រាជធានីភ្នំពេញ ៖ ម៉ូតូវីវ៉ាបុកម៉ូតូកង់៣ បណ្តាលឱ្យម្ចាស់រងរបួសធ្ងន់ទាំងសងខាង ហើយត្រូវបញ្ជូនទៅសង្គ្រោះបន្ទាន់នៅមន្ទីរពេទ្យជាមួយគ្នា កាលពីវេលាម៉ោង៣និង៣០នាទីតាមបណ្តោយមហាវិថីសហព័ន្ធ រុស្ស៊ី សង្កាត់ទឹកថ្លា ខណ្ឌសែនសុខ មុខរោងចក្រមិថុនា។
រាជធានីភ្នំពេញ ៖ ម៉ូតូវីវ៉ាបុកម៉ូតូកង់៣ បណ្តាលឱ្យម្ចាស់រងរបួសធ្ងន់ទាំងសងខាង ហើយត្រូវបញ្ជូនទៅសង្គ្រោះបន្ទាន់នៅមន្ទីរពេទ្យជាមួយគ្នា កាលពីវេលាម៉ោង៣និង៣០នាទីតាមបណ្តោយមហាវិថីសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ មុខរោងចក្រមិថុនា។
សាក្សីឃើញហេតុការណ៍បានឱ្យដឹងថា មុនពេលកើតហេតុ មានម៉ូតូកង់៣មួយគ្រឿងជិះម្នាក់ឯងបើកបរពីកើតទៅលិច ក្នុងល្បឿនលឿនល្មម ស្រាប់តែជួបម៉ូតូវីវ៉ា ពណ៌ខ្មៅ ជិះម្នាក់ឯងដូចគ្នា បើកពីលិចទៅកើត (បញ្ច្រាសទិសគ្នាលឿនល្មមដូចគ្នា) ឆ្លងផ្លូវទៅបុកម៉ូតូកង់៣ ចំអ្នកបើកបរបណ្តាលឱ្យខ្ទាតចេញពីម៉ូតូប្រហែល៥ម៉ែត្រ ហើយម្ចាស់ម៉ូតូវីវ៉ាខ្ទាតដូចគ្នា។
ម្ចាស់ម៉ូតូទាំងសងខាងរងរបួសធ្ងន់ដូចគ្នាត្រូវបញ្ជូនទៅសង្គ្រោះបន្ទាន់នៅឯគ្លីនិកទួលគោក (កន្លែងកាប់ឆៅ) ។ ប៉ូលិសចរាចរបានឱ្យដឹងថា គ្រោះថ្នាក់នេះបណ្តាលមកពីម៉ូតូទាំងសងខាងបើកបរលឿនដូចគ្នា ហើយខ្វះការប្រុងប្រយ័ត្ន ទើបបណ្តាលឱ្យរងរបួសបែបនេះ ។ តែម៉ូតូវិវ៉ាជាអ្នកខុស ព្រោះម៉ូតូវីវ៉ាជាអ្នកឆ្លងផ្លូវទៅបុកម៉ូតូកង់៣។
ប៉ូលិសនិយាយទៀតថា ម៉ូតូកង់៣ ពណ៌ក្រហម ពាក់ស្លាកលេខ ភ្នំពេញ 1M-9134 បើកបរដោយបុរសម្នាក់ឈ្មោះរឿន សាវុន ជាអ្នករត់ម៉ូតូកង់៣ ស្នាក់នៅផ្ទះជួល ភូមិបឹងឈូក សង្កាត់គីឡូម៉ែត្រលេខ៦ ខណ្ឌឫស្សីកែវ ។ ឯម៉ូតូវីវ៉ា ពណ៌ខ្មៅ ពាក់ស្លាកលេខ ២៥០៧ ភព១ បើកបរដោយបុរសម្នាក់មិនទាន់ស្គាល់អត្តសញ្ញាណ។ ជនរងគ្រោះទាំង២នាក់ត្រូវបានបញ្ជូនទៅសង្គ្រោះបន្ទាន់នៅគ្លីនិកទួលគោក ហើយម៉ូតូទាំង២គ្រឿង ត្រូវសមត្ថកិច្ចយកទៅរក្សាទុកនៅអធិការដ្ឋានខណ្ឌសែនសុខ រង់ចាំធ្វើការដោះស្រាយ ៕
ចែករំលែកព័តមាននេះ