រាជធានីភ្នំពេញ ៖ នៅទីស្តីការក្រសួងទេសចរណ៍កាលពីថ្ងៃទី១០ សីហា មានរៀបចំពិធីបិទសិក្ខាសាលាផ្សព្វផ្សាយការហាមជក់បារីនៅ កន្លែងធ្វើការ និងមូលដ្ឋានអាជីវកម្មទេសចរណ៍ ក្រោមអធិបតីភាពលោកហា សារុន អនុរដ្ឋលេខាធិការក្រសួងទេសចរណ៍។ លោកហោ សារុន បានថ្លែងថា ដោយមានការសហការយ៉ាង
រាជធានីភ្នំពេញ ៖ នៅទីស្តីការក្រសួងទេសចរណ៍កាលពីថ្ងៃទី១០ សីហា មានរៀបចំពិធីបិទសិក្ខាសាលាផ្សព្វផ្សាយការហាមជក់បារីនៅកន្លែងធ្វើការ និងមូលដ្ឋានអាជីវកម្មទេសចរណ៍ ក្រោមអធិបតីភាពលោកហា សារុន អនុរដ្ឋលេខាធិការក្រសួងទេសចរណ៍។
លោកហោ សារុន បានថ្លែងថា ដោយមានការសហការយ៉ាងជិតស្និទ្ធ និងការជួយទ្រទ្រង់ឧបត្ថម្ភពីអង្គភាពអាដ្រា កម្ពុជា កាលពីថ្ងៃទី១៣-១៥ ឧសភា ឆ្នាំ២០១១ កន្លងទៅនេះ ក្រសួងទេសចរណ៍បានបើកវគ្គបណ្តុះបណ្តាលស្តីពីអ្នកប្រឹក្សាយោបល់ឈប់ជក់បារី ជូនដល់មន្ត្រីនាយកដ្ឋាន មន្ទីរទេសចរណ៍រាជធានី-ខេត្ត ទាំង២៤ និងបានប្រកាសក្រសួង មន្ទីរជាកន្លែងធ្វើការដែលគ្មានផ្សែងបារី ព្រមទាំងបានលើកផ្ទាំងប៉ាណូ បិទរូបភាពនានា ស្តីពីការហាមឃាត់ការជក់បារី និងរូបភាពអប់រំស្តីពីថ្នាំជក់ចាប់ពីពេលនោះមក។
ដើម្បីឱ្យសេចក្តីណែនាំនេះអនុវត្តទៅបានប្រកបដោយជោគជ័យ លោកអនុរដ្ឋលេខាធិការបានសំណូមពរដល់ម្ចាស់មូលដ្ឋានអាជីវកម្មទេសចរណ៍ដូចខាងក្រោម ៖
១-ជួយផ្សព្វផ្សាយបន្ថែមអំពីសេចក្តីណែនាំ ស្តីពីការហាមឃាត់ការជក់បារីរបស់ក្រសួងទេសចរណ៍ដល់មូលដ្ឋានអាជីវកម្មទេសចរណ៍ ។
៣-ធ្វើការបិទ ស្ទីកគ័រ ឬរូបភាពផ្សព្វផ្សាយស្តីពីការហាមជក់បារី និងរូបភាពអប់រំស្តីពីថ្នាំជក់ ឬសុខភាព នៅតាមសណ្ឋាគារ ផ្ទះសំណាក់ ភោជនីយដ្ឋាន កន្លែងកម្សាន្តនានា មធ្យោបាយដឹកជញ្ជូនទេសចរណ៍ ទីភ្នាក់ងារទេសចរណ៍…ឱ្យបានទូលាយចាប់ពីពេលនេះតទៅ។
៤-ស្នើមន្ទីរទេសចរណ៍រាជធានីភ្នំពេញ ការិយាល័យទេសចរណ៍ខណ្ឌ ជួយបន្តធ្វើការអប់រំផ្សព្វផ្សាយ និងសហការឱ្យបានជិតស្និទ្ធជាមួយមូលដ្ឋានអាជីវកម្មទេសចរណ៍ ដើម្បីរួមគ្នាលើកកម្ពស់មូលដ្ឋានអាជីវកម្មរបស់ខ្លួនជាតំបន់គ្មានផ្សែងបារី។
លោកស៊ិន សត្ថា តំណាងអង្គការអាដ្រាកម្ពុជា បានថ្លែងថា កន្លងមក អង្គការអាដ្រាកម្ពុជា មានកិច្ចសហការជាមួយគ្រឹះស្ថានអប់រំផ្សេងៗ ស្ថាប័ននានា និងក្រសួងជាច្រើនទៀតក្នុងការចេញសារាចរ ស្តីពីការអនុវត្តការហាមឃាត់ការជក់បារីនៅកន្លែងធ្វើការ និងការប្រកាសជាតំបន់គ្មានផ្សែងបារី និងធ្វើយុទ្ធនាការត្រួតពិនិត្យថ្នាំជក់នៅក្នុងប្រទេសកម្ពុជា ដែលជាពិសេសថ្មីៗនេះ គឺមានក្រសួងធម្មការ និងសាសនា ក្រសួងសង្គមកិច្ច អតីតយុទ្ធជន និងយុវនីតិសម្បទា ក្រសួងអភិវឌ្ឍន៍ជនបទ អាជ្ញាធរអប្សរានៅខេត្តសៀមរាប និងស្ថាប័នរដ្ឋសភាជាដើម ។ ចំណែកស្ថាប័នព្រឹទ្ធសភា ក៏នឹងប្រកាសជាកន្លែងធ្វើការគ្មានផ្សែងបារីនៅពេលឆាប់ៗខាងមុខនេះផងដែរ ដែលសបញ្ជាក់ឱ្យឃើញថា យើងកំពុងតែខិតខំរួមគ្នាប្រឹងប្រែងជួយក្នុងកិច្ចការងារត្រួតពិនិត្យថ្នាំជក់នៅក្នុងប្រទេសយើង។
ក្នុងវិស័យសុខភាពសាធារណៈ ថ្នាំជក់គឺជាឃាតកលាក់មុខមួយ ដែលពិភពលោកកំពុងតែយកចិត្តទុកដាក់ ខិតខំប្រឹងប្រែងយ៉ាងខ្លាំង ដើម្បីធ្វើការទប់ស្កាត់ ពីព្រោះវាមិនមែនប៉ះពាល់ចំពោះតែអ្នកជក់ផ្ទាល់ប៉ុណ្ណោះទេ ប៉ុន្តែវាប៉ះពាល់ដល់អ្នកនៅជុំវិញខ្លួន ជាពិសេសកុមារដែលជាធនធានយ៉ាងសំខាន់ក្នុងការអភិវឌ្ឍប្រទេសជាតិទៅថ្ងៃអនាគត។ មិនតែប៉ុណ្ណោះ ថ្នាំជក់ថែមទាំងប៉ះពាល់ដល់បរិស្ថាន សេដ្ឋកិច្ច និងប្រទេសជាតិទាំងមូលផងដែរ ៕
ចែករំលែកព័តមាននេះ