ខេត្តពោធិ៍សាត់ ៖ បុរស២នាក់បានស្លា.ប់ជាបន្តបន្ទាប់ ឯម្នាក់ទៀតរងរបួសធ្ងន់ដោយសារស្រវឹងស្រាជិះម៉ូតូទៅបុករថយន្ត ។ គ្រោះថ្នាក់ចរាចរណ៍នេះកើតឡើងនៅភូមិប្រមោយ ឃុំប្រមោយ ស្រុកវាលវែង ខេត្តពោធិ៍សាត់ កាលពីថ្ងៃទី១៤សីហា ២០១១វេលាម៉ោង៤ និង ៣០នាទីរសៀល ។មន្ត្រីប៉ូលិសឱ្យដឹងថា អ្នកស្លា.ប់ឈ្មោះ
ខេត្តពោធិ៍សាត់ ៖ បុរស២នាក់បានស្លាប់ជាបន្តបន្ទាប់ ឯម្នាក់ទៀតរងរបួសធ្ងន់ដោយសារស្រវឹងស្រាជិះម៉ូតូទៅបុករថយន្ត ។ គ្រោះថ្នាក់ចរាចរណ៍នេះកើតឡើងនៅភូមិប្រមោយ ឃុំប្រមោយ ស្រុកវាលវែង ខេត្តពោធិ៍សាត់ កាលពីថ្ងៃទី១៤សីហា ២០១១វេលាម៉ោង៤ និង ៣០នាទីរសៀល ។មន្ត្រីប៉ូលិសឱ្យដឹងថា អ្នកស្លាប់ឈ្មោះមាន លៀង អាយុ៣២ឆ្នាំ មានទីលំនៅក្នុងស្រុកមេមត់ខេត្តកំពង់ចាម និងឈ្មោះឆាន់ ផល្លា អាយុ២៧ឆ្នាំ ទីលំនៅក្នុងឃុំប្រមោយ ជាអ្នកបើកម៉ូតូ ។
ចំណែកម្នាក់ទៀតរបួសធ្ងន់ឈ្មោះជ្រូក ភេទប្រុស អាយុ២៧ឆ្នាំ ទីលំនៅក្នុងឃុំប្រមោយ ។ ទាំង៣នាក់នេះជាជាងជួសជុលរថយន្តនៅស្រុកវាលវែង ។ នៅថ្ងៃទី១៤ សីហា ជាថ្ងៃសែនចិន ពួកគេទាំង៣នាក់រួមជាមួយមិត្តភក្តិបងប្អូនមួយចំនួនទៀតនាំគ្នាផឹកស៊ីតាំងពីម៉ោង១២ថ្ងៃត្រង់រហូតដល់ម៉ោង៤រសៀល ទើបជិះម៉ូតូឌុបគ្នាបំរុងទៅដើរលេងនៅខេត្តបាត់ដំបង ។ ពួកគេបើកម៉ូតូក្នុងល្បឿន លឿនទាំងស្រវឹង លុះទៅដល់ខាងមុខអធិការដ្ឋាននគរបាលស្រុកវាលវែងផ្លូវកោងមិនបង្អង់ល្បឿនក៏ជ្រុលទៅបុករថយន្តដែលកំពុងធ្វើដំណើរមកពីមុខបញ្ច្រាសទិសគ្នានៅខាងស្ដាំដៃពេញទំហឹង ។ ការបុកនោះបណ្ដាលឱ្យដួលចូលក្រោមរថយន្ត ហើយត្រូវកិនស្លាប់ម្នាក់ភ្លាម ឯម្នាក់ទៀតបញ្ជូនដល់មន្ទីរពេទ្យក៏ស្លាប់ដែរ ។ ចំណែកម្នាក់ទៀតរងរបួសធ្ងន់កំពុងសម្រាកព្យាបាលនៅមណ្ឌលសុខភាពស្រុកវាលវែង។
លោកវរសេនីយ៍ត្រី ភួង សូឡី អធិការនគរបាលស្រុកវាលវែងឱ្យដឹងថា រថយន្តម៉ាកនីស្សាន់ពណ៌ទឹកប្រាក់ ពាក់ស្លាកលេខបាត់ដំបង 2A-3363 ជារថយន្តតាក់ស៊ីបើកបរដោយឈ្មោះ លីម បូណា ភេទប្រុស អាយុ២១ឆ្នាំ ត្រូវបានឃាត់ទុកនៅអធិការដ្ឋាននគរបាលស្រុកវាលវែងដើម្បីដោះស្រាយទៅតាមច្បាប់ចរាចរ ។ បើតាមការពិនិត្យជាក់ស្ដែងអ្នកបើកម៉ូតូបានជ្រុលទៅបុករថយន្តនៅខាងស្ដាំដៃទាំងបំពាន។
ម្យ៉ាងវិញទៀតអ្នកបើកម៉ូតូស្រវឹងស្រាជោកជាំហើយថែមទាំងបើកលឿនទៀតផងដែលអាចបញ្ជាក់បានថាខុសច្បាប់ចរាចរទាំងស្រុង ៕
ចែករំលែកព័តមាននេះ