រាជធានីភ្នំពេញ ៖ កម្លាំងនគរបាលប៉ុស្តិ៍រដ្ឋបាលផ្សារថ្មីទី៣ បានឆ្មក់ចូលឃាត់ខ្លួនជនសង្ស័យប្រើប្រាស់ថ្នាំញៀនចំនួន៤នាក់ នៅចំណុចកាំជណ្តើរជាន់ទី៣ (ប្លុកតាន់ប៉ា) កែងផ្លូវលេខ១៥៤ និង៤៩ ស្ថិតក្នុងភូមិទី៦ សង្កាត់ផ្សារថ្មីទី៣ ខណ្ឌដូនពេញ កាលពីវេលាម៉ោង១០និង៣០នាទីព្រឹកថ្ងៃទី១១ សីហា ខណៈពេលជនទាំងនោះ
រាជធានីភ្នំពេញ ៖ កម្លាំងនគរបាលប៉ុស្តិ៍រដ្ឋបាលផ្សារថ្មីទី៣ បានឆ្មក់ចូលឃាត់ខ្លួនជនសង្ស័យប្រើប្រាស់ថ្នាំញៀនចំនួន៤នាក់ នៅចំណុចកាំជណ្តើរជាន់ទី៣ (ប្លុកតាន់ប៉ា) កែងផ្លូវលេខ១៥៤ និង៤៩ ស្ថិតក្នុងភូមិទី៦ សង្កាត់ផ្សារថ្មីទី៣ ខណ្ឌដូនពេញ កាលពីវេលាម៉ោង១០និង៣០នាទីព្រឹកថ្ងៃទី១១ សីហា ខណៈពេលជនទាំងនោះកំពុងប្រើប្រាស់ថ្នាំញៀន។
មន្ត្រីនគរបាលបានឱ្យដឹងថា នៅវេលាព្រឹកថ្ងៃទី១១ សីហា ២០១១ កម្លាំងនគរបាលប៉ុស្តិ៍ផ្សារថ្មីទី៣ បានជិះម៉ូតូល្បាតក្នុងមូលដ្ឋាន ហើយបានទទួលព័ត៌មានថា មានបុរស៤នាក់កំពុងប្រើប្រាស់ថ្នាំញៀននៅចំណុចខាងលើ ទើបសមត្ថកិច្ចនាំកម្លាំងចូលឆ្មក់ និងឃាត់ខ្លួនជនសង្ស័យ៤នាក់ រួមនឹងសម្ភារជក់ថ្នាំញៀនមួយចំនួន។
ជនសង្ស័យប្រើប្រាស់ថ្នាំញៀនដែលឃាត់ខ្លួន មាន១-ឈ្មោះលឹម អៀង ភេទប្រុស អាយុ២៩ឆ្នាំ ២-ឈ្មោះសុខ សាន ភេទប្រុស អាយុ២៦ឆ្នាំ ៣-ឈ្មោះទិត សុខ ភេទប្រុស អាយុ២០ឆ្នាំ និង៤-ឈ្មោះសុខ ភារ៉ា ភេទប្រុស អាយុ២៧ឆ្នាំ ។
ប្រជាពលរដ្ឋរស់នៅប្លុកតាន់ប៉ា បាននាំគ្នានិយាយថា ទោះបីជាឃើញកម្លាំងនគរបាលប៉ុស្តិ៍ផ្សារថ្មីទី៣ ចុះបង្ក្រាបការប្រើប្រាស់ថ្នាំញៀននៅចំណុចខាងលើជាញឹកញាប់ក៏ពិតមែន តែហាក់ដូចជាមិនបានកាត់បន្ថយនោះទេហើយជនដែលប្រើប្រាស់ថ្នាំញៀន និងត្រូវបានឃាត់ខ្លួនកន្លងមកមានមុខដដែលៗ ជាក់ស្តែងជនទាំង៤នាក់ខាងលើ ខ្លះធ្លាប់ត្រូវចាប់ខ្លួន យ៉ាងតិចក្នុងម្នាក់ៗ២ដង ទៅ៣ដងឯណោះ បញ្ហានេះសុំឱ្យសាលាខណ្ឌមេត្តាជួយមើលផង ៕
ចែករំលែកព័តមាននេះ