ខេត្តកំពត ៖ មនុស្ស២នាក់ត្រូវស្លា.ប់យ៉ាងអាណោចអាធ័មក្រោមកង់រថយន្តក្នុងឧប្បត្តិហេតុគ្រោះថ្នាក់ចរាចរណ៍កាលពីវេលាម៉ោង៣និង១៥នាទីរសៀល ថ្ងៃទី១២ សីហា លើកំណាត់ផ្លូវជាតិលេខ៣១ ស្ថិតក្នុងភូមិប្រាល ឃុំតានី ស្រុកអង្គរជ័យ ។ ទាក់ទិននឹងគ្រោះថ្នាក់ដ៏រន្ធត់នោះគេបានដឹងថា រថយន្តពាក់ស្លាកលេខកំពត 3A-0286 ដឹកស្រូវ
ខេត្តកំពត ៖ មនុស្ស២នាក់ត្រូវស្លាប់យ៉ាងអាណោចអាធ័មក្រោមកង់រថយន្តក្នុងឧប្បត្តិហេតុគ្រោះថ្នាក់ចរាចរណ៍កាលពីវេលាម៉ោង៣និង១៥នាទីរសៀល ថ្ងៃទី១២ សីហា លើកំណាត់ផ្លូវជាតិលេខ៣១ ស្ថិតក្នុងភូមិប្រាល ឃុំតានី ស្រុកអង្គរជ័យ ។
ទាក់ទិននឹងគ្រោះថ្នាក់ដ៏រន្ធត់នោះគេបានដឹងថា រថយន្តពាក់ស្លាកលេខកំពត 3A-0286 ដឹកស្រូវ ហើយម៉ូតូម៉ាកឌ្រីម C125 ស៊េរីឆ្នាំ២០១១ ឌុបគ្នា២នាក់ បានបើកបញ្ច្រាស់ទិសគ្នាពីត្បូងទៅជើង ។ ម៉ូតូបានបើកវ៉ាម៉ូតូ១គ្រឿងទៀត ដោយទំនងជាប៉ះដៃចង្កូត ទើបម៉ូតូដែលយុវជនទាំង២នាក់ជិះរេចង្កូតទៅបុករថយន្តដឹកស្រូវ ដែលមកពីមុខ ហើយដួលបណ្តាលឱ្យរថយន្តកិនទាំង២នាក់ខ្ទេចក្បាលធ្លាយចេញខួរខ្ទាតរាយប៉ាយពេញដងផ្លូវជាតិធ្វើឱ្យមនុស្សម្នារាប់រយនាក់មកចោមរោមមើលយ៉ាងស្រៀវសាច់ ។
មន្ត្រីប៉ូលិសចរាចរស្រុកអង្គរជ័យ បានមកធ្វើការវាស់វែងនៅកន្លែងកើតហេតុ និងបានស្គាល់អត្តសញ្ញាណជនរងគ្រោះទាំង២នាក់ ម្នាក់ឈ្មោះ គង់ វាន់ធឿន ភេទប្រុស អាយុ២៦ឆ្នាំ នៅភូមិកាន់ទ្រង់ ឃុំតានី និងម្នាក់ទៀតឈ្មោះទុំ ចិត្រា ភេទប្រុស អាយុ២៩ឆ្នាំ នៅសង្កាត់ទន្លេ បាសាក់ ខណ្ឌចំការមន រាជធានីភ្នំពេញ ។ តាមប្រភពព័ត៌មាន យុវជនទុំ ចិត្រា ធ្វើដំណើរទៅចូលរួមមង្គលការសាច់ញាតិនៅភូមិប្រាល នាល្ងាចថ្ងៃទី១២ សីហា នោះដែរ តែមិនទាន់ដល់ផ្ទះការផង ក៏ជួបគ្រោះថ្នាក់បែបនេះតែម្តងទៅ ។ មន្ត្រីប៉ូលិសចរាចរដដែលបាននិយាយថា ចំណែកឯរថយន្តដឹកស្រូវចេញពីភូមិដំណាក់ទ្រព្យ ឃុំក្រាំងស្នាយ ស្រុកឈូក ទៅដាក់នៅផ្សារតន់ហន់ព្រំដែន ប្រទេសវៀតណាម ហើយពេលដែលរថយន្ត និងម៉ូតូប៉ះគ្នា គឺរថយន្តបានកិនក្បាលមនុស្សស្លាប់ទាំង២នាក់ ភ្លាមនោះអ្នកបើកបរបានរត់គេចខ្លួនបាត់ស្រមោល ៕
ចែករំលែកព័តមាននេះ