ខេត្តកំពង់ចាម ៖ លោកស្រីចៅក្រមទិត សុទ្ធី បូរ៉ាលក្ខ័ណ បានចេញដីកាឃុំខ្លួនឈ្មោះយ៉ៃ ប៊ុន ធឿន ភេទប្រុស អាយុ១៨ឆ្នាំ រស់នៅឃុំគគីរ ស្រុកមេមត់ នៅថ្ងៃទី១០ សីហា ដោយចោទប្រកាន់ពីបទប្រទូស្តកេរ្តិ៍ខ្មាសលើស្ត្រីម្នាក់ អាយុ២៨ឆ្នាំ នៅឃុំកំពាន់ ស្រុកមេមត់ ។ ទោះបីជាបែបណា ជនជាប់ចោទត្រូវបាននាំទៅឃុំខ្លួន
ខេត្តកំពង់ចាម ៖ លោកស្រីចៅក្រមទិត សុទ្ធី បូរ៉ាលក្ខ័ណ បានចេញដីកាឃុំខ្លួនឈ្មោះយ៉ៃ ប៊ុន ធឿន ភេទប្រុស អាយុ១៨ឆ្នាំ រស់នៅឃុំគគីរ ស្រុកមេមត់ នៅថ្ងៃទី១០ សីហា ដោយចោទប្រកាន់ពីបទប្រទូស្តកេរ្តិ៍ខ្មាសលើស្ត្រីម្នាក់ អាយុ២៨ឆ្នាំ នៅឃុំកំពាន់ ស្រុកមេមត់ ។ ទោះបីជាបែបណា ជនជាប់ចោទត្រូវបាននាំទៅឃុំខ្លួននៅពន្ធនាគារខេត្ត ដើម្បីរង់ចាំការវិនិច្ឆ័យទោសជាក្រោយ។
តាមព័ត៌មានពីលោកវរសេនីយ៍ត្រីឯម កុសល អធិការនគរបាលស្រុកមេមត់ បានប្រាប់ឱ្យកោះសន្តិភាពដឹងថា នៅម៉ោង៨ព្រឹកថ្ងៃទី៧ សីហា ស្ត្រីឈ្មោះ «យ.ល.ព» អាយុ២៨ឆ្នាំ បានជិះម៉ូតូ១គ្រឿងចេញពីផ្ទះតែម្នាក់ឯង ដើម្បីទៅទិញម្ហូបនៅផ្សារមេមត់ ស្របពេលដែលជិះបានចម្ងាយប្រហែលជាង១គីឡូម៉ែត្រ ពីផ្ទះបានឈឺពោះបត់ជើងក៏ឈប់ម៉ូតូចូលទៅបត់ជើង នៅក្នុងចំការកៅស៊ូ ដែលមានចម្ងាយប្រហែលជា៥ម៉ែត្រពីថ្នល់។ ប្រភពបន្តថា ស្របពេលដែលកំពុងតែអង្គុយបត់ជើងនោះ ស្រាប់តែយុវជនឈ្មោះប៊ុនធឿន ហៅក្បឿង ដែលកំពុងតែដើររកអុសមែកកៅស៊ូនៅក្បែរនោះឃើញ ក៏មានអារម្មណ៍ផ្លូវភេទ បានដើរលបៗមកចាប់ដៃ តែត្រូវបានស្ត្រីនោះរើបម្រះរួច។ ជាសំណាងល្អក៏មានម៉ូតូ១គ្រឿងជិះកាត់តាមនោះ ធ្វើឱ្យយុវជនស្ទាវភ័យស្លន់ស្លោរត់ទៅពួននៅ ក្នុងចំការកៅស៊ូក្បែរនោះបាត់ទៅ ។
ស្ត្រីដែលក្មេងស្ទាវប៉ងចាប់រំលោភនោះបានយកទូរស័ព្ទមកនិយាយហៅប្តីរបស់នាង ឱ្យមកកាន់កន្លែងកើតហេតុជាបន្ទាន់ ខណៈពេលប្តីមកដល់មានគ្នាចំនួន២នាក់ និងបានទូរស័ព្ទប្តឹងនគរបាលប៉ុស្តិ៍រដ្ឋបាលឃុំកំពាន់ ដើម្បីឱ្យជួយអន្តរាគមន៍។ ភ្លាមនោះ ប្តីស្ត្រីរងគ្រោះតាមរុករក១សន្ទុះក៏បានប្រទះឃើញជនសង្ស័យឈ្មោះក្បឿង ក៏ចាប់មកកាន់អធិការដ្ឋាននគរបាលស្រុកមេមត់។
នៅចំពោះមុខសមត្ថកិច្ច ឈ្មោះប៊ុនធឿន ឆ្លើយសារភាពថា នៅព្រឹកព្រលឹមថ្ងៃទី៧ សីហា ២០១១ រូបគេត្រូវម្តាយប្រើឱ្យមករកអុសនៅក្នុងចំការកៅស៊ូតែម្នាក់ឯង ដោយបានជិះកង់១គ្រឿងរកបានអុស១បាច់ត្រៀមដឹកយកទៅផ្ទះ ។ បន្ទាប់មកស្រាប់តែបានឃើញម៉ូតូ១គ្រឿងជិះមកដល់ឈប់នៅអែបនឹងចិញ្ចើមថ្នល់ដោយមានស្រ្តីម្នាក់បានដើរចូលមកបត់ជើងធំ ហើយរូបគេបានពួនមើលនៅអែបនឹងដើមកៅស៊ូ ក៏មានអារម្មណ៍ផ្លូវភេទ។ ហេតុតែទ្រាំមិនបានក៏ដើរសំដៅទៅរកស្រ្តីនោះ ព្រមទាំងបានចាប់ដៃជាប់តែត្រូវបានស្រ្តីនោះរើបម្រះរួច។ គាប់ជួនពេលនោះមានម៉ូតូ១គ្រឿងបើកកាត់រូបគេបានរត់ទៅពួននៅក្នុងចំការកៅស៊ូតែត្រូវបានប្តីរបស់ស្ត្រីរងគ្រោះ ដេញតាមចាប់ប្រគល់ឱ្យសមត្ថកិច្ចតែម្តង ។
លោកឌឹម ហួរ នគរបាលយុត្តិធម៌មេមត់ បានបញ្ជាក់ថា ពេលកន្លងមកយុវជននេះធ្លាប់បានប្រព្រឹត្តនូវសកម្មភាពស្រដៀងគ្នានេះ ដោយគ្រាន់តែប៉ះដៃជើងចំនួន២លើកមកហើយ តែមិនត្រូវបានគេប្តឹងនោះទេ៕
ចែករំលែកព័តមាននេះ