ខេត្តមណ្ឌលគិរី ៖ ប្រជាពលរដ្ឋជាជនជាតិដើមភាគតិចរស់នៅឃុំដាក់ដាំ ស្រុកអូររាំង បានអំពាវនាវដល់អាជ្ញាធរឱ្យជួយពិនិត្យមើលការជីករុករករ៉ែរបស់ ក្រុមហ៊ុនមិនគោរពតាមកិច្ចសន្យាដែលបានធ្វើជាមួយប្រជាពល រដ្ឋរួចមកហើយនោះ ។ តាមប្រភពពីប្រជាសហគមន៍បានឱ្យដឹងថា សព្វថ្ងៃនេះក្រុមហ៊ុនរុករករ៉ែមួយចំនួនកំពុងធ្វើ
ខេត្តមណ្ឌលគិរី ៖ ប្រជាពលរដ្ឋជាជនជាតិដើមភាគតិចរស់នៅឃុំដាក់ដាំ ស្រុកអូររាំង បានអំពាវនាវដល់អាជ្ញាធរឱ្យជួយពិនិត្យមើលការជីករុករករ៉ែរបស់ក្រុមហ៊ុនមិនគោរពតាមកិច្ចសន្យាដែលបានធ្វើជាមួយប្រជាពលរដ្ឋរួចមកហើយនោះ ។
តាមប្រភពពីប្រជាសហគមន៍បានឱ្យដឹងថា សព្វថ្ងៃនេះក្រុមហ៊ុនរុករករ៉ែមួយចំនួនកំពុងធ្វើខុសកិច្ចសន្យា ដោយពួកគេធ្លាប់សន្យាថា មិនធ្វើឱ្យប៉ះពាល់ដល់ប្រជាពលរដ្ឋទេ គឺមិនជីកក្នុងតំបន់ព្រៃត្រណម ព្រៃកប់សព ដីចម្ការ ដីភូមិក្បែរផ្ទះទេ ហើយបើជីករួចត្រូវលុបវិញឱ្យបានត្រឹមត្រូវ។ ប្រជាពលរដ្ឋបានចោទថា ប៉ុន្តែខាងក្រុមហ៊ុនមិនបានធ្វើអ្វីតាមការសន្យានោះទេ គឺពួកគេនាំគ្នាជីកនៅកន្លែងដែលអ្នកភូមិមិនឱ្យជីក និងជីករួចមិនទាំងបានលុបវិញឱ្យត្រឹមត្រូវ
ឡើយ ។ អ្នកស្រុកអះអាងថា កន្លងមកក៏ធ្លាប់មានរួចមកហើយ ដូចជាអ្នកភូមិតែងដើរធ្លាក់ក្នុងរណ្តៅ ។
ប្រជាពលរដ្ឋបានឱ្យដឹងទៀតថា ក្រុមហ៊ុនដែលតែងតែមកជីកនៅក្បែរៗភូមិមានក្រុមហ៊ុនចិន CIIDG ហើយរណ្តៅដែលគេជីកនោះមានមាត់លើទំហំ៨តឹក បណ្តោយ១ម៉ែត្រ និងជម្រៅចាប់ពី៨ម៉ែត្រឡើងទៅ ។ ពួកគាត់មិនចង់បានអ្វីពីក្រុមហ៊ុននោះទេ គឺគ្រាន់តែចង់ឱ្យក្រុមហ៊ុន មុនពេលធ្វើអ្វីត្រូវសិក្សាពីផលប៉ះពាល់ដល់ប្រជាពលរដ្ឋផង ។
លោកកង ពិសិដ្ឋ ប្រធានមន្ទីរឧស្សាហកម្ម រ៉ែ និងថាមពលខេត្តបានថ្លែងថា រាល់ក្រុមហ៊ុនដែលចុះសិក្សាស្រាវជ្រាវមិនត្រូវធ្វើឱ្យប៉ះពាល់ដល់ប្រជាពលរដ្ឋឡើយ ហើយបើសិនជាមានការខូចខាតអ្វីមួយត្រូវគិតជាសំណងឱ្យបានត្រឹមត្រូវដល់ប្រជាពលរដ្ឋ ៕
ចែករំលែកព័តមាននេះ