រាជធានីភ្នំពេញ ៖ រថយន្តក្រឡុកស៊ីម៉ង់ត៍មួយគ្រឿងបើកកិនម៉ូតូគុបពណ៌ទឹកប្រាក់ បណ្តាលឱ្យនិស្សិតស្រីជាអ្នកបើកម៉ូតូបាក់ជើងស្តាំគួរឱ្យសោកស្តាយកាលពីវេលាម៉ោង១០និង៣០នាទីព្រឹកថ្ងៃទី១២ សីហា ២០១១ តាមបណ្តោយផ្លូវលេខ១៩៨៦ សង្កាត់ភ្នំពេញថ្មី ខណ្ឌសែនសុខ ។…
រាជធានីភ្នំពេញ ៖ រថយន្តក្រឡុកស៊ីម៉ង់ត៍មួយគ្រឿងបើកកិនម៉ូតូគុបពណ៌ទឹកប្រាក់ បណ្តាលឱ្យនិស្សិតស្រីជាអ្នកបើកម៉ូតូបាក់ជើងស្តាំគួរឱ្យសោកស្តាយកាលពីវេលាម៉ោង១០និង៣០នាទីព្រឹកថ្ងៃទី១២ សីហា ២០១១ តាមបណ្តោយផ្លូវលេខ១៩៨៦ សង្កាត់ភ្នំពេញថ្មី ខណ្ឌសែនសុខ ។
យោងតាមសាក្សីដែលឃើញហេតុការណ៍នេះបានឱ្យដឹងថា មុនពេលកើតហេតុ គេបានឃើញរថយន្តក្រឡុកស៊ីម៉ង់ត៍មួយគ្រឿង ពាក់ស្លាកលេខ ភ្នំពេញ 5A-0237 បើកពីជើងទៅត្បូងចេញពីផ្លូវលំមួយ លុះដល់ផ្លូវ១៩៨៦ ក៏បានបត់ស្តាំ ជ្រុលកិនម៉ូតូមួយគ្រឿងម៉ាកគុប ពណ៌ទឹកប្រាក់ ពាក់ស្លាកលេខ កំពង់ឆ្នាំង 1A-5755បើកបរដោយនិស្សិតស្រីម្នាក់ អាយុប្រហែល២០ឆ្នាំ បណ្តាលឱ្យបាក់ជើងស្តាំត្រូវបានបញ្ជូនទៅសង្គ្រោះនៅមន្ទីរពេទ្យយ៉ាងប្រញាប់ប្រញាល់។
សមត្ថកិច្ចខណ្ឌសែនសុខ បានឱ្យដឹងថា រថយន្តក្រឡុកស៊ីម៉ង់ត៍កិនម៉ូតូនិស្សិតស្រីចូលពាក់កណ្តាលរថយន្តនេះ បណ្តាលមកពីរថយន្តនោះបែកកញ្ចក់ទ្វារខាងស្តាំ ហើយយកឈើមួយបន្ទះយកមកបាំង ដើម្បីកុំឱ្យក្តៅ ប៉ុន្តែបែរជាមើលក្រោយមិនឃើញ និងមើលចំហៀងក៏មិនឃើញ ទើបរថយន្តនេះបត់ស្តាំមិនឃើញម៉ូតូក៏ជ្រុលទៅកិនបែបនេះ៕
ចែករំលែកព័តមាននេះ