រាជធានីភ្នំពេញ ៖ ស្រ្តីផ្នែកគិតលុយនៃភោជនីយដ្ឋានខារ៉ាអូខេ ធានអានម៉ិន ដែលជួបគ្រោះអកុសលស្លា.ប់យ៉ាងអាណោចអាធ័មក្នុងអគ្គិភ័យមួយដែលបាន កើតឡើងកាលពីព្រឹកថ្ងៃទី១១ សីហា កន្លងមក ត្រូវបានក្រុមគ្រួសារយកសពមករៀបចំធ្វើបុណ្យកាលពីម្សិលមិញនៅព្រះ វិហារដំណឹងល្អព្រះយេស៊ូ ដែលមាន
រាជធានីភ្នំពេញ ៖ ស្រ្តីផ្នែកគិតលុយនៃភោជនីយដ្ឋានខារ៉ាអូខេ ធានអានម៉ិន ដែលជួបគ្រោះអកុសលស្លាប់យ៉ាងអាណោចអាធ័មក្នុងអគ្គិភ័យមួយដែលបានកើតឡើងកាលពីព្រឹកថ្ងៃទី១១ សីហា កន្លងមក ត្រូវបានក្រុមគ្រួសារយកសពមករៀបចំធ្វើបុណ្យកាលពីម្សិលមិញនៅព្រះវិហារដំណឹងល្អព្រះយេស៊ូ ដែលមានទីតាំងលេខ៧ ផ្លូវលេខ១៧៩ សង្កាត់ទំនប់ទឹក ខណ្ឌចំការមន រាជធានីភ្នំពេញ។
មុននេះតាមព័ត៌មានជំហានដំបូងបានរាយការណ៍ថា នាងជាស្ត្រីបម្រើខារ៉ាអូខេ តែការពិតនាងជាបុគ្គលិកផ្នែកគិតលុយក្នុងភោជនីយដ្ឋាន។ សាច់ញាតិជនរងគ្រោះបានរៀបរាប់ឲ្យដឹងថា ស្រ្តីផ្នែកគិតលុយនៅភោជនីយដ្ឋានខារ៉ាអូខេ យីហោធានអានម៉ិន ដែលបានស្លាប់ទាំងមិនអស់ចិត្តក្នុងហេតុការណ៍អគ្គិភ័យនោះឈ្មោះអ៊ុំ អូន អាយុ២៥ឆ្នាំ ស្នាក់នៅភូមិស្លែងរលើង សង្កាត់ទឹកថ្លា ខណ្ឌសែនសុខ នាងជាកូនទី២ក្នុងចំណោមបងប្អូនពីរនាក់ ។ ការស្លាប់របស់នាងអ៊ុំ អូន ធ្វើឲ្យក្រុមគ្រួសារមានមន្ទិលសង្ស័យនៅពេលប្រភពព័ត៌មានចេញផ្សាយថា នាងដេកក្នុងបន្ទប់ទឹកស្ត្រី ក៏ប៉ុន្តែតាមការអះអាងពីមិត្តភ័ក្តិរបស់នាងបានឱ្យដឹងថា មុនពេលនាងស្លាប់នាងបានទូរស័ព្ទហៅឲ្យគេជួយតែគ្មានអ្នកណាចេញមុខជួយភ្លាមៗនោះទេ ដោយសារភោជនីយដ្ឋាននោះត្រូវបានមេការចាក់សោពីក្រៅ។
បងស្រីបង្កើតរបស់ជនរងគ្រោះបាននិយាយទាំងទឹកមុខក្រៀមក្រំនៅមុខមឈូសដាក់សពប្អូនស្រីថា អ្វីដែលធ្វើឲ្យក្រុមគ្រួសារកើតមន្ទិលសង្ស័យនោះ គឺនាងអ៊ុំ អូន មិនមែនស្លាប់ដោយសារអគ្គិភ័យនោះទេ វាអាចជារឿងឃាតកម្មស្លាប់ហើយដុតបំផ្លាញវត្ថុតាង។ មិនដូច្នោះទេ ប្រាកដជាថៅកែភោជនីយដ្ឋានខារ៉ាអូខេ ធានអានម៉ិននោះ ចាត់តំណាងឱ្យមកចូលរួមបុណ្យសពនាងអ៊ុំអូន និងជួបសំណេះសំណាលជាមួយក្រុមគ្រួសារជនរងគ្រោះហើយនៅព្រឹកថ្ងៃទី១២ ខែសីហា ខណៈដែលសពនាងត្រូវបានតម្កល់ ធ្វើបុណ្យក្នុងព្រះវិហារដំណឹងល្អព្រះយេស៊ូនោះ។ ក្រុមគ្រួសារសពស្ត្រីរងគ្រោះបានស្នើសុំឲ្យលោកអភិបាលខណ្ឌដូនពេញ ក៏ដូចជាសមត្ថកិច្ចជំនាញមេត្តាជួយស្វែងរកយុត្តិធម៌ជូនដល់ព្រលឹងនាងអ៊ុំ អូនផង ដើម្បីឱ្យនាងស្លាប់ទៅបិទភ្នែកជិត ។
លោកសុខ សម្បត្តិ អភិបាលខណ្ឌដូនពេញ បានឲ្យកោះសន្តិភាពដឹងតាមទូរស័ព្ទកាលពីព្រឹកថ្ងៃទី១២ ខែសីហា ថា ក្រោយពីគ្រោះអគ្គិភ័យកើតឡើងបណ្តាលឱ្យមានមនុស្សស្លាប់ ទីតាំងភោជនីយដ្ឋានខារ៉ាអូខេយីហោធានអានមុិនត្រូវបានបិទបណ្តោះអាសន្នរង់ចាំបង្កើតគណៈកម្មការចម្រុះចុះពិនិត្យរកមូលហេតុ។ លោកអភិបាលខណ្ឌបានផ្តាំផ្ញើតាមរយៈកោះសន្តិភាពសុំឲ្យក្រុមគ្រួសារសពនាងអ៊ុំ អូន ទៅដាក់ពាក្យបណ្តឹងនៅអធិការដ្ឋាននគរបាលខណ្ឌដូនពេញ ។
សពនាងអ៊ុំ អូន នឹងត្រូវដង្ហែយកទៅបូជានៅវត្តសំបួរមាស ក្នុងខណ្ឌដង្កោ នាព្រឹកថ្ងៃទី១៣ សីហា នេះ៕
ចែករំលែកព័តមាននេះ