រាជធានីភ្នំពេញ ៖ ភិក្ខុសង្ឃមួយអង្គត្រូវប្អូនប្រុសឌុបម៉ូតូទៅរៀននៅពុទ្ធិក វិទ្យាល័យព្រះសុរាម្រឹត ក៏ជួបគ្រោះថ្នាក់ចរាចរណ៍បុកគ្នាជាមួយម៉ូតូមួយគ្រឿងទៀត បណ្តាលឱ្យសង្ឃអង្គនេះរងរបួសធ្ងន់ ប្អូនប្រុសរងរបួសស្រាល និងភាគីម្ខាងទៀតសន្លប់ស្តូកស្តឹង ។ គ្រោះថ្នាក់ចរាចរណ៍នេះកើតឡើងនៅវេលាម៉ោង៧ព្រឹកថ្ងៃទី១៨
រាជធានីភ្នំពេញ ៖ ភិក្ខុសង្ឃមួយអង្គត្រូវប្អូនប្រុសឌុបម៉ូតូទៅរៀននៅពុទ្ធិកវិទ្យាល័យព្រះសុរាម្រឹត ក៏ជួបគ្រោះថ្នាក់ចរាចរណ៍បុកគ្នាជាមួយម៉ូតូមួយគ្រឿងទៀត បណ្តាលឱ្យសង្ឃអង្គនេះរងរបួសធ្ងន់ ប្អូនប្រុសរងរបួសស្រាល និងភាគីម្ខាងទៀតសន្លប់ស្តូកស្តឹង ។ គ្រោះថ្នាក់ចរាចរណ៍នេះកើតឡើងនៅវេលាម៉ោង៧ព្រឹកថ្ងៃទី១៨ សីហា នៅតាមផ្លូវចំការដូងខាងត្បូងហាងនំប៉័ងហេងចេង ស្ថិតក្នុងភូមិសំបួរ សង្កាត់ដង្កោ ខណ្ឌដង្កោ។
អ្នករងគ្រោះមានគ្រហស្ថ២នាក់ និងព្រះសង្ឃមួយអង្គត្រូវបានបញ្ជូនទៅព្យាបាលនៅមន្ទីរពេទ្យមិត្តភាពខ្មែរ-សូវៀត ។ ភិក្ខុសង្ឃព្រះនាមខេង ចំណាន ព្រះជន្ម២៦ឆ្នាំ គង់នៅវត្តត្រពាំងសាលា ស្ថិតនៅខណ្ឌដង្កោ មានស្រុកកំណើតនៅភូមិក្រាំងលាវ ឃុំក្រាំងលាវ ស្រុកបាទី ខេត្តតាកែវ ។ ប្អូនប្រុសជាអ្នកបើកបរម៉ូតូឈ្មោះខេង ប៊ុនធឿន អាយុ២០ឆ្នាំ ចំណែកអ្នករងគ្រោះម្ខាងទៀតឈ្មោះឈាង សុភី ភេទប្រុស អាយុ២៤ឆ្នាំ ជាជាងផ្សារដែក ស្នាក់នៅភូមិសន្សំកុសល សង្កាត់បឹងទំពុន ខណ្ឌមានជ័យ មានស្រុកកំណើត នៅភូមិសន្លូង ឃុំស្វាយអន្ទង ស្រុកព្រៃវែង ខេត្តព្រៃវែង។
ប្អូនប្រុសភិក្ខុសង្ឃបានឱ្យដឹងថា ព្រឹកកើតហេតុរូបគេជិះម៉ូតូម៉ាកគុបជ្រុង ពណ៌ទឹកប៊ិច ឌុបលោកបងទៅរៀននៅពុទ្ធិកវិទ្យាល័យព្រះសុរាម្រឹត ខណៈជិះមកដល់ចំណុចកើតហេតុ ស្រាប់តែមានម៉ូតូម៉ាកឌ្រីមសេ១២៥ ពណ៌ខ្មៅ ស៊េរី២០១០ ជិះវ៉ារថយន្តក៏ជ្រុលមកបុករូបគេ បណ្តាលឱ្យដួលប្រាវទាំងអស់គ្នាតែម្តង ហើយភិក្ខុសង្ឃត្រូវព្រះកេសផ្នែកខាងក្រោយ ចំណែករូបគេត្រូវមុខ និងក្បាលរងរបួសស្រាល។
សាច់ញាតិភាគីម៉ូតូឌ្រីម C125 បានឱ្យដឹងថា យុវជនរងគ្រោះឈ្មោះឈាង សុភី ជិះម៉ូតូឌុបបងប្អូនទៅធ្វើការក្នុងទិសដៅបញ្ច្រាសទិសគ្នាជាមួយម៉ូតូព្រះភិក្ខុ ខណៈមកដល់ចំណុចកើតហេតុ ម៉ូតូដឹកភិក្ខុសង្ឃឆ្លងកាត់ថ្នល់មិនបានមើលមុខក្រោយ ទើបបណ្តាលឱ្យបុកគ្នា ដោយជិះក្នុងល្បឿនលឿនរៀងខ្លួន។ អ្នកជិះពីក្រោយមិនមានរងរបួសទេ យុវជនអ្នកឌុបសន្លប់មិនបានដឹងខ្លួននៅឡើយ។ ម៉ូតូទាំងពីរគ្រឿងខូចខាតស្ទើរទាំងស្រុង ត្រូវបានប៉ូលិសសង្កាត់ដង្កោយកទៅរក្សាទុករង់ចាំធ្វើការដោះស្រាយបន្តទៀត ៕
ចែករំលែកព័តមាននេះ