សង្គ្រាមអ៊ុយក្រែន-រុស្ស៊ី ៖ នៅមុខបណ្ដាបេក្ខជនសភានៃគណបក្សរុស្ស៊ីរួបរួមរបស់លោកប្រធានាធិបតីរុស្ស៊ី លោកវ្ល៉ាឌីមៀរ
ពូទីន កាលពីថ្ងៃទី២២ សីហា ដំបូងបានស្វែងរកពង្រឹងកងទ័ពលោក ។ លោកថា ការបោះឆ្នោតសភាដែលគ្រោងធ្វើក្នុងខែកញ្ញា នឹងបញ្ជាក់ពីឆន្ទៈរបស់ពលរដ្ឋរុស្ស៊ីច្រើនលាននាក់ ធានាអធិបតេយ្យភាព និងសន្តិសុខរបស់ប្រទេស។
លោកក៏បានផ្ញើសារផងដែរដល់កងទ័ព ដែលកំពុងប្រយុទ្ធនៅអ៊ុយក្រែន។ លោកលើកឡើងថា ពេលនេះអ្វីៗជាច្រើនពឹងលើការរួបរួមរបស់យើង ភាពអង់អាចក្លាហានរបស់ពលទាហាន និងនាយទាហានរុស្ស៊ី និងពឹងលើមនុស្សទាំងអស់ដែលធ្វើការដោយមនសិការ តាមតួនាទីដើម្បីធានាដល់ជ័យជម្នះ។ ខ្ញុំប្រាកដក្នុងចិត្តថាកងទាហានរបស់យើងនឹងមិនបណ្ដោយឲ្យយើងចាញ់ឡើយ។ ការងារធំៗពិតជាត្រូវការនូវការលះបង់ច្រើនរបស់យើង។
ប្រធានាធិបតីរុស្ស៊ី ក៏ទទួលស្គាល់ដោយចំហផងដែរ ការលំបាកនានាដោយសារជម្លោះអ៊ុយក្រែន។ ការលើកឡើងទាំងនេះរបស់លោកពូទីនធ្វើឡើងពេលរុស្ស៊ី កំពុងជួបប្រទះការរិតដ្បិតប្រេងឥន្ធនៈ ស្ទើរក្នុងផ្ទៃប្រទេសទាំងមូល។ បណ្ដារថយន្តបានបន្តកន្ទុយគ្នាយ៉ាងវែង តាមស្ថាននីយចាក់ប្រេងនានា ។ ការលំបាកនានាក៏កើតមានចំពោះបណ្ដាពាណិជ្ជករ មកពីការបំផ្លាញឃ្លាំងនានារបស់ក្រុមហ៊ុនចែកចាយរុស្ស៊ីដោយសារការវាយប្រហាររបស់ដ្រូនអ៊ុយក្រែន ។
ទោះបីយ៉ាណា លោកពូទីនមិនបង្ហាញពីសម្បទានណាមួយឡើយចំពោះអ៊ុយក្រែន ។ លោកបន្តថានៅចំពោះមុខយើងមានការប្រឈមជាច្រើន ។ ភារកិច្ចរបស់គណប្សរុស្ស៊ី រួបរួមគឺធ្វើនូវអ្វីៗទាំងអស់ដើម្បីជ័យជម្នះ។ លោកអះអាងម្យ៉ាងទៀតថា ការបោះឆ្នោត នឹងអះអាងជាថ្មីពីស្ថេរភាពរបស់រដ្ឋ និងសមត្ថភាពរបស់រដ្ឋក្នុងការទប់ទល់ចំពោះរាល់ការគំរាមកំហែងពីខាងក្រៅ ៕
ចែករំលែកព័តមាននេះ