ខេត្តស្ទឹងត្រែង ៖ បុរសម្នាក់បានស្លា.ប់ក្នុងថ្លុកឈាមនៅនឹងកន្លែងកើតហេតុ ខណៈពេលអង្គុយផឹកស្រាឃើញម្ចាស់ហាងឈ្លោះគ្នាតឹងសរសៃកក៏ទៅឃាត់ ក្រោយពេលស្ងាត់ជម្លោះក៏ទៅបត់ជើងតូចត្រូវជនដៃដល់ម្នាក់ជាភាគី ជម្លោះជាមួយម្ចាស់ហាងវាយនឹងឈើជ្រុងរហូតដល់ស្លា.ប់ពេលបញ្ជូនដល់ មន្ទីរពេទ្យ។ ហេតុការណ៍
ខេត្តស្ទឹងត្រែង ៖ បុរសម្នាក់បានស្លាប់ក្នុងថ្លុកឈាមនៅនឹងកន្លែងកើតហេតុ ខណៈពេលអង្គុយផឹកស្រាឃើញម្ចាស់ហាងឈ្លោះគ្នាតឹងសរសៃកក៏ទៅឃាត់ ក្រោយពេលស្ងាត់ជម្លោះក៏ទៅបត់ជើងតូចត្រូវជនដៃដល់ម្នាក់ជាភាគីជម្លោះជាមួយម្ចាស់ហាងវាយនឹងឈើជ្រុងរហូតដល់ស្លាប់ពេលបញ្ជូនដល់មន្ទីរពេទ្យ។ ហេតុការណ៍នេះបានកើតឡើងកាលពីវេលាម៉ោង៨ និង៣០នាទីយប់ថ្ងៃទី៩ សីហា ក្នុងភូមិអូរលាងក្រួស ឃុំក្បាលរមាស ស្រុកសេសាន ។
លោកឈុន សុភាព មន្ត្រីប៉ូលិសប៉ុស្តិ៍ឃុំក្បាលរមាសបានឱ្យកោះសន្តិភាពដឹងថា ជនរងគ្រោះឈ្មោះយ៉ាន់ វណ្ណ អាយុ៣៨ឆ្នាំ មានស្រុកកំណើតនៅរាជធានីភ្នំពេញ បច្ចុប្បន្នស្នាក់នៅ និងធ្វើការជាកម្មករក្នុងក្រុមហ៊ុនសុភ័ក្រលិការ ស្ថិតក្នុងភូមិច្រប់ ឃុំក្បាលរមាស ស្រុកសេសាន ត្រូវជនដៃដល់ឈ្មោះបន សុវណ្ណ អាយុ២២ឆ្នាំ រស់នៅភូមិ-ឃុំកើតហេតុខាងលើ វាយនឹងឈើជ្រុងចំកញ្ចឹងកពីក្រោយ និងក្បាលបណ្តាលឱ្យស្លាប់ ។
អ្នកឃើញហេតុការណ៍បាននិយាយថា មុនពេលកើតហេតុម្ចាស់ហាងមានជម្លោះជាមួយជនដៃដល់ ហើយជនរងគ្រោះក៏ទៅជួយឃាត់ក្រោយពេលជម្លោះនោះបានស្ងប់ស្ងាត់ ជនរងគ្រោះនៅបន្តផឹកស្រាក្នុងផ្ទះម្ចាស់ហាងដដែល។ លុះពេលទៅបត់ជើងតូចនៅទីងងឹតចម្ងាយពីកន្លែងផឹកប្រមាណជាជាង៦ម៉ែត្រ ក៏ត្រូវជនដៃដល់លបវាយពីក្រោយបណ្តាលឱ្យដួលដេកស្តូកស្តឹងនៅនឹងកន្លែង ។ ក្រោយពេលវាយជនរងគ្រោះឱ្យដួលដេកហើយនោះ ជនដៃដល់បានចោលដំបងប្រវែង៦តឹកនៅនឹងកន្លែងរួចរត់គេចខ្លួនបាត់ ។ ចំណែកជនរងគ្រោះត្រូវបានគេដឹកយកមកមណ្ឌលសុខភាពឃុំក្បាលរមាស តែដោយរបួសធ្ងន់ធ្ងរពេក ក៏ត្រូវគេបញ្ជូនបន្តទៅកាន់មន្ទីរពេទ្យបង្អែកខេត្ត ហើយក៏ស្លាប់ទៅ ។
បច្ចុប្បន្នសពជនរងគ្រោះបាននិងកំពុងរក្សាទុកក្នុងសាលនៃមន្ទីរពេទ្យរង់ចាំក្រុមគ្រួសារមកទទួលយកទៅធ្វើបុណ្យ ចំណែកជនដៃដល់សមត្ថកិច្ចកំពុងតាមប្រមាញ់ ដើម្បីចាប់ខ្លួនយកមកផ្តន្ទាទោស ៕
ចែករំលែកព័តមាននេះ