ខេត្តព្រះសីហនុ ៖ ប្រជាពលរដ្ឋប្រមាណជាង១០០នាក់ បានជួបជុំគ្នាធ្វើការតវ៉ាបិទផ្លូវជាតិលេខ៤ កាលពីវេលាម៉ោង៨ព្រឹកថ្ងៃព្រហស្បតិ៍ ទី១១ សីហា ២០១១ នៅភូមិ២ សង្កាត់លេខ១ ក្រុងព្រះសីហនុ ខាងកើតផ្សារឃ្លាំងលើ ក្បែរសាលាបឋមសិក្សា-អនុវិទ្យាល័យហ៊ុន សែន ឃ្លាំងលើ ប្រយោជន៍ដើម្បីទាមទារឱ្យអាជ្ញាធរធ្វើ
ខេត្តព្រះសីហនុ ៖ ប្រជាពលរដ្ឋប្រមាណជាង១០០នាក់ បានជួបជុំគ្នាធ្វើការតវ៉ាបិទផ្លូវជាតិលេខ៤ កាលពីវេលាម៉ោង៨ព្រឹកថ្ងៃព្រហស្បតិ៍ ទី១១ សីហា ២០១១ នៅភូមិ២ សង្កាត់លេខ១ ក្រុងព្រះសីហនុ ខាងកើតផ្សារឃ្លាំងលើ ក្បែរសាលាបឋមសិក្សា-អនុវិទ្យាល័យហ៊ុន សែន ឃ្លាំងលើ ប្រយោជន៍ដើម្បីទាមទារឱ្យអាជ្ញាធរធ្វើប័ណ្ណកម្មសិទ្ធិលើដីធ្លីដែលពួកគាត់ធ្លាប់រស់នៅទំហំប៉ុនណា គឺធ្វើប៉ុណ្ណឹង ចំណែកផ្ទៃដីទំហំ៤ម៉ែត្រគុណនឹង២២ម៉ែត្រ ដែលអាជ្ញាធរប្រគល់ឱ្យក្នុង១គ្រួសារ ស្ថិតនៅភូមិព្រែកទប់ សង្កាត់លេខ៣ ខេត្តព្រះសីហនុ នោះ គឺពួកគាត់ មិនព្រមទទួលទេ។
នៅកន្លែងតវ៉ាគេឃើញប្រជាពលរដ្ឋអ៊ូអរកកកុញ ពេញលើផ្លូវជាតិលេខ៤ បង្កឱ្យចរាចរណ៍កកស្ទះជាង២ម៉ោង ហើយមិនទាន់បានទម្លាយ ឬបើកផ្លូវនៅឡើយ ចំណែកមន្ត្រីសាលាខេត្តព្រះសីហនុ កំពុងតែព្យាយាមសម្របសម្រួល សុំឱ្យប្រជាពលរដ្ឋជាង១០០នាក់នេះ បើកផ្លូវឱ្យយាន-យន្តធ្វើដំណើរជាប្រក្រតីសិន រីឯដំណោះស្រាយបញ្ហាដីធ្លីកម្មសិទ្ធិរង់ចាំពិភាក្សាដោះស្រាយនៅសាលាខេត្តនាពេលក្រោយ។
សូមបញ្ជាក់ថា អ្នកភូមិតំបន់ព្រែកទប់ សង្កាត់លេខ៣ ក្រុងព្រះសីហនុ ត្រូវបានអាជ្ញាធរតម្រូវឱ្យរុះរើផ្ទះសម្បែងចេញពីមាត់ទឹកចម្ងាយ១០០ម៉ែត្រ ដើម្បីអាជ្ញាធររៀបចំបរិស្ថានឱ្យល្អប្រសើរនៅរង្វង់ជុំវិញផ្ទៃបឹង និងឈានទៅប្រែក្លាយព្រែកទប់នេះ ជាតំបន់រមណីយដ្ឋានប្រណីតមួយទាក់ទាញភ្ញៀវទេសចរជាតិ-អន្តរជាតិ រកចំណូលថវិការដ្ឋ។ ចំណែកប្រជាពលរដ្ឋមិនព្រមចាកចេញទៅតាមចម្ងាយ១០០ម៉ែត្រនោះទេ គឺសុំត្រឹម២០ម៉ែត្រ ពីមាត់បឹង ព្រោះទីនោះពួកគាត់រស់នៅយូរយារមកហើយ ម្នាក់ៗតចៅទៅហើយ ៕
ចែករំលែកព័តមាននេះ