ការសិក្សាថ្មីមួយរបស់អាមេរិកបានបង្ហាញថា កាហ្វេមានអត្ថប្រយោជន៍ជួយកាត់បន្ថយជំងឺមហារីកស្បែកព្រមទាំងបំបាត់ភាពជ្រៀវជ្រួញនៅលើស្បែក។
ក្រុមអ្នកស្រាវជ្រាវមកពីសាកលវិទ្យាល័យRutgers Universityរដ្ឋញូវជើស៊ីសហរដ្ឋអាមេរិកបានបញ្ជាក់ថា កាផឹកកាហ្វេជាមធ្យមឬក៏យកវាទៅលាបនៅលើស្បែកអាចមានប្រយោជន៍ជួយទប់ស្កាត់មិនឲ្យមានការពកជាំលើស្បែកនិងរោគសញ្ញាមហារីកស្បែកគ្រប់ប្រភេទទាំងអស់។ ពួកគេបានបន្តទៀតថា សារធាតុកាហ្វេអ៊ីនដែលមាននៅក្នុងកាហ្វេបានជួយស្រូបយកពន្លឺនៃកាំរស្មីយូវី-បញ្ឈប់វាមិនឲ្យទៅបំផ្លាញនិងធ្វើឲ្យស្បែកជ្រៀវជ្រួញ។
ទោះបីជាយ៉ាងណានេះក៏ដោយ ក្រុមអ្នកស្រាវជ្រាវបាននិយាយថា មនុស្សទាំងឡាយមិនត្រូវចាប់ផ្តើមប្រើប្រាស់កាហ្វេក្នុងបរិមាណច្រើនភ្លាមៗនោះទេ។ លទ្ធផលនៃការស្រាវជ្រាវលើកនេះអាចនឹងត្រូវគេយកទៅប្រើប្រាស់ក្នុងការផលិតក្រែមការពារស្បែកដែលមានសារធាតុកាហ្វេអ៊ីន ៕
ចែករំលែកព័តមាននេះ