ការស្វែងរកទិញគេហដ្ឋានដែលល្អ និងប្រកបដោយផាសុកភាពទៅតាមបំណងប្រាថ្នាគឺជាបញ្ហាដ៏ពិបាកមួយសម្រាប់លោកអ្នក។ ខាងក្រោមនេះគឺជាគន្លឹះមួយចំនួនដែលលោកអ្នកគួរស្វែងយល់ ៖
១-ទិញគេហដ្ឋានទៅតាមបំណងប្រាថ្នា
លោក Ismail និយាយថា ដំបូងអ្នកទិញ ត្រូវតែប្រាកដថា គេហដ្ឋានបែបណាដែលលោក អ្នកកំពុងស្វែងរកទិញ និងទីកន្លែងណាដែលចង់រស់នៅ ហើយមានតម្លៃសមរម្យទៅនឹងការគ្រោងទុក ។ ជាពិសេស អ្នកទិញត្រូវតែប្រុងប្រយ័ត្នខ្ពស់ទៅលើតម្លៃទីផ្សារអចនទ្រព្យនៅពេលចាប់ផ្តើមវាយតម្លៃ ។ ប្រសិនបើទិញអចលនទ្រព្យនោះក្នុងតម្លៃខ្ពស់ លោកអ្នកប្រឈមនឹងការខាតបង់ថវិកាច្រើននៅពេលតម្លៃទីផ្សារធ្លាក់ចុះ។
២-កុំរួញរាក្នុងការពិភាក្សាលើតម្លៃ
នៅក្នុងចំណុចនេះ អ្នកទិញត្រូវតែចរចាគ្នាចំពោះតម្លៃចាំបាច់ នៅពេលដែលយើងដឹងថា អ្នកលក់ត្រូវការលក់អចលនទ្រព្យរបស់គាត់ប្រញាប់ តែយើងត្រូវមានហេតុផល និងពិនិត្យពីទីតាំងដែលយើងកំពុងស្វែងរកទិញ ។
៣-ទិញសម្រាប់រស់នៅ ឬក៏ទិញសម្រាប់ជួលធ្វើអាជីវកម្ម?
លោក Ismail និយាយថា ត្រូវពិចារណាមុនពេលអ្នកទិញអចលនទ្រព្យ ប្រសិនបើអ្នកមានបំណងទិញអចលនទ្រព្យសម្រាប់ធ្វើអាជីវកម្ម ទីតាំងគឺមានសារសំខាន់ជាងអាជ្ញាយុកាលអចលនទ្រព្យ។ ជាងនេះទៅទៀត តម្លៃអចលនទ្រព្យសម្រាប់រស់នៅ និងសម្រាប់ជួលធ្វើអាជីវកម្ម ដែលមានទីតាំងក្នុងតំបន់ដូចគ្នានោះ គឺវាមិនខុសគ្នាប៉ុន្មានទេ តែប្រសិនបើអ្នកមានគម្រោងជួលអចលនទ្រព្យ អ្នកនឹងទទួលបានអត្ថប្រយោជន៍ច្រើន ។ ផ្ទុយទៅវិញ ប្រសិនបើអ្នកទិញជ្រើសរើសអចលនទ្រព្យសម្រាប់រស់នៅ យូរអង្វែង លោកអ្នកត្រូវពិចារណាឱ្យបានដិតដល់ និងសួរព័ត៌មានលំអិតពីអាជ្ញាយុកាលនៃអចលនទ្រព្យដើម្បីជៀសវាងអចលនទ្រព្យនោះជាប់ក្នុងកិច្ចសន្យា ឬកុងត្រាក្នុងរយៈកំណត់មួយដែលលោកអ្នកមិនអាចទទួលយកបាន ។
ទោះបីជាយ៉ាងណា នៅក្នុងជម្រើសនៃការទិញអចលនទ្រព្យនេះ លោក Ismail បានបញ្ជាក់ថា អចលនទ្រព្យសម្រាប់ការរស់នៅ នឹងផ្តល់នូវដើមទុនដ៏ប្រសើរបំផុតនៅថ្ងៃអនាគត ។
៤-គិតពិចារណាឱ្យបានស៊ីជម្រៅ មុនពេលសម្រេចជាចុងក្រោយលើកម្ចីទិញផ្ទះ
ត្រូវប្រាកដថា អ្នកបានយល់ពីលក្ខន្តិកៈនៃការងារប្រាក់កម្ចី មុនពេលអ្នកសម្រេចចិត្តជ្រើសរើសយកវិធីនេះដើម្បីទិញអចលនទ្រព្យ។ ចូរពិនិត្យលើច្បាប់ផាកពិន័យ និងតម្លៃការប្រាក់ ហើយអានឱ្យបានលម្អិតនៅលើកិច្ចសន្យា៕
ចែករំលែកព័តមាននេះ