រាជធានីភ្នំពេញ ៖ រយៈពេល២យប់ជាប់ៗគ្នាមានរថយន្តចំនួន២គ្រឿងដែលគេអះអាង ថា អ្នកបើកបរសុទ្ធតែស្រវឹងបានបើកបោះពួយបុករបង និងលំនៅឋានប្រជា ពលរដ្ឋនៅក្នុងខណ្ឌទួលគោក តែពុំបណ្តាលឱ្យមនុស្សរងរបួសឡើយ។ តាមព័ត៌មានឱ្យដឹងថា នៅវេលាម៉ោង១២និង២០នាទីយប់រំលងអធ្រាត្រឈានចូលថ្ងៃទី១៤
រាជធានីភ្នំពេញ ៖ រយៈពេល២យប់ជាប់ៗគ្នាមានរថយន្តចំនួន២គ្រឿងដែលគេអះអាងថា អ្នកបើកបរសុទ្ធតែស្រវឹងបានបើកបោះពួយបុករបង និងលំនៅឋានប្រជា ពលរដ្ឋនៅក្នុងខណ្ឌទួលគោក តែពុំបណ្តាលឱ្យមនុស្សរងរបួសឡើយ។
តាមព័ត៌មានឱ្យដឹងថា នៅវេលាម៉ោង១២និង២០នាទីយប់រំលងអធ្រាត្រឈានចូលថ្ងៃទី១៤ សីហា រថយន្តម៉ាកកូរ៉ូឡា ពណ៌ស្ករ ពាក់ស្លាកលេខ ភ្នំពេញ 2D-8540 មួយគ្រឿង បានបើកបោះពួយបុកលំនៅឋានលេខ១០២ តាមផ្លូវលេខ៥៩៨ ក្នុងសង្កាត់បឹងកក់ទី២ ខណ្ឌទួលគោក ហើយរថយន្តនោះជ្រុលទៅបុករបងរួញជាប់ទៅមុខលែងរួច ។ តាមសាក្សីនៅកន្លែងកើតហេតុ បានឱ្យដឹងថា នៅមុនពេលកើតហេតុ រថយន្តខាងលើបានធ្វើដំណើរតាមបណ្តោយផ្លូវលេខ១០៨៦ ក្នុងទិសដៅពីលិចទៅកើត ឡើងមកផ្លូវលេខ៥៩៨ ក្នុងល្បឿនលឿន ។ ខណៈនោះស្រាប់តែរថយន្តបើកបោះពួយត្រង់ឆ្លងផ្លូវទៅបុកចូលលំនៅឋានលេខ១០២ និងរបងជាប់របងតែម្តង។ ភ្លាមៗអ្នកបើកបរបានចុះមកទាំងស្រវឹង និងគេចខ្លួនបាត់។
ដោយឡែកនៅវេលាយប់រំលងអធ្រាត្រឈានចូលថ្ងៃទី១៥ សីហា មានរថយន្តកាមរីបាឡែន ពណ៌ស្ករ មួយគ្រឿង ពាក់ស្លាកលេខ ភ្នំពេញ 2Q-8362 បានបើកបោះពួយត្រង់ទាំងកំរោលបុកចូលលំនៅឋានលក់សំបកកង់រថយន្តយីហោតាំងប៊ុនហាក់ ស្ថិតនៅផ្ទះលេខ២Eo មហាវិថីសេនាប្រមុខគីមអុីលស៊ុង ក្បែររង្វង់មូលទួលគោក សង្កាត់បឹងកក់ទី២ ខណ្ឌទួលគោក បណ្តាលឱ្យខូចខាតរបងដែក ទ្វារដែក រួមទាំងសម្ភារផ្សេងទៀតយ៉ាងធ្ងន់ធ្ងរ។ បន្ទាប់ពីបង្កការខូចខាតរថយន្តបានបើកគេចបាត់ ៕
ចែករំលែកព័តមាននេះ