រាជធានីភ្នំពេញ ៖ សាលារាជធានីភ្នំពេញសូមធ្វើការណែនាំដល់បង ប្អូនប្រជាពលរដ្ឋដែលរស់នៅតំបន់អភិវឌ្ឍន៍បឹងកក់ឱ្យជ្រាបអំពី អនុក្រឹត្យលេខ១៨៣ អនក្រ.បក ចុះថ្ងៃទី១១ សីហា ២០១១ ស្តីពីការ កែសម្រួលក្រឡាផ្ទៃដីតំបន់អភិវឌ្ឍន៍បឹងកក់ និងយោងអនុសាសន៍ ដឹកនាំខ្ពង់ខ្ពស់របស់សម្តេចអគ្គមហាសេនាបតីតេជោហ៊ុន សែន
រាជធានីភ្នំពេញ ៖ សាលារាជធានីភ្នំពេញសូមធ្វើការណែនាំដល់បងប្អូនប្រជាពលរដ្ឋដែលរស់នៅតំបន់អភិវឌ្ឍន៍បឹងកក់ឱ្យជ្រាបអំពីអនុក្រឹត្យលេខ១៨៣ អនក្រ.បក ចុះថ្ងៃទី១១ សីហា ២០១១ ស្តីពីការកែសម្រួលក្រឡាផ្ទៃដីតំបន់អភិវឌ្ឍន៍បឹងកក់ និងយោងអនុសាសន៍ដឹកនាំខ្ពង់ខ្ពស់របស់សម្តេចអគ្គមហាសេនាបតីតេជោហ៊ុន សែន ថ្ងៃទី១៧ សីហា ២០១១។
អនុក្រឹត្យនេះមានគោលបំណងធ្វើប្រទានកម្មដីរដ្ឋទំហំ១២,៤៤ហិកតា ជូនប្រជាពលរដ្ឋដែលរស់នៅតំបន់បឹងកក់ ផ្នែកខាងក្រោយក្រសួងព័ត៌មានខាងលិចមន្ទីរពេទ្យកាល់ម៉ែត្រ និងខាងលិចស្ថានទូតបារាំង ក្នុងភូមិ៦,២០,២១,២២,២៣ និង២៤ សង្កាត់ស្រះចក ខណ្ឌដូនពេញ រាជធានីភ្នំពេញ ដើម្បីអភិវឌ្ឍន៍នៅនឹងកន្លែងដោយខ្លួនឯង ពោលគឺផ្តល់ជាកម្មសិទ្ធិជូនប្រជាពលរដ្ឋនូវទំហំដីដែលខ្លួនកំពុងរស់នៅ និងកាន់កាប់ជាក់ស្តែង ដោយការបង់ពន្ធប្រថាប់ត្រាជាបន្ទុករបស់រដ្ឋ។ រីឯដីរដ្ឋនៅសល់១១៤,៤១ហិកតា ត្រូវអភិវឌ្ឍន៍តាមប្លង់គោលដែលបានឯកភាព និងអនុម័តពីសាលារាជធានីភ្នំពេញរួចមកនោះ ។
បន្ទាប់ពីទទួលបានប័ណ្ណកម្មសិទ្ធិរួចមក ប្រជាពលរដ្ឋអាចសាងសង់លំនៅឋានរៀងៗខ្លួនស្របតាមបទដ្ឋានច្បាប់ទាក់ទងនឹងការសាងសង់ជាធរមាន ។ បង្កើតគណៈកម្មការមួយដែលមានលោកឆាយ ឫទ្ធិសែន នាយកមន្ទីររៀបចំដែនដី នគរូបនីយកម្ម សំណង់ និងសុរិយោដីរាជធានីភ្នំពេញ ជាប្រធាន និងក្រុមមន្ត្រីជំនាញបច្ចេកទេសមួយចំនួនតាមការចាំបាច់ ដើម្បីចុះបញ្ជីដី១២,៤៤ហិកតា ជាកម្មសិទ្ធិរបស់ប្រជាពលរដ្ឋក្នុងតំបន់បឹងកក់ចាប់ពីពេលនេះតទៅ ហើយបងប្អូនរស់នៅតំបន់បឹងកក់ត្រូវត្រៀមឯកសារភ្ជាប់មានប័ណ្ណគ្រួសារ លិខិតបញ្ជាក់កាន់កាប់ដីធ្លី និងផ្ទះ អត្តសញ្ញាណប័ណ្ណ។ល។
ចែករំលែកព័តមាននេះ