ប្រទេសជប៉ុន ៖ បន្ទាប់ពីការរញ្ជយដីមួយកម្លាំង៥,៩រីស្ទ័រ កាលពីថ្ងៃទី២៣ សីហា ប៉ះពាល់ដល់តំបន់ក្រុងតូក្យូ និងផ្នែកខាងកើតនៃតំបន់ក្រុងកានតូ ខាងផ្នែកឧតុនិយមជប៉ុនអះអាងថា ពុំមានគ្រោះថ្នាក់ស៊ូណាមីឡើយ ។ ចំណែកអ្នកធ្វើអត្ថាធិប្បាយម្នាក់នៃទូរទស្សន៍ជប៉ុន NHK អះអាងប្រាប់ដល់ពលរដ្ឋជប៉ុនថា ខាងផ្នែកឧតុនិយមបញ្ជាក់ច្បាស់ថា ពុំមានគ្រោះថ្នាក់ស៊ូណាមីទេ ។
ការរញ្ជួយដីនោះដែលមានរយៈពេលជិត១នាទីពេញ ក្នុងផ្នែកមួយចំនួនរបស់ប្រទេស បានញ័ររង្គើរបន្ទាប់ពីការប្រកាសអាសន្នដំបូងតាមទូរស័ព្ទដៃប្រាប់ដល់ប្រជាជន។ នេះបើតាមការអះអាងរបស់ទូរទស្សន៍នោះ។ ការរញ្ជួយដីនេះ កើតមានក្នុងជម្រៅប្រមាណជា៧០គីឡូម៉ែត្រ ដោយចំណុចកណ្ដាលរបស់វាស្ថិតនៅខាងត្បូងក្រុងអ៉ីបារ៉ាក់គីស្ថិតនៅចម្ងាយ១០០គីឡូម៉ែត្រពីរាជធានីតូក្យូ ។
តាមទីភ្នាក់ងារព័ត៌មានក្យូដូញូវថា មនុស្សច្រើននាក់រងរបួសដោយសារការរញ្ជួយដីនេះ។ ក្នុងចំណោមអ្នករបួសទាំងនេះមានជាពិសេស បុរសវ័យក្មេងម្នាក់ និងនារីអាយុប្រមាណជា៧០ឆ្នាំម្នាក់នៅសាអ៉ីតាម៉ាជិតក្រុងតូក្យូ ព្រមទាំងមនុស្ស៣នាក់នៅកាវ៉ាហ្សាគីខាងត្បូងក្រុងតូក្យូ។ សរុបមនុស្សប្រមាណជា៣៧នាក់រងរបួសធ្ងន់ ឬស្រាល ។
បណ្ដាប្លុកនុយក្លេអ៊ែរ ស្ថិតក្នុងតំបន់គ្រោះថ្នាក់តាមអាជ្ញាធរថា មិនរងការខូចខាតឡើយ ។ ការរញ្ជួយដីនោះដែលមានកម្លាំងមធ្យម កើតមានតែប៉ុន្មានសប្ដាហ៍ បន្ទាប់ពីការរញ្ជួយដីកម្លាំង៧,១រីស្ទ័រ បណ្ដាលឲ្យមនុស្សស្លាប់៣៨នាក់និងរបួស៣៦៤នាក់ ដែលកើតមានក្នុងខេត្តគូម៉ាម៉ូតូភាគខាងត្បូងជប៉ុន ។
ចំណែកផ្នែកឧតុនិយមជប៉ុនវាយតម្លៃថា មានគ្រោះថ្នាក់ខ្លាំងនៃការបាក់ដីមកពីភ្លៀងធ្លាក់ខ្លាំង កាលពីថ្ងៃទី២២សីហា ។ ចំណែកគ្រោះថ្នាក់នៃការញ័ររញ្ជួយក្រោយការរញ្ជួយដីថ្មីនេះក៏មិនបដិសេធដែរ ។ តាមបណ្ដាញសង្គមX នាយករដ្ឋមន្ត្រីជប៉ុនលោកស្រីសាណាអេតាកាអ៉ីជី ប្រកាសនាថ្ងៃទី២៣សីហា ពីការបង្កើតសាខានៃវិបត្តិមួយសម្រាប់គ្រប់គ្រងព្រឹត្តិការណ៍នានា ។
លោកស្រីមានប្រសាសន៍ថា ខ្ញុំអំពាវនាវដល់បណ្ដាមនុស្សដែលស្ថិតក្នុងតំបន់ដែលមានការញ័ររង្គើរខ្លាំង ឲ្យបន្តការប្រុងប្រយ័ត្នចំពោះការរញ្ជួយដីកម្លាំងប្រហាក់ប្រហែលគ្នានោះមួយទៀត ៕
ចែករំលែកព័តមាននេះ