសង្កេតឃើញថា ការចតយានយន្តរបស់បងប្អូនប្រជាពលរដ្ឋនៅតែពុំទាន់ត្រឹមត្រូវតាមគំនូសប្លង់នៅឡើយ លើសពី នេះនៅមានការយកទំនិញមកដាក់លក់នៅលើគំនូសប្លង់ចំណតនោះបន្ថែមទៀត។ ដូច្នេះដើម្បីឱ្យគម្រោងការរៀបចំចំណតបង់ប្រាក់ខាងលើទទួលបានជោគជ័យ និងរួមចំណែកធ្វើឱ្យរាជធានីភ្នំពេញកាន់តែមានសណ្តាប់ធ្នាប់របៀបរៀបរយពីមួយថ្ងៃទៅមួយថ្ងៃ ក៏ដូចជាការពង្រឹងការអនុវត្តច្បាប់បទដ្ឋានគតិយុត្តិនោះ សាលារាជធានីភ្នំពេញ សម្រេចឱ្យធ្វើការផាកពិន័យចំពោះបងប្អូនប្រជាពលរដ្ឋណាដែលដាក់ទំនិញលក់នៅលើប្លង់ចំណត និងម្ចាស់រថយន្តណាដែលចតមិនបានត្រឹមត្រូវតាមគំនូសចំណតដែលបានកំណត់ ៕
ចែករំលែកព័តមាននេះ