រាជធានីភ្នំពេញ ៖ កាលពីព្រឹកថ្ងៃទី១៦​ខែសីហា នៅសាលប្រជុំមន្ទីរពេទ្យកាល់ម៉ែតបាន​បើក​វគ្គបណ្តុះបណ្តាលស្តីពី”វិធីធ្វើឲ្យអ្នករង​គ្រោះនិងអ្នកជម្ងឺសង្គ្រោះ​បន្ទាន់រស់ឡើងវិញ”រយៈពេលបួនថ្ងៃក្រោមកិច្ចសហប្រតិបត្តិការ បារាំង-សិង្ហបុរីនៅកម្ពុជា ក្រោមអធិបតីភាពលោកគង់ សន្យា អគ្គនាយករងមន្ទីរពេទ្យ​កាល់ម៉ែត និងតំណាងស្ថានទូតបារាំង-សិង្ហបុរី​ប្រចាំនៅកម្ពុជា ព្រមទាំងសិក្ខាកាមចំនួន៤៥នាក់ ចូលរួម។

នៅក្នុងពិធីបើកវគ្គបណ្តុះបណ្តាលនោះ លោកគង់ សន្យា មានប្រសាសន៍ថា ក្នុងពិធីបើក​វគ្គបណ្តុះបណ្តាលស្តីពីការជួយសង្គ្រោះ​អ្នករង​របួសបុកប៉ះធ្ងន់ដោយ​មានការសហការយ៉ាងជិតស្និទ្ធរវាងមន្ទីរពេទ្យកាល់ម៉ែតជាមួយសហប្រតិ បត្តិការបារាំងនិងស្ថាតទូតសិង្ហបូរីប្រចាំនៅកម្ពុជា ហើយក៏បាន​ប្រារព្ធ​បើក​វគ្គបណ្តុះ​បណ្តាល នេះឡើង។ វគ្គបណ្តុះបណ្តាល​នេះជាគន្លឹះប្រកបដោយយុទ្ធសាស្រ្តខ្ពស់ដល់ការសង្គ្រោះជីវិតប្រជាពលរដ្ឋដែលទទួលរងគ្រោះ ថ្នាក់បុកប៉ះធ្ងន់ធ្ងរជាយ​ថាហេតុឲ្យបាន​រួចផុត​ពីការបាត់បង់ជីវិត។ វគ្គបណ្តុះបណ្តាលនេះ​ដំណើរការក្នុងរយៈពេលបួនថ្ងៃ។ រយៈពេលនេះ​ជាពេលវេលាមួយសមល្មមឲ្យសិក្ខាកាមទាំងអស់ អាចនឹងទទួលយកបាននូវចំណេះដឹងថ្មីអំពីអត្ថ​ន័យ​​ ខ្លឹមសារមេតន់ជាទ្រឹស្តីគួបផ្សំនឹងការហ្វឹក​ហាត់ ការពិភាក្សាផ្លាស់ប្តូរយោបល់ ដកស្រង់​បទពិសោធន៍ពីគ្នាទៅ​វិញទៅមកតាមក្រុម ដើម្បីទទួលបានអនុសាសន៍ថ្មីៗទៀតពីអ្នក​ជំនាញការដែលជាគ្រូបង្រៀនក្នុងទិសដៅធ្វើឲ្យ កាន់តែប្រសើរឡើងថែមទៀតលើផ្នែកសមត្ថ ភាពជំនាញដែលអាចធានាបានក្នុងការសំរេចភារកិច្ចជាអ្នកទទួលបន្ទុកសង្គ្រោះជីវិតជនរងគ្រោះ ពិតប្រាកដ។

វគ្គបណ្តុះបណ្តាលនេះ​ធ្វើឡើង​ស្របទៅតាម​គោលបំណងរបស់ក្រសួងសុខាភិបាលចំពេល​ដែលសព្វថ្ងៃនេះក្រសួងសុខាភិបាលកំពុងតែខិត​ខំ​យក​ចិត្តទុកដាក់ពង្រឹង​ឥតឈប់ឈរនូវសេវា​គិលានសង្គ្រោះបន្ទាន់​ជន​រងគ្រោះនៅតាមទី​សាធា​រណៈឲ្យបានកាន់តែខ្លាំងក្លាថែមទៀត ។

លោក​អគ្គនាយករងមន្ទីរពេទ្យកាល់​ម៉ែតបានថ្លែងបញ្ជាក់ថា ក្នុងនាមក្រសួងសុខាភិ បាល និង​ក្នុងនាមលោកផ្ទាល់សូមសំដែងនូវការ​កោតសរសើរដោយ​ស្មោះបំផុត​ចំពោះសហប្រតិ បត្តិការបារាំងនិងស្ថានទូតប្រទេសសិង្ហបុរីប្រចាំកម្ពុជាដែលបានសហការល្អប្រសើរជួយឧបត្ថម្ភ ជាថវិកានិងបច្ចេកទេសជំរុញឲ្យវគ្គបណ្តុះ
បណ្តាលនេះបានប្រព្រឹត្តទៅប្រកបដោយលទ្ធផលផ្លែផ្កានិងដំណើរការល្អនៅមន្ទីរពេទ្យកាល់ ម៉ែត ៕