តើលោកអ្នកធ្លាប់ឃើញខ្មោចឬត្រូវខ្មោចលងឬទេ? សម្រាប់ប្រជាជនរស់នៅក្នុងប្រទេសមានការរីកចំរើនផ្នែកបច្ចេកវិទ្យា ពិតជាមិនជឿលើព្រលឹងខ្មោចដែលវិលវល់ក្នុងវដ្តសង្សានោះទេ ពិសេសបណ្តាជនជាតិរស់នៅតំបន់អឺរ៉ុប ពីព្រោះពុំមានហេតុផលណាមួយដើម្បីបញ្ជាក់ថា មនុស្សស្លា.ប់ហើយ វិញ្ញាណមករកយើងបាននោះទេ ។
តើលោកអ្នកធ្លាប់ឃើញខ្មោចឬត្រូវខ្មោចលងឬទេ?
សម្រាប់ប្រជាជនរស់នៅក្នុងប្រទេសមានការរីកចំរើនផ្នែកបច្ចេកវិទ្យា ពិតជាមិនជឿលើព្រលឹងខ្មោចដែលវិលវល់ក្នុងវដ្តសង្សានោះទេ ពិសេសបណ្តាជនជាតិរស់នៅតំបន់អឺរ៉ុប ពីព្រោះពុំមានហេតុផលណាមួយដើម្បីបញ្ជាក់ថា មនុស្សស្លាប់ហើយ វិញ្ញាណមករកយើងបាននោះទេ ។
ប៉ុន្តែសម្រាប់ប្រជាជននៅតំបន់អាស៊ី ពិសេសសប្រទេសដែលគោរពប្រណិប័តន៍ព្រះពុទ្ធសាសនាវិញ ភាពភ័យខ្លាចក្នុងអារម្មណ៍តែងតែដិតដាមជាប់ជានិច្ច ទោះបីពួកគេមិនដែលឃើញរូបសណ្ឋានខ្មោចបែបណាក៏ដោយ ហើយមានអ្នកខ្លះខ្លាចខ្មោចស្ទើមិនហានចុះដីនៅពេលយប់ទៀតផង ប៉ុន្តែក៏មានអ្នកខ្លះមិនជឿអបិយជំនឿនេះដែរ ។
ប្រសិនបើលោកអ្នកខ្លាចជួបខ្មោចលង លោកអ្នកគួរជៀសវាងនូវកិច្ចការមួយចំនួនដូចខាងក្រោម ៖
នៅពេលមានពិធីបុណ្យសែនព្រេនដល់ខ្មោចអារក្សអ្នកតា លោកអ្នកគួរជៀសវាង កាត់សក់ កោពុកមាត់ ធ្វើដំណើរកម្សាន្ត និងហាលខោអាវខាងក្រៅផ្ទះ នៅពេលយប់ ។ នេះបើតាមសម្តីរបស់លោក Szeto Fat-ching ជាគ្រូផ្នែកមន្តអាគមន៍គាថាបណ្តេញខ្មោចដ៏ល្បីនៅទីក្រុងហុងកុង នៅពេលដែលលោកត្រូវបានគេអញ្ជើញឱ្យចូលរួមជាភ្ញៀវកិត្តិយសក្នុងកម្មវិធី ដែលទាក់ទងនឹងព្រលឹងខ្មោចនៃស្ថានីយវិទ្យុ ៩៨៨ របស់ចិនក្នុងអំឡុងពេលប្រារព្ធពិធីបុណ្យ ។
លោកបានបន្តថា ខ្មោចគឺនៅជុំវិញខ្លួនមនុស្សក្នុងអំឡុងពេលថ្ងៃ ហើយចាប់ផ្តើមបង្ហាញសកម្មភាពនៅពេលយប់។ ដូច្នេះគួរតែមានការប្រុងប្រយ័ត្ន ពេលមានពិធីបុណ្យទាន ទ្វាឋានរកត្រូវបានគេបើក ហើយព្រលឹងត្រូវគេអនុញ្ញាតឱ្យត្រឡប់មកកាន់ឋានមនុស្ស។ លោក Szeto បានឱ្យដឹងផងដែរថា មនុស្សស្រីឆាប់ឃើញខ្មោចជាងមនុស្សប្រុស។ យោងតាមមុខវិជ្ជាទស្សនវិជ្ជា Yin និង Yang បានបញ្ជាក់ថា មនុស្សស្រីស្ថិតក្នុងផ្នែក Yin ដូច្នេះពួកគេងាយនឹងជួបគ្នាបំផុត ។ ប៉ុន្តគ្មានអ្វីដែលត្រូវនោះទេ ព្រោះខ្មោចខ្លាចមនុស្សជាងមនុស្សខ្លាចវាទៅទៀត។
ក្រៅពីចែករំលែកនូវរឿងរ៉ាវ និងចំណេះដឹងខាងលើ លោក Szeto ក៏បានហាមមិនឱ្យប្រជាជនយកនំចំណី ម្ហូបអាហារទៅសែនព្រេននៅតាមផ្លូវផងដែរ ៕
ចែករំលែកព័តមាននេះ